Bigg Boss 6 Telugu: ఇంటి సభ్యులంతా తమ వారిని వదిలి వచ్చి 37 రోజులు అయిపోయింది. దీంతో అందరి మనసు ఇంటి వైపే ఉంది. తమ వాళ్లు ఎలా ఉన్నారో తెలుసుకునే అవకాశం వస్తుందేమోనని చాలా ఎదురుచూస్తున్నారు. ఇలాంటి సమయంలో బిగ్ బాస్ అలాంటి అవకాశం ఇస్తే ఎలా ఉంటుంది? ఇంటి సభ్యులంతా చాలా ఎమోషనల్ అయిపోయారు.కెప్టెన్సీ కంటెండర్ల టాస్కుగా ‘బ్యాటరీ రీచార్జ్’ ఇచ్చారు. ఈ టాస్కు వివరాలను పూర్తిగా చూపించలేదు.కానీ ప్రోమోలో చూపించిన దాని ప్రకారం ఇంటి నుంచి ఫోన్ రావడం లేదా ఆడియో మెసేజ్, వారు చేసిన వంటకం రావడం వంటివి ఉన్నట్టు తెలుస్తోంది. బయట గార్డెన్లో ఒక ఫోన్ బూత్ ఉంది. అలాగే ఫుల్ బ్యాటరీని చూపిస్తున్నా నమూనా కూడా ఉంది.
ఈ ఆటతీరు తెలియాంటే రెండో ప్రోమో విడుదలవ్వాలి లేదా, ఎపిసోడ్ చూడాలి. అయితే శ్రీహాన్‌ను కన్ఫెషన్ రూమ్‌కి పిలిచారు. అతని ముందు మూడు ఆప్షన్లు ఉంచారు. అందులో ఒకటి వీడియో కాల్, రెండోది ఇంటి నుంచి పంపించే ఆహారం, మూడో ఆడియో మెసేజ్. ఆ మూడింటికి ఎంత శాతం బ్యాటరీ వినియోగించాలో కూడా ఇచ్చారు. వీడియో కాల్‌కు 35 శాతం, ఆహారానికి 15 శాతం, ఆడియో మెసేజ్‌కు 30 శాతం ఇచ్చారు. ఆ మూడింట్లో ఏదైనా కోరుకుంటే అంత శాతం శ్రీహాన్ బ్యాటరీ తగ్గుతుందని అర్థమేమో. కానీ శ్రీహాన్ ఏదీ కోరుకోలేదు. దీంతో బిగ్ బాస్ ఏ ఆప్షన్ ఎంచుకోకపోతే ఆ పర్యవసానాలు ఇంటి సభ్యులంతా ఎదుర్కోవలసి వస్తుందని చెప్పాడు. తరువాత శ్రీహాన్ కంటతడి పెడుతూ కనిపించాడు. గార్డెన్లో ఉన్న బ్యాటరీ వంద శాతం నుంచి కిందకి పడిపోతూ కనిపించింది. దీంతో ఇంటి సభ్యులంతా కంగారు పడ్డారు. చివరికి 40 శాతానికి వచ్చి ఆగినట్టు అర్థమవుతోంది.
శ్రీహాన్ ఒక దగ్గర కూర్చుని ఏడుస్తుంటే అందరూ ఓదారుస్తున్నారు. మరో పక్క శ్రీ సత్య తన తల్లిని గుర్తు చేసుకుని ఏడ్చింది. ఈ ఆట మొత్తం స్వరూపమేంటో తెలియాంటే రెండో ప్రోమో కోసం వెయిట్ చేయాలేమో.
ఇక నిన్న వాడి వేడిగా బిగ్ బాస్ నామినేషన్లు జరిగిన సంగతి తెలిసిందే. ఈ వారం నామినేషన్లలో ఉన్నది వీళ్లే.
1. కీర్తి
2.మెరీనా
3. బాలాదిత్య
4. ఆదిరెడ్డి
5. గీతూ
6. సుదీప
7. శ్రీహాన్
8. రాజ్
9. శ్రీసత్య
Also read: కలిసి ఆడుతున్నారంటూ భార్యాభర్తలపై కంట్రోల్ తప్పి అరిచిన ఆదిరెడ్డి, కొట్టుకునే దాకా వెళ్లిన ఆ ఇద్దరూ