Bigg Boss Telugu 7: నామినేషన్స్ ముగిసిపోయిన తర్వాత కూడా కంటెస్టెంట్స్ అంతా దాని గురించే మాట్లాడుకునే అలవాటు ఇంకా మార్చుకోలేదు. నామినేషన్స్‌లో ఉన్నందుకు.. తనను నమ్మినవాళ్లే మోసం చేశారంటూ పల్లవి ప్రశాంత్.. చాలా ఎమోషనల్ అయ్యాడు. ఇక శివాజీ కూడా అర్జున్ విషయంలో కాస్త ఎక్కువగానే రియాక్ట్ అయ్యాడు. నామినేషన్స్ రోజు మాత్రమే కాదు.. ఆ తర్వాత రోజు కూడా అర్జున్.. తనను నామినేట్ చేసినదాని గురించే ప్రశాంత్‌తో మాట్లాడుతూ ఉన్నాడు. అందుకే అసలు అర్జున్ వైపుకు వెళ్లకుండా తనకు దూరంగా ఉంటున్నాడు శివాజీ. గేమ్స్ విషయంలో కూడా తనకు ఇకపై సపోర్ట్ చేయకూడదు అని నిర్ణయించుకున్నాడు.
100 శాతం పిచ్చి స్ట్రాటజీ..
‘‘నేను మొన్నే వెళ్లిపోవాల్సింది. మెంటల్ టార్చర్‌లాగా ఉంది. వాడేంటి? వాడితో నాకేం సంబంధం? ప్రతీవారం కావాలని గొడవపెట్టుకుంటున్నాడు. వాడికేం ప్రయోజం ఉందో దేవుడికే తెలియాలి. ఇంత దారుణంగా కమర్షియల్ ఉంటారా? ఆ అబ్బాయి అన్ని అబద్దాలే చెప్తున్నాడు. వాడిని నేను ఆపుతున్నానంట. నేనేం ఆపాను? ఆపితే 12 వారాలు ఉంటాడా?’’ అని గౌతమ్ గురించి ప్రశాంత్‌తో చెప్పుకొచ్చాడు శివాజీ. ఆ తర్వాత అర్జున్‌పై కూడా ఆరోపణలు చేశాడు. ‘‘అర్జున్ అతితెలివి ఏంటో నాకు అర్థం కావడం లేదు. ప్రేమగా దగ్గరగా ఉంటే పొడుస్తారు. ఏంటో జనం. నన్ను పంపించేయండి. అర్జున్‌ను చూసి మంచోడు మనిషి అనుకున్నాను. ఇంత వంకరగా ఆలోచిస్తాడని అనుకోలేదు 100 శాతం అది పిచ్చి స్ట్రాటజీ. శోభా చెప్పింది నచ్చలేదు అన్నప్పుడు తనకు చేసుకోవచ్చు కదా నామినేషన్’’ అని అర్జున్ గురించి మాట్లాడాడు శివాజీ. రోజు మొత్తంలో అర్జున్ ప్రస్తావన చాలాసార్లు తీసుకొచ్చాడు. జీవితంలో ఎప్పుడైనా ఇంకొకరి కోసం స్టాండ్ తీసుకోవాలంటే భయమేస్తుందని అన్నాడు. ఇదంతా జనాలు చూస్తాడనే శివాజీ.. తనను నామినేట్ చేసిన గౌతమ్, అర్జున్‌ల గురించి ఎక్కువ మాట్లాడుతూ బిగ్ బాస్‌కు ఫూటేజ్ ఇస్తున్నట్లు తెలుస్తోంది.
మొహం కూడా చూడడం లేదు..
శోభా, అమర్‌దీప్, ప్రియాంక కలిసి కూడా తాజాగా నామినేషన్స్ గురించే చర్చించుకున్నారు. ఇన్నివారాలు అసలు నామినేషన్స్ జరగనట్టు, కొత్తగా జరుగుతున్నట్టు ప్రవర్తిస్తున్నారు అని శోభా చెప్పడం మొదలుపెట్టింది. నామినేషన్స్ అయిపోయిన తర్వాత పల్లవి ప్రశాంత్ తనతో ఎలా ప్రవర్తించాడో వారితో చెప్పాడు అమర్. నమ్మకద్రోహం అనే పదాన్ని కావాలని ప్రేక్షకులు చూడాలని ఉపయోగించాలని అన్నాడు. మామూలుగా ప్రశాంత్.. రివర్స్ నామినేషన్స్ వేస్తాడని, కానీ అమర్ విషయంలో అలా వేయడం జరగలేదు కాబట్టి ఫీల్ అవుతున్నాడని శోభా తన అభిప్రాయాన్ని బయటపెట్టింది. యావర్, ప్రశాంత్.. తనతో, ప్రియాంతో మాట్లాడడం లేదని, పక్కకు తప్పుకొని వెళ్లిపోతారని చెప్పింది.
బిగ్ బాస్‌పై ప్రశాంత్ అలక..
హౌజ్‌లో సరదాగా జరిగే విషయాలను కూడా స్పై బ్యాచ్ సీరియస్‌గా తీసుకుంటోంది. హౌజ్ అంతా ఒకవైపు సరదాగా ఉన్నా స్పై బ్యాచ్ మాత్రం సెపరేటుగా ఉంటూ ఎవరి ఎంజాయ్‌మెంట్‌లో పాల్గొనడానికి ఇష్టపడలేదు. ఇక నవంబర్ 28న ప్రసారమయిన ఎపిసోడ్‌లో అమర్.. చపాతీ పిండి కలుపుతుంటే.. బాగా కలుపుతున్నావని, చపాతీలు చేసిన తర్వాత తనకు కూడా పంపించమని బిగ్ బాస్ అన్నారు. దీంతో ప్రశాంత్.. బిగ్ బాస్‌పై అలిగాడు. నేను ఎన్నిసార్లు పిండి కలిపినా.. ఒకసారి కూడా అనలేదని ఫీల్ అయ్యాడు. గౌతమ్ కూడా తాను రెండు గంటలు నిలబడి అందరికోసం కష్టపడి చపాతీలు చేసినప్పుడు తనను ఎప్పుడూ బిగ్ బాస్ ప్రశంసించలేదని అన్నాడు. ఆ తర్వాత శివాజీ వచ్చి వడలు చేసినప్పుడు, ఫ్రూట్ సలాడ్ చేసినప్పుడు కూడా బిగ్ బాస్ ఇలా అనౌన్స్‌మెంట్ ఇవ్వలేదని గుర్తుచేసుకున్నాడు. దీంతో హౌజ్ అంతా సరదాగా ఉన్నా.. స్పై బ్యాచ్ మాత్రం వారితో కలవకూడదని డిసైడ్ అయినట్టు అనిపిస్తోంది.
Also Read: సలార్ వేరు, కెజిఎఫ్ వేరు - ప్రేక్షకులకు పెద్ద ట్విస్ట్ ఇచ్చిన ప్రశాంత్ నీల్
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply