ఇప్పుడు బిగ్ బాస్ రియాలిటీ షో హవానే నడుస్తోంది. అటు తెలుగులోనూ, ఇటు హిందీలోనూ ప్రసారం అవుతూ ప్రేక్షకులని ఫుల్ ఎంటర్ టైన్ చేస్తుంది. వీకెండ్ వచ్చేసిందంటే బిగ్ బాస్ హౌస్లో కిక్ ఇచ్చే ఎంటరటైన్మెంట్ ఉంటుంది. ఇటీవలే హిందీలో బిగ్ బాస్ 16 వ సీజన్ స్టార్ట్ అయ్యింది. ఈ సీజన్ కి  బాలీవుడ్ కండలవీరుడు సల్లూ భాయ్ హోస్ట్ గా చేస్తున్నారు. కానీ ఇప్పుడు హోస్ట్ మారారు. ఆయన స్థానంలో చిత్ర నిర్మాత కరణ్ జోహార్ రానున్నారు. దీనికి సంబంధించి నిర్వాహకుల దగ్గర నుంచి అధికారిక ప్రకటన కూడా వచ్చింది.


సల్మాన్ ఖాన్ గత కొద్ది రోజులుగా డెంగ్యూ ఫీవర్ తో బాధపడుతున్నారు. దీంతో వైద్యులు ఆయన్ని విశ్రాంతి తీసుకోమని సూచించినట్లు తెలుస్తోంది. ఈ నేపథ్యంలోనే హోస్ట్ గా రెండు వారాల పాటు ఆయన తప్పుకున్నారు. సల్మాన్ స్థానంలో కరణ్ కనిపించనున్నారు. దీనికి సంబంధించిన ప్రోమో కూడా వదిలారు. బిగ్ బాస్ కి హోస్ట్ చేయడం కరణ్ కి కొత్తేమీ కాదు. గతేడాది ఓటీటీ వేదికగా ప్రసారం అయిన బిగ్ బాస్ షో కి ఆయనే హోస్ట్ చేశారు. దీన్ని అప్పుడు Voot లో ప్రసారం చేశారు.  బిగ్ బాస్ సీజన్ 16 కోసం సల్మాన్ రూ.1000 కోట్లు పారితోషకం తీసుకుంటునట్లు వార్తలు వచ్చాయి. వాటిని సల్మాన్ కొట్టిపారేశారు.


సినిమాల విషయానికి వస్తే..


ఇటీవలే సల్మాన్ మెగాస్టార్ చిరంజీవితో కలిసి గాడ్ ఫాదర్ సినిమాలో కనిపించారు. ఇద్దరు మెగా స్టార్స్ ఒకే సినిమాలో కనిపించి ఫ్యాన్స్ ని ఫుల్ ఖుషి చేశారు. ఈ సినిమా ప్రమోషన్స్ లో కూడా సల్మాన్ చిరుతో కలిసి పాల్గొన్నారు. ప్రస్తుతం సల్మాన్ కిసీ కా భాయ్, కిసీ కాజాన్ సినిమా చేస్తున్నారు. అనారోగ్యం కారణంగా ఈ సినిమా షూటింగ్లో కూడా పాల్గొనలేకపోతున్నారు. ‘కిసి కా భాయ్ కిసి కా జాన్’  సినిమాలో వెంకటేష్ కీలక పాత్రలో కనిపించనున్నారు. ఈ సినిమాలో పొడుగు కాళ్ల సుందరి పూజా హెగ్డే హీరోయిన్ గా నటిస్తుంది. ఈ సినిమాలో విక్టరీ వెంకటేష్ కూడా నటిస్తున్నారు. పూజ అన్న పాత్రలో వెంకటేష్  కనిపించబోతున్నట్లు తెలుస్తోంది. వాస్తవానికి వెంకటేష్ కు, సల్మాన్ కు మంచి దోస్తీ ఉంది. అందుకే సల్మాన్ తన సినిమాలో నటించాలని కోరడంతో వెంకీ వెంటనే ఓకే చెప్పారట. ఇదే సినిమాలో మరో కీ రోల్ జగపతి బాబు చేస్తున్నారట.   


పూజా హెగ్డే కాలికి గాయం


సల్మాన్ ఖాన్ హీరోగా నటిస్తున్న ‘కిసి కా భాయ్ కిసికా జాన్’ సినిమా షూటింగ్ లో పూజా హెగ్డే పాల్గొంది. ముంబైలో జరుగుతున్న ఈ సినిమా షూటింగ్ చాలా వరకు కంప్లీట్ అయ్యింది. ఫైనల్ సీన్లు షూట్ చేస్తున్నట్లు తెలుస్తున్నది. అందుకే ఈ షూటింగ్ కు పూజా తప్పని పరిస్థితుల్లో హాజరైనట్లు సమాచారం. 


Also Read : బాలకృష్ణ సినిమా చూసి రోజంతా జైల్లో ఉన్న దర్శకుడు