Bigg Boss 6 Telugu: వీకెండ్ ఎపిసోడ్ కోసమే కాదు, ప్రోమో కోసం కూడా చాలా మంది ప్రేక్షకులు ఎదురుచూస్తుంటారు. కారణం ఎవరికి నాగార్జున క్లాసు తీసుకుంటారో చూడడం కోసం. ఈ వారం మొత్తమ్మీద ఇంటి సభ్యులు చాలా తప్పులు చేశారు. అందుకే వారికి ఈసారి గట్టి క్లాసు ఉంటుందని అర్థమైపోయింది ప్రేక్షకులకు. అందుకే వీకెండ్ ప్రోమో, ఎపిసోడ్ కోసం ఎదురుచూసే వారి సంఖ్య పెరిగిపోయింది.అయితే ఈ ప్రోమోలో రేవంత్‌కి నాగ్ క్లాసు తీసుకున్నట్ట అర్థమవుతోంది.
పప్పూ కూర్చో...
ఈ వారం జరిగిన ఓ గేమ్‌లో రేవంత్ ‘నువ్వుండరా పప్పు’ అని అర్జున్‌ను అన్నాడు. దానికి అర్జున్ ముందు ఏమీ పట్టించుకోలేదు. కానీ శ్రీసత్య ‘నిన్ను ఏమన్నా పట్టించుకోవా, మనిషివి కావా’ అంటూ కసురుకుంది. దాంతో అర్జున్ రేవంత్ పై చాలా ఫైర్ అయిపోయాడు. ఇద్దరూ గొడవ పడ్డారు. అదే విషయాన్ని ఈరోజు లేవనెత్తారు నాగార్జున. ప్రోమో మొదలవ్వగానే నాగార్జున సీరియస్‌గా ఉన్నారు. ‘ఏంటి బిగ్‌బాస్ ఈ వారం కొంచెం కోప్పడినట్టు ఉన్నారు’ అని అడిగారు. దానికి శ్రీహాన్ సమాధానం చెబుతుండగా మధ్యలో రేవంత్ లేచాడు. వెంటనే నాగ్ ‘పప్పు పప్పు నువ్వు కూర్చో’ అన్నారు సీరియస్‌గా. దీంతో రేవంత్ చాలా ఫీలైనట్టు కనిపించాడు. తరువాత నాగార్జున శ్రీహాన్ హ్యాపీ బర్త్ డే చెప్పారు. తరువాత ‘నీకోసం కేకు, హార్ట్’ అన్నారు. ఇనయా కేకు తయారు చేసి హార్ట్ సింబల్ వేసిన సంగతి తెలిసిందే. దానికి శ్రీహాన్ ‘ఏదైనా తేడా వస్తే కెమెరాలోంచి చీపుళ్లు, చెప్పులు అన్నీ వచ్చేస్తాయి సర్’ అన్నాడు.
తప్పు ఎవరిది?
శ్రీసత్యను పప్పు విషయంలో తప్పు ఎవరిది? అని అడిగారు నాగార్జున. దానికి శ్రీసత్య ‘ఫ్రెండ్స్ నలుగురు ఉన్నప్పుడు ఏమనుకున్నా ఫర్వాలేదు సర్, గేమ్ జరుగుతున్నప్పుడు నువ్వుండరా పప్పు అనడం కొంచెం బాగోలేదు’ అంది. నాగార్జున ‘రేవంత్ నువ్వు చేసింది తప్పా, ఒప్పా? చెప్పు పప్పు’ అని అడిగారు. దానికి రేవంత్ ‘ఇన్ని వారాల్లో లేనిది, అప్పుడు ఎప్పుడు చెప్పనిది, ఇప్పుడు పక్కవాళ్లెవరో చెబితే చెప్పడం’ అనగానే అర్జున్ ‘లేదు సర్ చాలా సార్లు చెప్పాను అనొద్దని’ అని చెప్పాడు. ఈ విషయం చివరికి ఏం తేల్చారో ఎపిసోడ్ చూడాలి.
ఫైమా సంచాలకురాలిగా ఎలా చేసిందని అడిగితే రాజ్ ఏదో చెప్పబోయాడు. దానికి నాగార్జున ‘ఇక చాలు’ అంటూ రాజ్ లాగే నటించి చూపించారు. తరువాత చిట్టీల్లో నీ పేరు వచ్చాక మళ్ల ఓటింగ్‌కు ఎందుకు వెళ్లావ్ అని అడిగారు శ్రీసత్యని. దానికి ‘ఎంటర్టైన్మెంట్ ఇవ్వలేదని మీరు తిడతారని మేము ఫిక్సయ్యాం, దానితో పాటూ చిట్టీలాట ఆడామని మీరు తిడతారేమోనని’ అని సమాధానం చెప్పింది శ్రీసత్య. దానికి నాగార్జున ‘అంతా నా మీద తోసేశారా?’ అని సీరియస్‌గా అన్నారు. దాంతో ప్రోమో ముగిసింది.
Also read: ఆడినా కూడా జైలుకెళ్లిన వాసంతి, అందరూ కలిసి టార్గెట్ చేశారుగా