Bigg Boss 9 Telugu Live Updates: 9 మంది సెలబ్రిటీస్... ఆరుగురు కామనర్స్ - బిగ్ బాస్ సీజన్ 9 ఫైనల్ కంటెస్టెంట్స్ | Nagarjuna bigg boss telugu season 9 live updates contestants full details

07/09/2025 21:33:55

బిగ్ సర్ ప్రైజ్ - 15వ కంటెస్టెంట్‌గా కామనర్ మర్యాద మనీష్

బిగ్ బాస్ హౌస్‌లోకి బిగ్ సర్ ప్రైజ్ ఇస్తూ 15వ కంటెస్టెంట్‌గా కామనర్ మర్యాద మనీష్‌ను యాంకర్ శ్రీముఖి ఎంపిక చేశారు. తొలుత 14 మందినే అనుకున్నా... హోస్ట్ నాగార్జునను రిక్వెస్ట్ చేయగా 15వ కంటెస్టెంట్‌కు అవకాశం ఇచ్చారు బిగ్ బాస్. దీంతో యాంకర్ శ్రీముఖి, జ్యూరీ అభిజిత్ మనీష్‌‌ను సెలక్ట్ చేశారు. దీంతో మొత్తం 15 మందితో బిగ్ బాస్ హౌస్ సీజన్ 9 సాగనుంది. వైల్డ్ కార్డ్ ఎంట్రీతో మరో ఐదుగురు ఎంటర్ అయ్యే అవకాశం ఉంది.

07/09/2025 22:10:40

14వ కంటెస్టెంట్‌గా కామనర్ ప్రియా శెట్టి

బిగ్ బాస్ హోస్‌లోకి చివరి కంటెస్టెంట్‌ లాస్ట్ కామనర్‌గా ప్రియా శెట్టి ఎంట్రీ ఇచ్చారు. ఆడియన్స్ ఓటింగ్ ద్వారా ఆమె ఛాన్స్ దక్కించుకున్నారు. తనను హౌస్‌లోకి పంపించిన ఆడియన్స్, జ్యూరీకి థాంక్స్ చెప్పారు. తనను హౌస్‌లో కూడా ఇలానే ఎంకరేజ్ చేయాలని కోరారు. బిగ్ బాస్ హౌస్‌లోకి ఫైనల్‌గా 5 మంది కామనర్స్ హౌస్‌లోకి ఎంట్రీ ఇచ్చారు.

07/09/2025 21:30:49

13వ కంటెస్టెంట్‌గా ఫైనల్ సెలబ్రిటీ సుమన్ శెట్టి

బిగ్ బాస్ హౌస్‌లో 13వ కంటెస్టెంట్‌గా ఫైనల్ సెలబ్రిటీ సుమన్ శెట్టి ఎంట్రీ ఇచ్చారు. 'జయం' మూవీతో ఇండస్ట్రీలోకి ఎంట్రీ ఇచ్చిన ఆయన ఫస్ట్ మూవీతోనే మంచి ఫేమ్ సంపాదించుకున్నారు. ఆ తర్వాత తమిళం, మలయాళం, కన్నడ, భోజ్ పురి భాషల్లో దాదాపు వందల్లో సినిమాలు చేసినట్లు చెప్పారు. తనకు ఫస్ట్ ఛాన్స్ డైరెక్టర్ తేజ ఇస్తే... రెండో ఇన్నింగ్స్ బిగ్ బాస్ ద్వారా వచ్చిందని తన ఆటతో నాగార్జున చేతుల మీదుగా కప్పు అందుకుంటానని తెలిపారు.

07/09/2025 21:17:10

12వ కంటెస్టెంట్‌గా కామనర్ దమ్ము శ్రీజ ఎంట్రీ

బిగ్ బాస్ హౌస్‌లో 12వ కంటెస్టెంట్‌గా కామనర్ దమ్ము శ్రీజ సెలక్ట్ అయ్యారు. జ్యూరి మెంబర్ నవదీప్ ఆమె పేరును అనౌన్స్ చేశారు. అగ్నిపరీక్షలో ఎంటర్ అయిన మొదటి రోజు నుంచే తనదైన గేమ్, మాటలతో అందరినీ అట్రాక్ట్ చేశారు. ఫుల్ జోష్‌తో జ్యూరీ మెంబర్స్‌తో పాటు ఆడియన్స్‌ను ఎంటర్‌టైన్ చేశారు. టాస్క్ అంటేనే రాకెట్ స్పీడ్‌తో వెళ్లి గేమ్ ఆడేవారని నవదీప్ చెప్పారు. తాను మొదటి నుంచి విన్నర్ పొజిషన్‌కే ఎయిమ్ చేశానని... తనను హౌస్‌లోకి పంపించినందుకు జ్యూరీకి థాంక్స్ చెప్పారు. హోస్‌లో తనను తాను ప్రూవ్ చేసుకుంటానని అన్నారు. హౌస్‌లోకి ఎంటర్ అయిన తర్వాత వారం రోజుల పాటు హౌస్‌లో బట్టలు ఉతికే పనిని ఎవరికి ఇస్తావ్? అని నాగార్జున ప్రశ్నించగా... శ్రీజ రాము రాథోడ్‌ను ఎంచుకున్నారు.

07/09/2025 21:15:48

11వ కంటెస్టెంట్‌గా ఫోక్ డ్యాన్సర్, 'రాను ముంబయికి రాను' ఫేం రాము రాథోడ్

బిగ్ బాస్ హౌస్‌లోకి 11వ కంటెస్టెంట్‌గా ఫోక్ డ్యాన్సర్, 'రాను ముంబయికి రాను' సాంగ్ ఫేం రాము రాథోడ్ ఎంట్రీ ఇచ్చారు. తన పాటతోనే డ్యాన్స్ పెర్ఫార్మెన్స్‌తో అదరగొట్టిన రాము... నాగార్జునపైనే తనదైన మార్క్‌తో పాట పాడారు.

07/09/2025 21:04:26

10వ కంటెస్టెంట్‌గా 'బుజ్జిగాడు' ఫేం సంజనా గల్రానీ

బిగ్ బాస్ హౌస్‌లోకి 10వ కంటెస్టెంట్‌గా బుజ్జిగాడు ఫేం హీరోయిన్ సంజనా గల్రానీ ఎంట్రీ ఇచ్చారు. తన 7వ క్లాస్‌లోనే మోడలింగ్ ద్వారా ఇండస్ట్రీలోకి అడుగుపెట్టినట్లు చెప్పారు. జాన్ అబ్రహంతో చేసిన యాడ్ చూసి డైరెక్టర్ పూరీ జగన్నాథ్ 'బుజ్జిగాడు'లో ఛాన్స్ ఇచ్చారని తెలిపారు. కెరీర్ బాగున్న టైంలోనే తనను కావాలనే ఓ కేసులో ఇరికించినట్లు చెప్పారు. విచారణ కోసం పిలిచి అరెస్ట్ చేశారని... హైకోర్టు క్లీన్ చిట్ ఇచ్చిందన్నారు. తానేంటో నిరూపించుకోవాలనే బిగ్ బాస్ హౌస్‌లోకి వచ్చినట్లు వెల్లడించారు.

07/09/2025 20:55:58

9వ కంటెస్టెంట్‌గా కామనర్ డీమాన్ పవన్

బిగ్ బాస్ హౌస్‌లో 9వ కంటెస్టెంట్‌గా కామనర్ డీమాన్ పవన్ ఎంట్రీ ఇచ్చారు. ఇప్పటికే మాస్క్ మ్యాన్ హరీష్, సోల్జర్ పవన్ ఎంట్రీ మూడో కామనర్‌గా ఆయన ఎంట్రీ ఇచ్చారు. తాను జపనీస్ నావల్స్ చదువుతానని అందులో డీమాన్ పాత్ర పేరును తన పేరుకు ముందు తగిలించుకున్నట్లు చెప్పారు. ఆడియన్స్ ఓటింగ్ ద్వారా పవన్ హౌస్‌లోకి ఎంట్రీ ఇచ్చారు.

07/09/2025 20:53:15

8వ కంటెస్టెంట్‌గా ఫేమస్ టీవీ యాక్టర్ రీతూ చౌదరి

బిగ్ బాస్ హౌస్‌లో 8వ కంటెస్టెంట్‌గా పలు తెలుగు సీరియల్స్‌లో మంచి గుర్తింపు తెచ్చుకున్న హీరోయిన్ రీతూ చౌదరి ఎంట్రీ ఇచ్చారు. తొలుత సోషల్ మీడియా ఇన్‌ఫ్లుయెన్సర్‌గా పాపులర్ అయ్యి తర్వాత సీరియల్స్‌తో ఫేం సంపాదించుకున్నారు. తన అసలు పేరు దివ్య అని... తాను చదివేటప్పుడు క్లాస్‌లో 10 మందికి దివ్య అనే పేరు ఉండేదని... అందుకే తన పేరు రీతూ అని పేరు మార్చుకున్నట్లు చెప్పారు.

07/09/2025 20:49:30

ఏడో కంటెస్టెంట్‌గా సీరియల్ యాక్టర్ భరణి - బయటకు వెళ్లిపోవాలనుకున్నా బిగ్ బాస్ దయతో...

బిగ్ బాస్ హౌస్‌లోకి సీరియల్ యాక్టర్ భరణి ఎంట్రీ ఇచ్చారు. ఓ సీక్రెట్ బాక్స్ తనతో తీసుకురాగా అందుకు అనుమతి లేదని బిగ్ బాస్ చెప్పారు. దీంతో తాను బయటకు వెళ్లిపోవాలని నిర్ణయించుకోగా దానికి బిగ్ బాస్ ముందు ఓకే చెప్పారు. ఆ తర్వాత దయతలచి భరణిని హౌస్‌లోకి పంపించారు. అప్పట్లో వచ్చిన 'చిలసౌ స్రవంతి' సీరియల్‌తో ఫేం సంపాదించుకున్నారు. ఆ తర్వాత పలు సినిమాల్లో విలన్ రోల్ చేశారు.

07/09/2025 20:20:02

6వ కంటెస్టెంట్‌గా కామనర్ మాస్క్ మ్యాన్ హరీష్

బిగ్ బాస్ హౌస్‌లోకి 6వ కంటెస్టెంట్‌గా మాస్క్ మ్యాన్ హరీష్ ఎంట్రీ ఇచ్చారు. ఆయన్ను జ్యూరీ మెంబర్ బిందు మాధవి ఎంపిక చేశారు. ఆయన ఎప్పుడూ అబద్ధం చెప్పలేదని... ముందు ఎవరున్నా భయం లేకుండా స్ట్రైట్‌గా మాట్లాడతారని చెప్పారు బింధు. ఆయన బెస్ట్ కామనర్ అని అన్నారు.

తన డ్రీమ్ నిజం అయ్యిందని హరీష్ చెప్పారు. రియల్ లైఫ్‌లో కొంతమంది మాస్క్ వేసుకుని చూస్తారని... హౌస్‌లో అది సాధ్యం కాదని చెప్పారు. సీజన్‌లో ఎన్ని రోజులుంటే అన్నీ రోజులు గుండుతోనే ఉండాలంటూ నాగార్జున చెప్పారు. దీనికి ఓకే అంటూ చెప్పారు హరీష్.

07/09/2025 20:14:45

5వ కంటెస్టెంట్‌గా ఫేమస్ కొరియోగ్రాఫర్ శ్రష్టి వర్మ

బిగ్ బాస్ హౌస్‌లోకి ఫేమస్ కొరియోగ్రాఫర్ శ్రష్టి వర్మ ఎంట్రీ ఇచ్చారు. ఎంట్రీకి ముందు అద్భుతమైన డ్యాన్స్ పెర్ఫార్మెన్స్‌తో అదరగొట్టారు. తనకు బిగ్ బాస్ అంటే ప్రాణమని... హౌస్‌లో మనలో ఉన్న రియాలిటీ బయటకు వస్తుందని చెప్పారు. 'మనమే' మూవీలో శర్వానంద్‌కు, రీసెంట్‌గా 'పుష్ప 2'లో పాటలకు కొరియోగ్రఫీ చేసినట్లు తెలిపారు. 'ఢీ' షోతో పరిచయమైన శ్రేష్టి... జానీ మాస్టర్ దగ్గర అసిస్టెంట్ కొరియోగ్రాఫర్‌గా చేశారు. తనను లైంగికంగా వేధించారంటూ ఆమె ఆయనపై కేసు పెట్టడం హాట్ టాపిక్‌గా మారారు.

07/09/2025 20:00:22

ఫోర్త్ కంటెస్టెంట్‌గా జబర్దస్త్ కమెడియన్ ఇమ్మాన్యుయెల్

బిగ్ బాస్ హౌస్‌లోకి ఫోర్త్ కంటెస్టెంట్‌గా జబర్దస్త్ ఫేం ఇమ్మాన్యుయెల్ ఎంట్రీ ఇచ్చారు. గుంటూరు నుంచి వచ్చిన ఇమ్మాన్యుయెల్ సోషల్ మీడియాలో రీల్స్ చేస్తూ పాపులర్ అయ్యారు. ఆ తర్వాత 'పటాస్' షో ద్వారా పాపులర్ అయ్యారు. ఆ తర్వాత టాప్ కామెడీ షో జబర్దస్త్ ద్వారా ఫేం అయ్యారు. ఆ తర్వాత మూవీస్‌లో చిన్న చిన్న రోల్స్ చేస్తూ ఎంతో క్రేజ్ సంపాదించుకున్నారు. ప్రస్తుతం హౌస్‌లోకి ఎంట్రీ ఇచ్చారు. హౌస్‌లో ఇమ్మాన్యుయెల్ పేరు చాలా కాలం గుర్తుంటుందంటూ చెప్పారు.

07/09/2025 19:59:11

మూడో కంటెస్టెంట్‌గా ఫస్ట్ కామనర్ ఎవరో తెలుసా?

బిగ్ బాస్ హౌస్‌‌లో ఫస్ట్ కామనర్‌గా విజయనగరం నుంచి వచ్చిన సోల్జర్ పడాల కల్యాణ్ ఎంట్రీ ఇచ్చారు. ఆడియన్స్ ఓట్స్ ద్వారా ఆయన హౌస్‌లోకి ఎంట్రీ ఇచ్చారు. అగ్నిపరీక్షలో తన గేమ్‌తో ఎంతో క్రేజ్ సంపాదించుకున్నారు. ఆయన గేమ్‌కు ఆడియన్స్ బ్రహ్మరథం పట్టారు. హౌస్‌లో వాష్ రూమ్ క్లీనింగ్ ఎవరికి ఇస్తావ్? అని కల్యాణ్‌ను అడగ్గా షైనీని ఎంచుకున్నారు.

07/09/2025 19:46:02

రెండో సెలబ్రిటీగా 'లక్స్ పాప' సాంగ్ ఫేం ఆషా షైనీ ఎంట్రీ

రెండో సెలబ్రిటీగా హీరోయిన్ ఆషా షైనీ ఎంట్రీ ఇచ్చారు. టాలీవుడ్‌లో ప్రేమ కోసం మూవీతో ఎంట్రీ ఇచ్చారు ఫ్లోరా షైనీ. నరసింహనాయుడు, నువ్వు నాకు నచ్చావ్ మూవీస్‌లో తన నటనతో మెప్పించారు. 'లక్స్ పాప' సాంగ్‌తో ఫుల్ ఫేమ్ సంపాదించుకున్నారు. తన అసలు పేరు ఫ్లోరా సైనీ అని చెప్పారు. చాలా కాలంగా వెండి తెరకు దూరంగా ఉన్న ఆమె తాజాగా బిగ్ బాస్ హౌస్‌లోకి ఎంట్రీ ఇచ్చేశారు.

07/09/2025 19:38:14

ఫస్ట్ సెలబ్రిటీ తనూజ - బ్యాక్ గ్రౌండ్ ఏంటో తెలుసా?

ఫస్ట్ సెలబ్రిటీగా సీరియల్ నటి తనూజ ఎంట్రీ ఇచ్చారు. కన్నడలో హీరోయిన్‌గా ఎంట్రీ ఇచ్చిన ఆమె... ఆ తర్వాత తెలుగులో 'ముద్దమందారం' సీరియల్‌తో ఎంట్రీ ఇచ్చారు. తాను హౌస్‌లోకి వచ్చిన విషయం తన తండ్రికి తెలియదని... ఈ విషయం తెలిస్తే... తనతో మాట్లాడరని తెలిపింది. తాను అమాయకురాలిని, ఫ్యామిలీ గర్ల్ అని చెప్పారు.

07/09/2025 19:34:32

బిగ్ బాస్ 9 హౌస్ - ఫస్ట్ సెలబ్రిటీ ఎవరో తెలుసా?

బిగ్ బాస్ 9 హౌస్‌లోకి సెలబ్రిటీల ఎంట్రీ ప్రారంభమైంది. ఫస్ట్ సెలబ్రిటీగా హీరోయిన్ తనూజ ఎంట్రీ ఇచ్చారు. డ్యాన్స్ పెర్ఫార్మెన్స్‌‌తో అదరగొట్టగా... ఆమెకు గ్రాండ్ వెల్ కం చెప్పారు నాగ్. నాగ్‌కు స్పెషల్‌గా మటన్ బిర్యానీ చేసి తీసుకొచ్చారు తనూజ.

07/09/2025 19:21:48

బిగ్ బాస్ సీజన్ 9 - డబుల్ హౌస్‌లో ఐదుగురు సామాన్యులు

ఈసారి డబుల్ హౌస్ డబుల్ డోస్‌తో ఎంటర్‌టైన్ చేయనుంది బిగ్ బాస్. ఈసారి సామాన్యులు కూడా ఎంట్రీ ఇవ్వబోతుండడంతో డబుల్ హౌస్ మరింత హైప్ క్రియేట్ చేస్తోంది. టాప్ 13 మెంబర్స్‌లో అగ్నిపరీక్షలో సత్తా చాటిన ఐదుగురు హౌస్‌లోకి ఎంట్రీ ఇవ్వనున్నారు.

07/09/2025 19:10:17

న్యూ రూల్స్... న్యూ బిగ్ బాస్ హౌస్ - హౌస్ట్ నాగార్జునకే పరీక్ష

ఈసారి బిగ్ బాస్ హౌస్‌లో హోస్ట్ నాగార్జునకే పరీక్ష పెట్టింది బిగ్ బాస్. హౌస్‌ను చూడాలంటే తాను పెట్టే పరీక్షను దాటాలంటూ ట్విస్ట్ ఇచ్చింది. దీంతో ఆ పరీక్షల్లో పాల్గొని హౌస్‌లోకి ఎంటర్ ఇచ్చారు నాగ్. కొత్త హౌస్ అదిరిపోయింది.

07/09/2025 19:06:02

బిగ్ బాస్ తెలుగు సీజన్ గ్రాండ్ లాంచ్ - నాగార్జున ఎంట్రీ అదుర్స్

ఊహకందని మార్పులు... ఊహించని మలుపులతో బిగ్ బాస్ తెలుగు సీజన్ 9 గ్రాండ్‌గా ప్రారంభమైంది. హోస్ట్ నాగార్జున ఎంట్రీ అదిరిపోయింది. ఈ సీజన్‌లో రంగంలోకి దిగే అర్జునున్ని చూస్తారని చెప్పారు బిగ్ బాస్.

07/09/2025 15:03:38

Bigg Boss 9 Live Updates: ఫస్ట్ డేనే ఊహించని ట్విస్ట్ - హౌస్‌లోకి ఎంటర్ కాక ముందే బయటకు వచ్చేసిన సెలబ్రిటీ

సీజన్ 9లో బిగ్ బాస్ హౌస్‌లోకి సరికొత్తగా సామాన్యులు ఎంట్రీ అవుతున్నారు. ఈసారి 14 మంది హౌస్‌లోకి ఎంటర్ అవుతుండగా... 9 మంది సెలబ్రిటీలు, మిగిలిన ఐదుగురు కామనర్స్. ఓ సెలబ్రిటీ తనకు చాలా స్పెషల్ అంటూ ఓ చిన్న బాక్స్‌తో ఎంటర్ అయ్యేందుకు వచ్చారు. అయితే, బిగ్ బాస్ అందుకు అనుమతించకపోవడంతో తాను బయటకు వెళ్లిపోతున్నానంటూ ఆ బాక్స్‌తోనే వెళ్లిపోయారు. ఆ సెలబ్రిటీ టీవీ ఆర్టిస్ట్ భరణి కుమార్ అని తెలుస్తోంది. దీంతో ఫస్ట్ డేనే ట్విస్ట్ మామూలుగా లేదంటూ ఆడియన్స్ చర్చించుకుంటున్నారు.

07/09/2025 14:58:04

Bigg Boss Telugu 9 Live Updates: బిగ్ బాస్ లాంచ్ ప్రోమో అదిరింది

మరికొద్ది గంటల్లో బిగ్ బాస్ సీజన్ 9 ప్రారంభం కానుంది. ఈసారి డబుల్ డోస్ డబుల్ హౌస్ డబుల్ జోష్ పెంచేలా ఫుల్ ఎంటర్‌టైన్‌మెంట్ అందనుంది.

Bigg Boss 9 Telugu Live Updates: 9 మంది సెలబ్రిటీస్... ఆరుగురు కామనర్స్ - బిగ్ బాస్ సీజన్ 9 ఫైనల్ కంటెస్టెంట్స్

Background