Bigg Boss Telugu Season 8 :అన్ లిమిటెడ్ ఎంటర్టైన్మెంట్ అంటూ ఈసారి నాగార్జున ఏ ముహూర్తన సీజన్ ని స్టార్ట్ చేశారో తెలియదు కానీ హౌస్ లో ప్రతి చిన్న విషయానికి గొడవ జరుగుతుంది. కంటెస్టెంట్స్ అంతా కంటెంట్ ఇవ్వడానికి చేసే ప్రయత్నంలో కావాలని గొడవలు పడుతూ, షోను చూసే ప్రేక్షకులకు రోత పుట్టిస్తున్నారని చెప్పాలి. ఇక నిన్న మొన్నటిదాకా నాగమణికంఠ అయితే ఏడుస్తూ తన ఎమోషనల్ స్టోరీ గురించి చెప్పిందే చెప్పి విసుగు పుట్టించాడు. అయితే తాజాగా మణికంఠ తనలోని మరో కొత్త యాంగిల్ ని బయట పెట్టాడు. అది కూడా రొమాంటిక్ యాంగిల్. నా భార్య వచ్చినను హగ్ చేసుకోవాలంటే నేను ఈ పనే చేస్తాను అంటూ తన పర్సనల్ లైఫ్ కు సంబంధించిన రొమాంటిక్ సీక్రెట్ ను బయట పెట్టాడు.
హౌస్ లో మొదటి వారమే అందరూ తనను టార్గెట్ చేయడంతో మణికంఠ తెగ ఏడ్చాడు. తన ఫాస్ట్ లైఫ్ గురించిన స్టోరీని చెప్పి ఆడియన్స్ మనసును పిండేసాడు. సింపతి కార్డ్ ప్లే చేసి బాగానే జనాలకు కనెక్ట్ అయ్యాడు. ఫలితంగా ఓటింగ్లో ఎక్కడో లాస్ట్ లో ఉండాల్సిన ఈ కంటెస్టెంట్ టాప్ లోకి దూసుకెళ్లాడు. ఇక బిగ్ బాస్ నువ్వు అనుకుంటున్నట్టుగా ఏమీ జరగదు అంటూ భరోసా ఇవ్వడంతో తనలోని ఎమోషనల్ యాంగిల్ ని, ఇప్పటిదాకా వాడిన సింపతి కార్డుని పక్కన పెట్టేసి కొత్త యాంగిల్ ని బయటకు తీసుకొచ్చాడు. హౌస్ మేట్స్ కూడా ఒక్కరోజులోనే ఇతనిలో వచ్చిన మార్పును చూసి షాక్ అయ్యారు. నబిల్ అయితే ఏకంగా భలే కలిసిపోతున్నాడు అంటూ ప్రశంసల వర్షం కురిపించాడు. అలాగే హౌస్ మేట్స్ లోని ఒకరిద్దరు తనలో చాలా మార్పు వచ్చింది అంటూ ఎపిసోడ్ 6లో మాట్లాడుకోవడం కనిపించింది. ఏదైతేనేం మణికంఠ ఏడవడం మానేసి హ్యాపీగా ఉంటున్నాడు అదే చాలు అనుకునే లోపు తనలోని రొమాంటిక్ యాంగిల్ ని బయటపెట్టి టాక్ ఆఫ్ ది షో అయ్యాడు.
Read Also: 'టేస్టీ' తేజకు సినిమాలో మెయిన్ లీడ్ రోల్
ఇక విషయంలోకి వెళ్తే తాజా ఎపిసోడ్ లో ఆదిత్య బేబక్కకి తన దగ్గర ఉన్న పర్ఫ్యూమ్ స్మెల్ చూడమంటూ చేతిపై స్ప్రే చేశాడు. ఆమె వెంటనే స్మెల్ చూసి బాగుందంటూ కితాబు ఇచ్చింది. ఆ వెంటనే మణికంఠ తన భార్యను గుర్తు చేసుకుంటూ తన రొమాంటిక్ లైఫ్ కి సంబంధించిన సీక్రెట్ ని బయట పెట్టాడు. నా భార్య నన్ను హగ్ చేసుకోవాలంటే నేను ఇదే పర్ఫ్యూమ్ వాడతాను. తనకి కాఫీ అంటే చాలా ఇష్టం. అందుకే తను ఫ్లైట్ దిగినప్పుడు, తన దగ్గరకు వెళ్లినప్పుడల్లా ఆమె నన్ను హగ్ చేసుకోవాలి అనిపిస్తే ఈ పర్ఫ్యూమ్ వాడతాను. వెంటనే ఆమె స్మెల్ చూసి నాపై వాలిపోతుంది అని బేబక్కకు చెప్తూ భార్యను గుర్తు చేసుకున్నాడు. అలాగే మిస్ యు అంటూ భార్యకి మెసేజ్ కూడా పంపాడు. దీంతో బేబక్క మణికంఠను ఆటపటించింది. ఇక ప్రేక్షకులు కూడా మణికంఠలో ఇదే మార్పును కోరుకుంటున్నారు. కాబట్టి ఆయన ఇలాగే ఆటను కంటిన్యూ చేస్తే మరి కొంతకాలం హౌస్ లో ఎలాంటి టెన్షన్ లేకుండా కొనసాగే అవకాశం ఉంది. అలాగే ఇప్పటి నుంచి చాలామంది ఆయన బయట పెట్టిన రొమాంటిక్ సీక్రెట్ ను ఫాలో అయినా ఆశ్చర్యపోనక్కర్లేదు.