Bigg Boss Telugu Season 8 First Week Elimination: బిగ్ బాస్ సీజన్ 8 సెప్టెంబర్ 1న మొదలై, రోజుకో గొడవతో జనాలకు రోత పుట్టిస్తోంది. కానీ ఎంత వారం మొత్తం సాగే ఎపిసోడ్ లలో ఎంత బోర్ కొట్టినా బుల్లితెర ప్రేక్షకులు ఆతృతగా ఎదురు చూసే వీకెండ్ ఎపిసోడ్ వచ్చేసింది. అలాగే ఈ వీక్ ఎవరు ఎలిమినేట్ అవుతున్నారు అనే విషయం కూడా బయటకు వచ్చింది. అదే నిజమైతే ముందుగా అనుకున్నట్టుగానే ఆ సెంటిమెంట్ వర్కౌట్ అయినట్టే.
ఈ వీక్ ఆ కంటెస్టెంట్ అవుట్
మొదటివారం బిగ్ బాస్ హౌజ్ లో సీరియల్ బ్యాచ్ హడావుడి ఎక్కువగా కనిపించింది. ముగ్గురిని చీఫ్ గా నియమించి, వాళ్లకు సైన్యం అంటూ గేమ్ మొదలుపెట్టారు బిగ్ బాస్. అలాగే చీఫ్ లైన యష్మి, నిఖిల్, నైనిక లకు ఇమ్యూనిటీని ఇచ్చి, ఫస్ట్ వీక్ ఎవరిని నామినేట్ చేయాలనే అధికారాన్ని కూడా వాళ్ళకే అప్పజెప్పారు. నామినేషన్ ప్రక్రియతో దాదాపు మూడు రోజులు హౌజ్ లో జరిగిన రచ్చ అంతా ఇంతా కాదు. అందరూ కలిసి బేబక్క, మణికంఠలను టార్గెట్ చేశారు. ఆ తరువాత టాస్కులు ఆడుతున్న క్రమంలో జరిగిన గొడవలకు లెక్కేలేదు. మొత్తానికి ఎలిమినేషన్ టైం వచ్చేసింది. ఈసారి నామినేషన్ ప్రక్రియ సోమ వారం మొదలుకొని బుధవారం వరకు కొనసాగింది. ఆ తర్వాత ఓటింగ్ లైన్స్ ఓపెన్ కాగా శుక్రవారం అర్ధరాత్రి తో క్లోజ్ అయ్యాయి.
అయితే మొదటివారం నామినేషన్లలో పృథ్వి శెట్టి, మణికంఠ, శేఖర్ భాష, విష్ణు ప్రియ, సోనియా, బెజవాడ బేబక్క పేర్లు ఉన్నాయి. వీరందరిలోనూ మణికంఠ చాలా వీక్ అనుకునే లోపే సింపతి కార్డు ప్లే చేసి ఓటింగ్స్ పరంగా అతను టాప్ లోకి దూసుకెళ్లాడు. ఇక అందరూ అనుకున్నట్టుగా బెజవాడ బేబక్క, శేఖర్ భాష, సోనియా ఓటింగ్ అతి తక్కువగా ఉన్న చివరి ముగ్గురు కంటెస్టెంట్ల లిస్టులో చేరిపోయారు. క్లియర్ గా మొదటి నుంచి బెజవాడ బేబక్క హౌజ్ నుంచి ఈ వీక్ బయటకి వెళ్తుందనేది అందరికీ ముందే అర్థమైంది. తాజా సమాచారం ప్రకారం అందరూ అనుకున్నట్టుగానే ఈ వీక్ నాగార్జున ఆమెను బిగ్ బాస్ హౌజ్ నుంచి బయటకు పంపించినట్టుగా తెలుస్తోంది. ఇప్పటికే దీనికి సంబంధించిన షూటింగ్ పూర్తి పూర్తయింది. కానీ ఈరోజు వినాయక చవితి సందర్భంగా ఎలిమినేషన్ ప్రక్రియను రేపు జరిపే ఛాన్స్ ఉంది. కాబట్టి ఆదివారం రాత్రి బేబక్క హౌస్ నుంచి బయటకు వెళ్లొచ్చు.
Read Also: రొమాంటిక్ యాంగిల్ బయట పెట్టిన మణికంఠ, భార్య హగ్ చేసుకోవాలంటే ఆ పని చేస్తాడట
ఆ సెంటిమెంట్ నిజమైంది
ఇదిలా ఉండగా బిగ్ బాస్ గత సీజన్లను పోల్చి చూసుకుంటే బిగ్ బాస్ హౌస్ లో అడుగు పెట్టిన ఏజ్డ్ కంటెస్టెంట్ లనే మొదటివారం బయటకు పంపుతున్నారు. వాళ్లను ఓవైపు కంటెస్టెంట్స్ టార్గెట్ చేస్తుంటే, మరోవైపు ఫస్ట్ వీక్ కావడంతో ప్రేక్షకులు కూడా పెద్దగా కాపాడే ప్రయత్నం చేయట్లేదు. అంతేకాకుండా వయసును దృష్టిలో పెట్టుకొని హౌస్ మేట్స్ అందరి కోసం వంట చేయడానికి వంటింట్లో గరిట తిప్పిన కంటెస్టెంట్ కచ్చితంగా ఎలిమినేట్ అవుతారు. ఇప్పుడు బేబక్క విషయంలో కూడా ఇదే సెంటిమెంట్ నిజమైంది.
Also Read: ఈమె ఒక్కత్తే పుణ్య స్త్రీ! సోనియాపై విష్ణు ప్రియ అడల్ట్ కామెడీ, ఇచ్చిపడేసిన నాగ్