Bigg Boss 9 Captaincy Task Promo : బిగ్బాస్లో కెప్టెన్సీ రేస్ రసవత్తరంగా జరుగుతుంది. గేమ్స్లో సీక్రెట్స్ టాస్క్లు పెడుతూ.. వారిలో రెబల్స్తో కంటెస్టెంట్లను గేమ్ నుంచి ఎలిమినేట్ చేస్తున్నాడు బిగ్బాస్. అలాగే గేమ్స్లో గ్రీన్ కార్డ్స్ ఇస్తూ.. వారు కెప్టెన్సీ రేస్లో ఉండే ఆశను కల్పిస్తున్నాడు. అయితే దీనిలో భాగంగా టీమ్స్లోనే గొడవలు పెట్టేస్తున్నాడు. తాజాగా ఆరెంజ్ టీమ్లో కూడా అదే జరిగింది. తనూజ, ఇమ్మాన్యుయేల్ ఒకటైపోయి.. గౌరవ్ని బయటకు పంపేందుకు చూస్తున్నారు. అసలు ఏమి జరిగింది.. ప్రోమోలో ఏమి చూపించారో చూసేద్దాం.
బిగ్బాస్ లేటెస్ట్ ప్రోమో..
బిగ్బాస్ కెప్టెన్సీ టాస్క్లో భాగంగా కంటెస్టెంట్లను ఎలిమినేట్ చేసే పవర్ రెబల్స్కి ఇచ్చాడు బిగ్బాస్. అయితే ఇప్పుడు రెబల్స్ ఆరెంజ్ టీమ్లోని వ్యక్తిని తీసేసే అవకాశం ఉంది కాబట్టి.. ఆ టీమ్ అంతా మీటింగ్ పెట్టుకున్నారు. ఆరెంజ్ టీమ్లో తనూజ, రాము, ఇమ్మాన్యుయేల్, గౌరవ్ ఉన్నారు. అయితే గతవారం నుంచి నామినేషన్స్ వరకు నువ్వా నేనా అనే రేంజ్లో గొడవ పెట్టేసుకున్న తనూజ, ఇమ్మాన్యుయేల్ ఒక్క టీమ్గా మారిపోయారు. వారిద్దరూ కలిసి గౌరవ్ను గేమ్ నుంచి తప్పించేందుకు ప్లాన్ వేశారు.
రీతూ చెప్పింది.. తనూజ, ఇమ్మూ స్టార్ట్ చేసేశారు..
ఈ డిస్కషన్కి ముందుగా రీతూ, తనూజ, ఇమ్మూ రెబల్స్ తీసేయడం గురించి మాట్లాడుకుంటారు. అయితే వారికి రీతూనే రెబల్ అని తెలియదు. అయితే ఇప్పుడు ఇమ్మూనే టార్గెట్ అని రీతూ చెప్పగా అవును అంటారు ఇమ్మూ, తనూజ. అయితే నువ్వు కాదు.. వెళ్లి గౌరవ్ని తగలబెట్టు అంటూ నిప్పు అంటించింది రీతూ. తర్వాత తనూజ, ఇమ్మాన్యుయేల్ ప్లాన్ చేసుకున్నట్లు ఈ ప్రోమో చూస్తే తెలుస్తుంది.
గౌరవ్కి అన్యాయం చేసేస్తున్నారు..
తనూజ, రాము, గౌరవ్, ఇమ్మూ కూర్చొని గ్రీన్ కార్డ్ గురించి డిస్కషన్ పెడతారు. అయితే తనూజ గ్రీన్ కార్డ్ నీకు ఇస్తే ఇమ్మూ డేంజర్లో ఉంటాడు. ఇమ్మూకి ఇస్తే గౌరవ్ డేంజర్లో ఉంటాడు. అలాంటప్పుడు ఇద్దరికీ కాకుండా నా దగ్గర ఉంటే న్యూట్రల్గా ఉంటుందంటూ చెప్తుంది. దానికి ఇమ్మూ అవును ఇంతకముందు నేను రిస్క్ తీసుకున్నాను అంటాడు. అయితే గౌరవ్ అలా అయితే నేను కూడా రిస్క్ తీసుకున్నానుగా అని చెప్తాడు. కానీ తనూజ, ఇమ్మూ కలిసి గౌరవ్ని ఎలాగోలా ఒప్పించేందుకు ట్రై చేస్తారు.
నేను కెప్టెన్ అవుతా..
నీకు గ్రీన్ కార్డ్ ఇచ్చేస్తే రెండ్రోజుల నుంచి గేమ్ ఆడిన నేను వేస్టే కదా.. నేను డేంజర్లోకి వెళ్తాను కదా అంటాడు ఇమ్మూ. అలా అయితే నేను కూడా డేంజర్లోకి వెళ్తాను కదా అంటాడు గౌరవ్. మొత్తానికి తిమ్మిని బమ్మి చేసి.. గౌరవ్ని తప్పించాలనుకుంటే గౌరవ్ నేను కూడా కెప్టెన్ అవ్వాలనుకుంటున్నాను అని చెప్పడంతో ప్రోమో ముగిసింది. పూర్తి ఎపిసోడ్లో గౌరవ్ కెప్టెన్సీ రేస్లో ఉన్నాడో.. లేదో తెలుస్తుంది.