Bigg Boss 8 Telugu Second Week Elimination: బిగ్ బాస్ సీజన్ 8 సెకండ్ వీకెండ్ నామినేషన్లలో ఈసారి ఊహించని ట్విస్ట్ చోటు చేసుకోబోతోందని ప్రచారం జరుగుతుంది. అందులో ఎంతవరకు నిజం ఉందో తెలియదు గానీ ఈ వీక్ నామినేషన్లలో ఎలిమినేషన్ కత్తి మాత్రం ఆ ఇద్దరి మీదే ఉంది. మరి ఈ వీక్ ఎలిమినేట్ కాబోతున్న కంటెస్టెంట్స్ ఎవరు? అనే విషయాలను ఇప్పుడు తెలుసుకుందాం పదండి.
ఈ వీక్ ఎలిమినేట్ అయ్యేది వాళ్లే...
సెకండ్ వీక్ నామినేషన్ లో విష్ణు ప్రియ, సోనియా, నిఖిల్, శేఖర్ భాష, నాగ మణికంఠ, కిరాక్ సీత, నైనిక, పృథ్వి ఉన్నారు. అయితే వీళ్ళందరిలో ఈ వీక్ సేఫ్ జోన్ లో ఉన్నది నిఖిల్, సోనియా, విష్ణు ప్రియ అని సమాచారం. గేమ్లో ముందుగా సింపతి కార్డు ప్లే చేసిన నాగ మణికంఠ ఇప్పుడు ఆట తీరును మెరుగు పరుచుకుని ఈ వీక్ కూడా సేఫ్ జోన్లో ఉన్న వారి లిస్ట్ లోనే స్థానం దక్కించుకున్నాడు. ఇక డేంజర్ జోన్ లో ఉన్నది మిగతా ఐదుగురు. అందులో ఇద్దరు ఎలిమినేట్ అవ్వడం పక్కా అని టాక్ నడుస్తోంది. ఆ ఇద్దరు మరెవరో కాదు శేఖర్ భాష, ఆదిత్య ఓం. సింగిల్ ఎలిమినేషన్ ఉంటే వీరిద్దరిలో ఒకరు బయటకి వెళ్ళడం ఖాయం.
ఎక్కువగా ఎలిమినేట్ అయ్యే ఛాన్స్ ఉన్నది మాత్రం ఆదిత్యకే. ఇక బిగ్ బాస్ లో ఈ వీకెండ్ ఊహించని పరిణామం చోటు చేసుకోబోతోందనీ అంటున్నారు. డబుల్ ఎలిమినేషన్ పేరుతో హౌస్ మేట్స్ లో ఇద్దరిని ఎలిమినేట్ చేసి బయటకు పంపిస్తారని ఓ రేంజ్ లో పుకార్లు షికార్లు చేస్తున్నాయి. ఒకవేళ అదే గనక నిజమైతే శేఖర్ భాష, ఆదిత్య ఇద్దరూ ఎలిమినేట్ అవ్వడం ఖాయమని సమాచారం. లేదు సింగిల్ ఎలిమినేషన్ ఉంటే ఆదిత్య ఓం ఎలిమినేట్ అయ్యే ఛాన్సే ఎక్కువగా ఉంది.
Read Also: ఎమోషనల్ సర్ప్రైజ్, ఒక్కొక్కరి స్టోరీతో ప్రోమో ద్వారానే ఏడిపించిన బిగ్ బాస్...
చిన్నోడు కూడా డేంజర్ జోన్ లోనే
నిజానికి డేంజర్ జోన్ లో ఉన్న టాప్ కంటెస్టెంట్స్ లో పృథ్వీ పేరు కూడా ఉండడం గమనార్హం. స్ట్రాంగ్ కంటెస్టెంట్ అనుకున్న పృథ్వి చిట్ట చివరి డేంజర్ జోన్ లో ఉన్న కంటెస్టెంట్స్ లిస్టులో రెండో స్థానంలో ఉన్నాడు. ఓటింగ్ పరంగా చివరగా ఉన్నది పృథ్వి, ఆదిత్య ఓం. వీళ్ళిద్దరికీ లీస్ట్ ఓటింగ్ వచ్చింది. మరి పృథ్వీ కాకుండా శేఖర్ భాష ఎలిమినేట్ అవుతాడని ఎందుకు అంటున్నామంటే దానికి ఒక ప్రత్యేకమైన కారణం ఉంది. ఈ వీక్ మొత్తంలో వచ్చిన ఎపిసోడ్ లలో ఎక్కువగా కనిపించని వారి లిస్టులో ఉన్నది శేఖర్ భాష, ఆదిత్య ఓం. ఇది చాలు కదా వీరిద్దరూ ఎలిమినేట్ కాబోతున్నారు కాబట్టి ఫుటేజ్ లో ఎక్కువ స్పేస్ ఇవ్వలేదు అనుకోవడానికి. అంతేకాదు అటు శేఖర్ భాషకు, ఇటు ఆదిత్యకు ఇద్దరికీ పెద్దగా ఫ్యాన్ ఫాలోయింగ్ లేదు. ఆదిత్య ఓం అయితే అసలు ఈ వీక్ అంతా హౌస్ లో ఉన్నాడా ? అనే అనుమానాన్ని కలిగించాడు.