బిగ్ బాస్ సీజన్ 8లో రెండవ వీకెండ్ వచ్చేసింది. గత వారం నాగ్ హౌజ్ మేట్స్ జడ్జిమెంట్ ఇవ్వాలని చెప్పారు. ఈ వీకెండ్ ఏం జరుగుతుందో చూడాలి. అయితే ఓటింగ్స్ పరంగా టాప్ లో ఉన్నది ఎవరు? డేంజర్ జోన్లో ఉన్న కంటెస్టెంట్స్ ఎవరు? అనే విషయాలను తెలుసుకుందాం పదండి.
ఓటింగ్ లో దుమ్ము రేపుతున్న పెద్దోడు
బిగ్ బాస్ హౌస్ లో కంటెస్టెంట్స్ సర్వైవ్ అవ్వాలంటే దూకుడుగా టాస్క్ లు ఆడడంతో పాటు ఇంటి పనుల్లో, వంట పనుల్లో పాల్గొనడం, అలాగే సహా కంటెస్టెంట్స్ తో మెలిగే తీరు కూడా ముఖ్యమే. ఇదంతా పూర్తయ్యాక ఒకవేళ నామినేషన్ లో లిస్ట్ లో ఉంటే భారమంతా ప్రేక్షకులపైన వేయాల్సి ఉంటుంది. అంటే అన్నిటికంటే ముఖ్యమైనది ప్రేక్షకుల దయ. అభిమానులు ఎలాగూ ఎవరికి నచ్చిన కంటెస్టెంట్స్ కు వాళ్ళు ఓటు వేస్తారు. కానీ ప్రేక్షకులు మాత్రం ఎపిసోడ్ ఎపిసోడ్ కు మారే కంటెస్టెంట్ తీరును బట్టి ఓటు వేయాలా లేదా అని డిసైడ్ అవుతారు. అలా లీస్ట్ ఓటింగ్ వచ్చిన బేబక్క మొదటి వీక్ లో ఎలిమినేట్ అవ్వగా, ఈ వీకెండ్ సెకండ్ ఎలిమినేషన్ ప్రాసెస్ జరగబోతోంది. అయితే ఓటింగ్ పరంగా టాప్ లో ఉన్నవాళ్లు ఈ వీకెండ్ సేవ్ అయినట్టే. ఈ లిస్టులో ముందుగా చెప్పుకోవాల్సిన పేరు నిఖిల్. ఫస్ట్ పులిలా ఉన్న నిఖిల్ ఈ వీకెండ్ అంతా పిల్లి లాగే కనిపించాడు. బాగా సైలెంట్ అయిపోయి ఒక రకమైన బిహేవియర్ తో చికాకు పుట్టించాడు. అయినప్పటికీ సీరియల్ బ్యాగ్రౌండ్ కావడంతో ఆయన ఓటింగ్ పరంగా టాప్ లో దూసుకెళ్తున్నాడు. ఇక ఎపిసోడ్ 13లో మళ్ళీ బౌన్స్ బ్యాక్ అయ్యాడు నిఖిల్. ఆ తర్వాత లిస్టులో విష్ణుప్రియ చేరింది. గతవారం ఎపిసోడ్లో ప్లాఫ్ అనిపించుకున్న విష్ణు ప్రియ ఈ వారం బాగానే సపోర్ట్ ను దక్కించుకుంది. మూడో ప్లేస్ లో ఉన్నది సోనియా. అయితే వీళ్ళిద్దరూ ఇలా టాప్ ప్లేస్ లోకి దూసుకు రావడానికి కారణం వాళ్ళిద్దరి మధ్య ఉన్న గొడవలే. నాలుగో ప్లేస్ లో ఉన్నది నాగ మణికంఠ. ప్రస్తుతం హౌస్ లో అందరికంటే బెటర్ గా ఉన్నాడు అనిపిస్తోంది మణికంఠను చూస్తుంటే. అది ఇలా ఓటింగ్ రూపంలో బయటపడింది.
Read Also: ఎమోషనల్ సర్ప్రైజ్, ఒక్కొక్కరి స్టోరీతో ప్రోమో ద్వారానే ఏడిపించిన బిగ్ బాస్...
డేంజర్ జోన్లో ఉన్నది వీళ్లే... డబుల్ ఎలిమినేషన్
ఇక ఈవారం డేంజర్ జోన్ లో ఉన్న లీస్ట్ కంటెస్టెంట్స్ లో శేఖర్ భాష, సీత, నైనిక, పృథ్వీ, ఆదిత్య ఓం ఉన్నారు. టాప్ అనుకున్న పృథ్వీ ఈ లిస్ట్ లో ఉండడం విశేషం, ఈ వీకెండ్ వీళ్ళలో ఎవరు సేఫ్ జోన్లోకి అడుగు పెడతారు? ఎవరు ఎలిమినేట్ అవుతారు అనేది చూడాలి. అయితే ఈ వీక్ డబుల్ ఎలిమినేషన్ ఉండబోతుందని ప్రచారం జోరందుకుంది. ఒకవేళ అదే నిజమైతే ఈ ఐదుగురిలో ఇద్దరు హౌస్ నుంచి ఈ వీకెండ్ బయటకు వెళ్లడం ఖాయం. మరి ప్రేక్షక దేవుళ్ళతో పాటు బిగ్ బాస్ ఏటి ప్లాన్ చేస్తున్నారో ఆ శివయ్యకే ఎరుక. ఒకవేళ డబుల్ ఎలిమినేషన్ గనక ఉంటే ఆదివారం జరగబోతుందని రూమర్ నడుస్తోంది.