Bigg Boss Nonstop Live: ‘బిగ్ బాస్ ఓటీటీ’ లైవ్ అప్‌డేట్స్: ‘నాన్ స్టాప్’ చివరి కంటెస్టెంట్‌గా సీజన్-4 రన్నర్ అఖిల్ సార్ధక్
‘బిగ్ బాస్ నాన్ స్టాప్’ మరికొద్ది సేపట్లోనే ప్రారంభం కానుంది. శనివారం సాయంత్రం 6 గంటల నుంచి ‘డిస్నీ ప్లస్ హాట్ స్టార్’లో స్ట్రీమింగ్ కానుంది. కాబట్టి, మిస్ కాకుండా చూసేయండి మరి.
‘బిగ్ బాస్ హౌస్’లో 17వ కంటెస్టెంట్‌గా అఖిల్ ఎంట్రీ ఇచ్చాడు. ‘సీజన్-4’లో రన్నరప్‌గా నిలిచిన అఖిల్ ఈ సారి ట్రోపీ గెలుచుకుంటాడో లేదో చూడాలి.
‘హమీదా’ మళ్లీ వచ్చేసింది. ‘‘చానా కష్టం వచ్చిందే మందాకినీ’’ పాటతో మరోసారి హౌస్‌లోకి వచ్చింది. ‘బిగ్ బాస్’ సీజన్-5లో త్వరగానే ఎలిమినేట్ అయిన హమీదాకు ఈ సారి లక్ కలిసి వస్తుందో లేదో చూడాలి. నాగార్జున ఇచ్చిన షర్ట్ ధరించి మరీ స్టేజ్ మీదకు వచ్చింది. గత సీజన్ తరహాలోనే ఈ సారి కూడా హమీదాకు మేల్ కంటెస్టెంట్స్ కళ్లను చూపించి అవి ఎవరివో చెప్పాలని నాగ్ ఆమెకు టాస్క్ ఇచ్చారు.
బిగ్ ‘సర్‌ప్రైజ్’, హౌస్‌లోకి హీరోయిన్ బిందు మాధవి.
యూట్యూబ్ చానెల్ ద్వారా పాపులరైన యాంకర్ శివ.. ఎమోషనల్ ఏవీతో ‘బిగ్ బాస్’లోకి ఎంట్రీ ఇచ్చాడు.
తేజస్వీ మదివాడ హౌస్‌లోకి 12వ కంటెస్టెంట్‌గా బిగ్ బాస్ హౌస్‌లోకి వెళ్లింది. గత సీజన్‌లో త్వరగానే ఎలిమినేట్ అయ్యానని, దీంతో అప్పట్లో తానేంటో నిరూపించుకోలేకపోయానని తేజస్వి తెలిపింది. 13వ కంటెస్టెంట్‌గా సరయు రీ ఎంట్రీ ఇచ్చింది. ‘బిగ్ బాస్’ సీజన్-5లో త్వరగానే ఎలిమినేట్ కావడంతో ఓటీటీలో సరయు మరోసారి తన లక్ పరీక్షించుకోనుంది.
బిగ్ బాస్ హౌస్‌లోకి కంటెస్టెంట్‌గా నటి, నిర్మాత మిత్రా శర్మ. ఏవీతో ఆకట్టుకున్న బ్యూటీ. ‘తొలి సంధ్య వేళలో సినిమాతో టాలీవుడ్‌కు పరిచయమైన ఈమె ‘బిగ్ బాస్’ ద్వారా తన లక్ పరీక్షించుకోనుంది.
బిగ్ బాస్ హౌస్‌లోకి మోడల్ అనిల్ రాథోడ్. హౌస్‌లో ఉన్న అమ్మాయిల లిప్ స్టిక్ మార్కుల్లో ఒకటి ఎంచుకుని మరీ హౌస్‌లోకి వెళ్లాడు. మరి, ఆ లిప్స్ ఏ కంటెస్టెంట్‌తో మ్యాచ్ అవుతాయో చూడాలి.
హౌస్‌లోకి ‘నగ్నం’ బ్యూటీ శ్రీ రాపాక. రామ్ గోపాల్ వర్మ దర్శకత్వంలో తెరకెక్కిన సంచలన చిత్రం ‘నగ్నం’ మూవీ ద్వారా పరిచయమైన శ్రీ రాపాక.. ‘రేసుగుర్రం’లా ఉంటానంటూ హౌస్‌లోకి వెళ్లింది.
నటరాజ్ మాస్టర్ మళ్లీ ‘బిగ్ బాస్’ ఇంట్లోకి వచ్చారు. ‘బిగ్ బాస్’ సీజన్-5లో త్వరగానే హౌస్ నుంచి బయటకు వెళ్లిన నటరాజ్ మాస్టార్.. ఇప్పుడు మళ్లీ తన లక్ పరీక్షించుకోనున్నారు.
‘నాన్ స్టాప్’ ఎంటర్‌టైన్మెంట్ కోసం మళ్లీ వచ్చిన అరియానా, స్టేజ్‌పై దుమ్ము రేపిందిగా!
‘బిగ్ బాస్ - నాన్ స్టాప్’లోకి ఆర్జే చైతూ వచ్చేశాడు, అమ్మాయి ప్రేమ కంటే.. ‘అమ్మ’ ప్రేమే గొప్పదంటూ భావోద్వేగపు ఏవీతో ముందుకొచ్చాడు. తన వాచ్ చాతుర్యంతో నాగ్‌ను ఆకట్టుకున్నాడు. బిగ్ బాస్ హౌస్‌లోకి వెళ్లాక.. సన్నగా తిరిగి రావాలనేది నా కోరిక అని తెలిపాడు. చైతూకు ఫుడ్ అంటే ఇష్టమని తెలిసి చికెన్ పిజ్జా పెట్టి మరీ నాగ్ హౌస్‌లోకి పంపారు.
యాంకర్ స్రవంతి చొక్కారపు బిగ్ బాస్ హౌస్‌లోకి వచ్చింది. ఈ సందర్భంగా నాగార్జునతో మాట్లాడుతూ.. తాను రెండుసార్లు పెళ్లి చేసుకోవల్సి వచ్చిందని తెలిపింది. ఇష్టమైన వ్యక్తిని పెళ్లాడిన తర్వాత, తన తల్లిదండ్రులు మరోసారి పెళ్లి చేశారని చెప్పింది.
మొదటి టాస్క్. బిగ్ బాస్‌లోకి వచ్చే వ్యక్తిని రోస్ట్ చేయాలంటూ బిగ్ బాస్ అషు, ముమైత్, మహేష్ విట్టాలకు టాస్క్ ఇచ్చాడు. ఈ సందర్భంగా వారు నటుడు అజయ్‌ను రోస్ట్ చేశారు.
బిగ్ బాస్ నాన్ స్టాప్‌లోకి 4వ కంటెస్టెంట్‌గా నటుడు అజయ్ ఎంట్రీ ఇచ్చాడు.
ముమైత్ ఖాన్ ‘బిగ్ బాస్’లో రీఎంట్రీ ఇచ్చింది. ‘‘నా పేరు కనకం’’ పాటతో.. మాంచి జోష్‌తో `ముమైత్ స్టేజ్‌పై డ్యాన్స్ అదరగొట్టింది. ఇదివరకు ముమైత్ ఖాన్ సీజన్-1లో పాల్గొంది.
బిగ్ బాస్ హౌస్‌లోకి మహేష్ విట్టా. స్పెషల్ ఏవీ. ప్రస్తుతం అషూ రెడ్డి, మహేష్ విట్టా హౌస్‌లో ఉన్నారు. వీరిద్దరూ గతంలో ‘బిగ్ బాస్’ సీజన్-3లో పాల్గొనడం విషయం గమనార్హం.
‘‘ఊ అంటావా మావ.. ఉఊ అంటావా’’ పాటతో హౌస్‌లోకి ఎంట్రీ ఇచ్చిన అషూరెడ్డి.
హోస్ట్ నాగార్జున బిగ్ బాస్ హౌస్‌లోకి ఎంట్రీ ఇచ్చారు. హౌస్ మొత్తాన్ని ప్రేక్షకులకు చూపిస్తున్నారు. ఈ సారి బిగ్ బాస్ హౌస్ భలే.. అందంగా, కలర్‌ఫుల్‌గా ఉంది.
‘బిగ్ బాస్’ నాన్ స్టాప్ ఈ రోజు నుంచి ‘డిస్నీ ప్లస్ హాట్ స్టార్’లో స్ట్రీమింగ్ కానుంది. ఓటీటీ సదుపాయం ఉన్నవారు ఇకపై రోజూ 24x7 హౌస్‌లో ఏం జరుగుతుందో చూడవచ్చు. మరికొద్ది సేపట్లో హోస్ట్ నాగార్జున 17 మంది కంటెస్టెంట్లను పరిచయం చేయనున్నారు. మరి, ఎవరు హౌస్‌లోకి ఎంట్రీ ఇవ్వపోతున్నారు. బిగ్ బాస్.. కొత్త ఫార్మాట్ ఎలా ఉండబోతుందో చూసేయండి మరి. ‘లైవ్ అప్‌డేట్స్’ కోసం ఈ పేజ్‌ను ఎప్పటికప్పుడు రిఫ్రెష్ చేస్తుండండి.
Background
‘బిగ్ బాస్ ఓటీటీ’ నాన్ స్టాప్ ఎంటర్‌టైన్మెంట్ అందించేందుకు సిద్ధమైపోయింది. మరికొన్ని నిమిషాల్లోనే ‘బిగ్ బాస్’ నిర్విరామ కార్యక్రమం మొదలు కానుంది. ఇప్పటికే హోస్ట్ అక్కినేని నాగార్జున బిగ్ బాస్-నాన్ స్టాప్‌పై అవగాహన కలిగిస్తే అదిరిపోయే ప్రోమోతో ముందుకొచ్చారు. మునుపెన్నడూ లేనంత అందంగా మురిసిపోతున్న బిగ్ బాస్ హౌస్‌ను చూసి.. తనకు కూడా అక్కడి నుంచే హోస్టింగ్ చేయాలని అనిపిస్తోందని నాగ్ చెప్పడంతో.. బిగ్ బాస్ ఒప్పుకోలేదు. ‘‘నాగార్జున, ఇది నా అడ్డా’’ అంటూ ఫన్ క్రియేట్ చేశారు.
ఇన్నాళ్లూ బిగ్ బాస్ కేవలం గంట మాత్రమే ప్రసారమయ్యేది. తాజా షో మాత్రం 24 గంటలూ ప్రసారం కానుంది. ఇకపై కంటెస్టెంట్లను 24 గంటలూ కనిపెట్టవచ్చు. ఇప్పటికే బిగ్ బాస్ హౌస్ కి వెళ్లే కంటెస్టెంట్స్ ఎవరనే విషయంపై క్లారిటీ వచ్చింది. గత సీజన్లలో కనిపించిన పాత కంటెస్టెంట్స్‌తో పాటు కొత్తవాళ్లను కూడా తీసుకోబోతున్నట్లు సమాచారం. ఇప్పటికే క్వారెంటైన్ పూర్తి చేసుకున్న కంటెస్టెంట్లు కాసేపట్లో బిగ్ బాస్ హౌస్ లోకి ఎంటర్ కానున్నారు.
తాజా ప్రోమోలో దుమ్ముదులిపే పెర్ఫార్మెన్స్‌తో కంటెస్టెంట్లు హౌస్‌లోకి ఎంటర్‌కానున్నట్లు తెలుస్తోంది. హౌస్‌లోకి వచ్చిన కంటెస్టెంట్లతో నాగ్ ముచ్చడించడాన్ని ప్రోమోలో చూడవచ్చు. వారి మాటలను బట్టి.. ఎవరు హౌస్‌లోకి ఎంటర్ అవుతున్నారో చెప్పేయొచ్చు. మరి ఎవరు హౌస్‌లోకి వెళ్తున్నో ముందే తెలుసుకొనే బదులు.. ‘ప్రత్యక్షం’గా చూస్తేనేగా కిక్ ఉంటుంది. కాబట్టి, మరికొద్ది సేపట్లో ప్రారంభం కానున్న ‘బిగ్ బాస్’ నాన్ స్టాస్ ఓటీటీ లైవ్‌ను మిస్ కాకుండా చూడండి. ‘డిస్నీ ప్లస్ హాట్‌స్టార్’ శనివారం సాయంత్రం 6 గంటల నుంచి షో ‘లైవ్’ టెలికాస్ట్ కానుంది. షోలో అప్‌డేట్ కోసం ఎప్పటికప్పుడు మా Bigg Boss Nonstop Live Updates పేజీని కూడా రిఫ్రెష్ చేస్తూ ఉండండి.
- - - - - - - - - Advertisement - - - - - - - - -