గీతూ తన జీవితంలో ఇంత షాక్ తింటానని ఊహించి ఉండదు. బిగ్ బాస్ విన్నర్ తానేనని ఫిక్స్ అయిపోయింది గట్టిగా అలాంటిది 9వ వారం ఊహించని విధంగా ఎలిమినేట్ అయిపోయింది. ఆమె చేసిన ఓవరాక్షన్ ఇన్నాళ్లు భరించిన నెటిజన్లు ఆమె వెళ్లిపోగానే రెచ్చిపోయారు. మీమ్స్ తో ట్విట్టర్ నింపేశారు. వాటిలో కొన్ని చూస్తే నవ్వాగదు. గీతూ ఎపిసోడ్లు రెగ్యులర్ గా ఫాలో అయ్యే వారు వీటిని చూస్తే నవ్వుకుంటూనే ఉంటారు.
విన్నర్ కాస్త లూజర్
ఆటకి కాస్త అణకువ, మర్యాద కూడా జత అయితే ఆమెనే విన్నర్. ఎవరూ ఆపలేరు ఆమె విజయాన్ని. కానీ కేవలం ఆమె ప్రవర్తన, మాటతీరే దెబ్బేసింది. ఆమెతో ఎవరైనా గొడవ పెట్టుకుంటే వారిని పదే పదే గొడవకు దిగేలా మాటలు విసురుతుంది. మర్యాద లేకుండా కసిరిపడేస్తుంది. నామినేషన్ సమయంలో ఇనయాతో ఆమె ప్రవర్తించే తీరు ఎప్పుడూ విమర్శలపాలవుతూనే ఉంది. కేవలం ఇనయానే కాదు రేవంత్ నామినేట్ చేసినా వెటకారంగా సమాధానం ఇస్తుంది. ఇక బాలాదిత్య మంచితనంలో ఆడుకుంది. ఇవన్నీ ప్రేక్షకులకు చిరాకు తెప్పించాయి. ఇక బిగ్ బాస్ మాటకైతే ఇంత కూడా విలువ ఇవ్వలేదు. తానే బిగ్ బాస్ అనుకుంది.