Nagarjuna Hints Mega Chief Vishnupriya About Prithvi:
బిగ్ బాస్ ఇంట్లో ఎనిమిదో వారం గడిచిపోయేందుకు టైం వచ్చింది. వీకెండ్ ఎపిసోడ్‌కు నాగార్జున వచ్చి కంటెస్టెంట్ల తప్పుల్ని సరి చేసే ప్రయత్నం చేశాడు. మెగా చీఫ్‌గా విష్ణు ప్రియ గెలవడంపై అభినందించాడు. భ కంటెస్టెంట్లందరికీ ఈ వారంలో చేసిన తప్పుల గురించి వివరించాడు. ఇక సినిమా ప్రమోషన్స్‌‌లో భాగంగా కంగువా టీం, క యూనిట్, లక్కీ భాస్కర్ టీం ఇలా అందరూ బిగ్ బాస్ స్టేజ్ మీదకు వచ్చారు. వారి ప్రమోషన్స్‌లను పక్కన పెడితే.. శనివారం నాటి ఎపిసోడ్లో కంటెస్టెంట్లకు నాగ్ ఇచ్చిన వార్నింగ్‌లు, సలహాలు, సూచనలు ఏంటో చూద్దాం..
కంటెస్టెంట్లు ఆడిన ఆటలు, వారు చేసిన తప్పుల గురించి నాగార్జున చెప్పి కరెక్ట్ చేసే ప్రయత్నం చేశాడు. కన్‌ఫెషన్ రూంలోకి గంగవ్వని పిలిచి.. అందరినీ భలే భయపెట్టావ్ అని నాగ్ మెచ్చుకున్నాడు. ఆ తరువాత మెగా చీఫ్ అయిన విష్ణుని అభినందించాడు. నువ్వు చెప్పినట్టుగానే నీ లక్కీ నంబర్ ప్రకారం తొమ్మిదో వారానికి మెగా చీఫ్ అయ్యావ్ అని అన్నాడు. ఒకరికి దూరంగా ఉన్న తరువాతే ఇలా చీఫ్ అయ్యావ్ చూసుకో అని హింట్ ఇచ్చాడు. పృథ్వీ ప్రాణం పెట్టి ఆట ఆడావ్.. అద్భుతంగా అనిపించిందని అన్నాడు. కానీ రోహిణిని చూసిన విధానం తప్పు అని, అలా ఆమె హర్ట్ అయిందని తెలిసిన తరువాత సారీ చెప్పాలి కదా? అంటూ స్వీట్ వార్నింగ్ ఇచ్చాడు.
పృథ్వీతో కలిసి అద్భుతంగా ఆడావ్.. మీ ఇద్దరి కాంబో అదిరిపోయిందని నిఖిల్ ఆటను పొగిడేశాడు. క్విజ్ టాస్కులో సంచాలక్‌గా తడబడ్డావ్ అని నాగ్ అన్నాడు. మాటలు, ఆటలు బాగానే ఉన్నాయ్.. సంచాలక్‌గా బాగా నిర్ణయాలు తీసుకో.. యష్మీలా ఉండకు అంటూ కౌంటర్లు వేశాడు. హరితేజను నామినేట్ చేస్తే ప్రైజ్ మనీ తగ్గుతుందని తెలిసినా నామినేట్ చేశావ్.. మళ్లీ తిరిగి ఆ యాభై వేలు సంపాదించాలని అన్నాడు. గౌతమ్, మెహబూబ్ ఆట బాగా ఆడారని మెచ్చుకున్నాడు. కానీ గౌతమ్ అలా యష్మీ మీద ఫైర్ అవ్వడం బాగా లేదని, లేడీస్ వీక్ అని చెప్పడం.. లేడీస్ అంటే గౌరవం అని చెప్పడం.. కానీ అలా యష్మీ మీద ఫైర్ అవ్వడం కరెక్ట్‌గా లేదని గౌతమ్‌కు కౌంటర్లు వేశాడు.
హరితేజ, నయని మీ ఇద్దరూ ఏ క్లాన్‌లో ఉన్నారు? అంటూ నిలదీశాడు నాగ్. మాది మినీ క్లాన్.. మా క్లాన్ వాళ్లు ఏదైనా సరే మెజార్టీ అని అంటారు.. అందులో మా ఇద్దరినీ సెలెక్ట్ చేసుకోరని నాకు తెలుసు అంటూ తన క్లాన్ మీద నిందలు వేసింది హరితేజ. ఏదైనా సమస్య ఉంటే.. మీలో మీరు మాట్లాడుకోవాలి.. ఓజీ క్లాన్ అంతా ఒక్కటిగా ఆడుతున్నారు.. వాళ్లలో వాళ్లకి ఎన్ని తేడాలున్నా ఆట కోసం ఒక్కటి అవుతున్నారు అంటూ హరితేజ, నయనిలకి కౌంటర్ వేశాడు నాగ్.
నిఖిల్, యష్మీ టీ షర్ట్ కథను పృథ్వీ చేతే చెప్పించాడు నాగ్. నిఖిల్ జెలసీ ఫీల్ అవుతున్నాడని, గౌతమ్ టీ షర్ట్ వేసుకోవాలని యష్మీ అనుకుందని.. యష్మీ, నిఖిల్ ట్రాక్ గురించి పృథ్వీ చెప్పేశాడు. ప్రేరణ నీకు ఎందుకు అంత ఆత్రుత అని, గౌతమ్ నీకు షీల్డ్ ఇవ్వలేదని ఎందుకు హర్ట్ అయ్యావ్ అని అన్నాడు. అది ఇమ్మెచ్యూర్ అని ప్రేరణ ఒప్పేసుకుంది. యష్మీ నీ ఆట నువ్వు ఆడుకో.. ఎవ్వరి చుట్టూ తిరగకు అంటూ కౌంటర్లు వేశాడు.సంచాలక్‌గా ఉన్నప్పుడు నీకంటూ స్ట్రాటజీలు ఉండకూడదు.. అలా మాట్లాడటం తప్పు అని సరి చేసే ప్రయత్నం చేశాడు నాగ్. ఆ తరువాత గంగవ్వ అర్దరాత్రి ఆడిన నాటకం, దాని వెనుకున్న అవినాష్, టేస్టీ తేజల వీడియోని వేసి చూపించాడు. గంగవ్వ అద్భుతంగా నటించిందని నాగ్ మెచ్చుకున్నాడు. ఇక ఈ ఎనిమిదో వారంలో మెహబూబ్ ఎలిమినేట్ అయినట్టుగా లీక్స్ వినిపిస్తున్నాయి. నయని ఎలిమినేట్ అవుతుందని అంతా అనుకున్నారు. కానీ చివరకు మెహబూబ్ ఎలిమినేట్ అయ్యాడని అంటున్నారు. ఆదివారం నాటి ఎపిసోడ్లో ఏం జరుగుతుందో చూడాలి.