Bigg Boss 6 Telugu: సోమవారం ఎపిసోడ్ వాడీ వేడిగా సాగింది. ఎపిసోడ్ ప్రారంభంలోనే గీతూని చూపించేశాడు బిగ్ బాస్. ఆమె బాలాదిత్య, ఆదిరెడ్డితో కూర్చుని మాట్లాడుతోంది. సుదీప లేకపోతే నువ్వు సెట్ అయిపోతావు అన్న గీతూ మాటల్నే గుర్తు చేశాడు బాలాదిత్య. నీ మీద ప్రేమ లేకపోతే నా భార్యతో నీ గురించి చెప్తా అన్నాడు. అయినా గీతూ ఏమాత్రం తగ్గలేదు. తరువాత ఇనయా - సూర్య మాట్లాడుకుంటూ కనిపించారు. ఇద్దరం కొట్టుకుందాం ఆడదాం అంటూ కనిపించాడు సూర్య. ఇనయా కూడా ‘రెడీయా వార్‌కి’ అంది. తరువాత సూర్య కెమెరాలతో మాట్లాడు కనిపించాడు. ‘ఇనయా గేమ్‌ని మారుస్తా, ఇనయా ఇండిపెండెంట్ ఉమెన్, అందుకే ఆమె అంటే ఇష్టం, అమ్మని కానీ, బుజ్జమ్మని కానీ పట్టుకుని ఏడవాలని ఉంది బిగ్ బాస్’ అన్నాడు సూర్య. తెల్లారడంతో ఓ జోరు పాటతో ఇంటి సభ్యులను నిద్రలేపాడు బిగ్ బాస్.
నామినేషన్లు షురూ...
ఈసారి నామినేషన్లలో బురద స్నానాన్ని ప్రయోగించారు బిగ్ బాస్. ఎవరైతే నామినేట్ అవుతారో వారికి బురదతో తలంటేలా షవర్ పెట్టారు. ఫైమా బాలాదిత్యని, వాసంతిని నామినేట్ చేసింది. తరువాత రోహిత్ రేవంత్‌ని, శ్రీహాన్‌ను నామినేట్ చేశారు. రేవంత్ కెప్టెన్ గా ఉండి నిద్రపోవడంపై నామినేట్ చేసినట్టు చెప్పారు. శ్రీసత్య కూడా రేవంత్ నే నామినేట్ చేసింది, తరువాత బాలాదిత్యను చేసింది. కెప్టెన్ అయినప్పుడు రేవంత్ చేసి పని నచ్చలేదని చెప్పింది. బాలాదిత్య కూడా ‘కెప్టెన్‌గా అయి పడుకోవడం నచ్చలేదు’ అంటూ రేవంత్ ను నామినేట్ చేశాడు. ఇక ఫైమాను కూడా రెండో నామినేట్ చేశాడు.
ఆదిరెడ్డి నామినేషన్
ఆదిరెడ్డి అర్జున్‌ను నామినేట్ చేశాడు. అర్జున్ ఎంటర్టైన్ చేయలేదు అని, నడుము ఊపుతూ ఇలా డ్యాన్సు చేశానని, అర్జున్ చేయలేదు అని నామినేట్ చేశాడు ఆదిరెడ్డి. ఆయన నడుము ఊపుతూ చేసిన డ్యాన్సు చూసి అందరూ నవ్వారు. తరువాత వాసంతిని నామినేట్ చేసి ఆమెతో కాసేపు వాదించాడు. ఆదిరెడ్డి ‘మీరు సోఫా వెనుక రెండు సార్లు నిలిచారు. నేను కెప్టెన్ అయ్యాను. నాకన్న తక్కువ డిజర్వ్, నాకన్కా తక్కువ ఆడుతున్నారు’ అంటూ వాసంతిని మాటలతోనే రెచ్చగొట్టాడు.
శ్రీహాన్ వర్సెస్ ఇనయా
‘మొన్న గేమ్‌లో మీ టీమ్ గెలిచింది... అప్పుడు నువ్వు యాక్షన్ చేస్తూ లయర్స్ అన్నావ్ అది నచ్చలేదు’ అన్నాడు. దానికి ఇనాయ వాదించింది. శ్రీహాన్ ‘వెళ్లి కూర్చో’ అంటూ కసురుకున్నాడు. తరువాత కీర్తిని నామినేట్ చేశాడు. వీక్ కంటెస్టెంట్లు ఇంట్లో ఉండకూడదు అంటూ కామెంట్ చేశాడు. మెరీనా ఆదిరెడ్డిని నామినేట్ చేసింది. అలాగే రేవంత్ ని కూడా నామినేట్ చేసి కెప్టన్‌గా నిద్రపోవడం నచ్చలేదు అని చెప్పింది. ఇక గీతూ వాసంతిని నామినేట్ చేసింది.
ఈ నామినేషన్లలో ఎందుకోగానీ గీతూని ఎవరూ నామినేట్ చేయలేదు. కెప్టెన్ అయినందున సూర్యను నామినేట్ చేయలేదు.గీతూ, సూర్య తప్ప మిగతా వారంతా నామినేట్ అయ్యారు.