శనివారం ఎపిసోడ్ లోకి గ్రాండ్ గా ఎంట్రీ ఇచ్చిన నాగార్జున హౌస్ మేట్స్ తో కాసేపు ముచ్చటించారు. ముందుగా వారి ముందొక కంప్లైంట్ బాక్స్ ను పెట్టారు. సిరిని ఎవరిపై కంప్లైంట్ చేస్తావ్ అని నాగార్జున అడగ్గా.. షణ్ముఖ్ వైపు చూపించింది. వెంటనే షణ్ముఖ్ 'అసలు నేనేం చేశా సార్' అంటూ పైకి లేవగా.. 'ఏం చేయడమేంటి..? తన(సిరి) కోసం సరిగ్గా ఆడకుండా, శ్రీరామ్ కోసం ఆడి' అని నాగ్ డైలాగ్ కొట్టారు. వెంటనే హౌస్ మేట్స్ అంతా నవ్వేశారు.
ఆ తరువాత నాగార్జున సిరితో మాట్లాడుతూ.. 'నువ్ ఫ్రెండ్ అయినందుకు సిగ్గుపడుతున్నా.. అని అన్నాడు కదా..' అంటూ షణ్ముఖ్ కి సెటైర్ వేశారు. 'అయినా నువ్ ఫ్రెండ్లీ హగ్ ఇస్తూనే ఉన్నావ్' అంటూ సిరికి డైలాగ్ కొట్టారు నాగార్జున. ఆ తరువాత కాజల్.. సన్నీపై కంప్లైంట్ చేసింది.
'ఏమైనా మాట్లాడినా.. ఏదైనా చెప్పినా.. ఆత్రం, ఆత్రం.. ఆగు ఆగు అంటూ' తనపై అరుస్తున్నాడని కాజల్ చెప్పింది. దీంతో సన్నీ.. పోన్లే హర్ట్ అయింది కదా అని సారీ చెప్పడానికి రెడీ అయ్యాడు. 'సారీ చెప్పేసి.. టిష్యూ పేపర్ నీ ఫేస్ పై వేసిన విషయాన్ని కూడా మర్చిపో.. బాగా తుడిచి మరీ వేసింది' అంటూ నాగార్జున కామెడీ చేశారు. దీంతో కాజల్ 'Awww' అని అనగా.. నాగార్జున వెంటనే ఆమెని ఇమిటేట్ చేయడం ఫన్నీగా అనిపించింది.
నిన్నటి టాస్క్ లో సిరి హెలికాప్టర్ సౌండ్ విని ట్రాక్టర్ అని రాయడంపై నాగార్జున ఫన్ చేశారు. అనంతరం.. హౌస్ మేట్స్ ముందు ఫస్ట్ ఫైనలిస్ట్ ట్రోఫీ పెట్టి.. 'నువ్ సేఫ్ అయితే ట్రోఫీ నీకు దక్కుతుంది లేదంటే లేదు' అంటూ శ్రీరామ్ ని ఉద్దేశిస్తూ నాగార్జున కామెంట్స్ చేస్తూ కనిపించారు.