Ankita Lokhande: సుశాంత్ మాజీ ప్రేయసి పెళ్లికి రెడీ.. ప్రీవెడ్డింగ్ సెలబ్రేషన్స్ షురూ.. 

సుశాంత్ సింగ్ రాజ్ పుత్ మాజీ ప్రేయసి అంకిత లోఖండే త్వరలోనే వివాహం చేసుకోబోతుంది. తన ప్రియుడు విక్కీ జైన్ తో పెళ్లిపీటలు ఎక్కబోతుంది.

బాలీవుడ్ నటి, దివంగత నటుడు సుశాంత్ సింగ్ రాజ్ పుత్ మాజీ ప్రేయసి అంకిత లోఖండే త్వరలోనే వివాహం చేసుకోబోతుంది. తన ప్రియుడు విక్కీ జైన్ తో పెళ్లిపీటలు ఎక్కబోతుంది. ఇప్పటికే పెళ్లి సంబరాలు షురూ అయ్యాయి. ఈ విషయాన్ని విక్కీ జైన్ తన ఇన్స్టాగ్రామ్ వేదికగా వెల్లడించారు. అంతేకాదు.. ప్రీ వెడ్డింగ్ కి సంబంధించిన ఫొటోలను కూడా షేర్ చేసుకున్నాడు. ఈ ఫొటోలో పెళ్లి కూతురు అంకిత లోఖండే పింక్ కలర్ అంచుతో ఉన్న గ్రీన్ కలర్ శారీలో కనిపించింది. 

ఇక విక్కీ కుర్తా వేసుకున్నారు. ఈ ఫొటోల్లో ఈ జంట నవ్వుతూ ఎంతో ఆనందంగా కనిపిస్తున్నాయి. ఈ పోస్ట్ చూసిన నెటిజన్లు, సెలబ్రిటీలు శుభాకాంక్షలు చెబుతూ కామెంట్స్ చేస్తున్నారు. మరికొన్ని రోజుల్లో కుటుంబ సభ్యులు, సన్నిహితుల సమక్షంలో వీరి పెళ్లి వేడుకలు జరగనున్నాయి. డిసెంబర్ రెండో వారంలో పెళ్లి డేట్ ఉంటుందని టాక్. నవంబర్ లోనే అంకిత తన స్నేహితులకు బ్యాచిలర్ పార్టీ ఇచ్చింది.  

 
2005లో ఇండోర్ నుంచి ముంబైకి వచ్చిన అంకిత లోఖండే.. అవకాశాల కోసం చాలా ప్రయత్నాలు చేసింది. ఫైనల్ గా 'పవిత్ర రిష్టా' అనే టీవీ సీరియల్ తో మంచి పాపులారిటీ సంపాదించుకుంది. అదే సీరియల్ తో పాపులర్ అయిన సుశాంత్ సింగ్ తో చాలా కాలం డేటింగ్ చేసింది అంకిత. దాదాపు ఆరేళ్లపాటు అతడితో రిలేషన్ షిప్ లో ఉంది. ఆ తరువాత విడిపోయింది. సుశాంత్ మరణించినప్పుడు అంకిత అతడి ఫ్యామిలీని పలకరించడానికి వారింటికి కూడా వెళ్లింది. ప్రస్తుతం ఈమె సినిమాల్లో కూడా అవకాశాలు దక్కించుకుంటోంది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి