అమితాబ్ బచ్చన్ అంటే ఆల్మోస్ట్ ఇండియాలో ప్రజెంట్ యంగ్ హీరోలు అందరికీ ఓ ఐడల్, రోల్ మోడల్. ఆయనతో కనీసం ఒక్క సినిమా అయినా చేయాలని చాలా మంది కోరుకుంటారు. అమితాబ్ బచ్చన్ నటన గురించి పొగడ్తల వర్షం కురిపిస్తారు. అటువంటి బచ్చన్ సాబ్ బాహుబలి మీద పొగడ్తల వర్షం కురిపించారు.
యంగ్ రెబల్ స్టార్ ప్రభాస్ కథానాయకుడిగా 'మహానటి' ఫేమ్ నాగ్ అశ్విన్ దర్శకత్వంలో తెరకెక్కుతోన్న సినిమా 'ప్రాజెక్ట్ కె'. ఇందులో దీపికా పదుకోన్ కథానాయిక. బిగ్ బి అమితాబ్ కీలక పాత్ర చేస్తున్న సంగతి తెలిసిందే. ప్రస్తుతం ప్రభాస్, అమితాబ్ మీద హైదరాబాద్, రామోజీ ఫిల్మ్ సిటీలో కీలక సన్నివేశాలు తెరకెక్కిస్తున్నారు. వీళ్ళిద్దరిపై శుక్రవారం ఫస్ట్ షాట్ షూటింగ్ కంప్లీట్ అయ్యింది. ఈ సందర్భంగా ఒకరిపై మరొకరు ప్రశంసలు కురిపించారు.
Also Read: అమితాబ్‌ను కలిసిన పవన్ కల్యాణ్, అక్కడే ప్రభాస్ కూడా!
"తొలి రోజు... తొలి సన్నివేశం... 'బాహుబలి' ప్రభాస్‌తో తొలి సినిమా. అతని వినయం, ప్రతిభ, ఆరా మధ్య ఉండటం గౌరవంగా భావిస్తున్నాను" అని అమితాబ్ బచ్చన్ ట్వీట్ చేశారు. "లెజెండ్ అమితాబ్ బచ్చన్ గారితో ఫస్ట్ షాట్ కంప్లీట్ చేశా. నా కల నిజమైంది" అని ప్రభాస్ ఇన్‌స్టాగ్రామ్‌లో పేర్కొన్నారు. అదీ సంగతి! వైజయంతి మూవీస్ సంస్థ 'ప్రాజెక్ట్ కె' చిత్రాన్ని నిర్మిస్తోంది.
Also Read: జగన్‌కు విష్ణు బావమరిది, భోజనానికి వెళ్తే ఎందుకు వివాదం చేస్తున్నారు? మోహన్ బాబు ఆగ్రహం