Alitho All in One: తెలుగు బుల్లితెరపై నటుడు ఆలీ హోస్ట్ గా చేసిన 'ఆలితో సరదాగా' కార్యక్రమం ఎంత హిట్ అయిందో తెలిసిందే. అయితే ఈ కార్యక్రమాన్ని కొన్నాళ్ల క్రితం నిలిపివేశారు. దీని తర్వాత ఆలీ తో ఏదైనా షో ప్లాన్ చేశారా అనేది మాత్రం చెప్పలేదు. అయితే తాజాగా ఆ టీవీ చానల్ నుంచి ఆలీ హోస్ట్ గా మరో కొత్త ప్రోగ్రాం రాబోతుంది. ఈ షో పేరు 'ఆలీతో ఆల్ ఇన్ వన్'. ఇటీవలే ఈ ప్రోగ్రాం కు సంబంధించిన ప్రోమో వీడియోను విడుదల చేసారు. నటుడు ఆలీ అదే ఉత్సాహంతో మళ్ళీ గ్రాండ్ ఎంట్రీ ఇచ్చారు. ప్రస్తుతం ఈ వీడియో నెట్టింట వైరల్ అవుతోంది.
'అలీతో ఆల్ ఇన్ వన్' లో అన్నీ ఉంటాయి..
గతంలో ఆ ఛానెల్ లో అలీ హోస్ట్ గా చేసిన ప్రోగ్రాంలకు మంచి క్రేజ్ వచ్చింది. ముఖ్యంగా 'ఆలీతో సరదాగా' కార్యక్రమం విశిష్టంగా ప్రేక్షకులను ఆకట్టుకుంది. ఈ కార్యక్రమంలో సినిమా ఇండస్ట్రీ నుంచి సెలబ్రిటీలను తీసుకొచ్చి వారి మనోగతాలను అవిష్కరించేవాళ్ళు. అయితే ఇప్పుడు కొత్తగా రాబోతున్న ఈ 'ఆలీతో ఆల్ ఇన్ వన్' కార్యక్రమం ఇంకాస్త డిఫరెంట్ గా డిజైన్ చేసినట్టు అనిపిస్తోంది. రీసెంట్ గా రిలీజైన ప్రోమో చూస్తుంటే అది తెలుస్తోంది. ప్రోమోలో.. ఆలీ గ్రాండ్ గా స్టేజి పైకి ఎంట్రీ ఇచ్చారు. వస్తూ వస్తూనే తమ ప్రోగ్రామ్ కు సంబంధించిన డీటెయిల్స్ చెప్పుకొచ్చారు. ఈ 'ఆలీతో ఆల్ ఇన్ వన్' కార్యక్రమంలో ఆటలు, పాటలు, డాన్స్, గేమ్స్ ఇలా అన్ని కలసి ఫుల్ ఎంటర్టైన్మెంట్ ఇస్తామంటూ అనౌన్స్ చేశారు ఆలీ.
సెలబ్రెటీలతో కొత్త కొత్త టాస్క్ లు..
ఈ 'ఆలీతో ఆల్ ఇన్ వన్' కార్యక్రమంలో సెలబ్రెటీలను కూడా తీసుకొచ్చే ప్రయత్నం చేశారు నిర్వాహకులు. మొదటి ఎపిసోడ్ లో సిరి హనుమంతు, అమరదీప్, ముక్కు అవినాష్ లు సందడి చేశారు. వారితో రకరకాల టాస్క్ లను చేయించారు ఆలీ. అవన్నీ చాలా సరదాగా నవ్వించేలా కనిపిస్తున్నాయి. ఇందులో మాటలు, పాటలు, డాన్సులు, ఆటలు ఇలా అన్నిటినీ కవర్ చేశారు. హోస్ట్ గా చేస్తున్న ఆలీ కూడా మధ్యలో ఓ పాటకు డాన్స్ వేసి ఆకట్టుకున్నారు. మొత్తంగా ఎంటర్టైన్మెంటే ప్రధాన లక్ష్యం గా ఏ కార్యక్రమాన్ని రూపొందించినట్టు తెలుస్తోంది.
ఆలీ ప్లేస్ ను భర్తీ చేసిన కిషోర్..
గతంలో 'ఆలీతో సరదాగా' కార్యక్రమంతో ప్రేక్షకులను ఎంతగానో ఆకట్టుకున్నారు. అయితే ఈ షో మధ్యలో ఆపేశారు. దీని తర్వాత ఆలీ ప్లేస్ ను వెన్నెల కిషోర్ భర్తీ చేశారనే చెప్పాలి. ఆ ప్రోగ్రాం బదులు 'అలా మొదలైంది' అంటూ కొత్త ప్రోగ్రాం ను స్టార్ట్ చేశారు కిషోర్. ఇందులో సెలబ్రెటీ కపుల్స్ ను తీసుకొచ్చి వాళ్ళ లైఫ్ జర్నీల గురించి తెలుసుకునే ప్రయత్నం చేస్తున్నారు. ఈ షో కూడా మంచి టాక్ నే సంపాదించింది. మరి ఇప్పుడు ఈ 'ఆలీతో ఆల్ ఇన్ వన్' ప్రేక్షకులను ఎంత మేరకు ఆకట్టుకుంటుందో చూడాలి. ఈ కార్యక్రమం త్వరలోనే ప్రసారం కానుంది.