Khushboo: హాస్పిటల్ లో ఖుష్బూ - ఫ్యాన్స్ ఆందోళన!

హాస్పిటల్ బెడ్ మీద నీరసంగా, చేతికి సెలైన్ పెట్టుకొని ఉన్న ఫొటోని ఖుష్బూ షేర్ చేసింది.   

Actress Khushboo suddenly admitted to Hospital: సినీ నటి, బీజేపీ నేత ఖుష్బూ సుందర్ హాస్పిటల్ లో చేరారు. ఈ విషయాన్ని ఆమె స్వయంగా సోషల్ మీడియా వేదికగా వెల్లడించింది. హాస్పిటల్ బెడ్ మీద నీరసంగా, చేతికి సెలైన్ పెట్టుకొని ఉన్న ఫొటోని ఆమె షేర్ చేసింది. గత కొంతకాలంగా ఖుష్బూ బరువు తగ్గించుకునే ప్రయత్నం చేస్తుంది. రీసెంట్ గా చాలా సన్నగా మారింది. బరువు తగ్గిన తరువాత ఆమె తరచూ అనారోగ్యం పాలవుతున్నారు. ఈ క్రమంలోనే తాజాగా హాస్పిటల్ లో చేరాల్సి వచ్చింది. 

మంగళవారం నాడు చెన్నైలో జరిగిన తన సోదరుడు అబ్దుల్లా నటించిన సినిమా ఆడియో రిలీజ్ వేడుకలో పాల్గొంది ఖుష్బూ. ఆ రోజు సాయంత్రానికే ఆమె హాస్పిటల్ లో చేరి అభిమానులకు షాకిచ్చారు. వెన్నెముక సమస్య కారణంగా హాస్పిటల్ లో చేరానని.. చిన్న ప్రొసీజర్ జరిగిందని.. డిశ్చార్జ్ అయి ఇంటికి వచ్చానని తెలిపారు. రెండు రోజుల పాటు రెస్ట్ తీసుకొని మళ్లీ వర్క్ లో బిజీ అవుతానని అన్నారు. 

ఈ పోస్ట్ చూసిన ఆమె అభిమానులు ఆందోళన వ్యక్తం చేస్తున్నారు. త్వరగా కోలుకోవాలని కామెంట్స్ చేస్తున్నారు. ఈ మధ్యకాలంలో ఖుష్బూ తెలుగు సినిమాల్లో పెద్దగా కనిపించడం లేదు. ఆమె చివరిగా 'ఆడాళ్లు మీకు జోహార్లు' అనే సినిమాలో కనిపించింది. అలానే కొన్ని రోజుల పాటు 'జబర్దస్త్' కామెడీ షోకి జడ్జిగా వ్యవహరించారు. 

విజయ్ సినిమాపై ఖుష్బూ కామెంట్స్:

తమిళ స్టార్ హీరో విజయ్, నేషనల్ క్రష్ రష్మిక మందన్నా (Rashmika Mandanna) జంటగా నటిస్తున్న సినిమా 'వారసుడు' (Thalapathy Vijay's Varasudu Movie). తమిళంలో 'వారిసు' (Varisu) పేరుతో విడుదల చేస్తున్నారు.'వారసుడు' చిత్రానికి వంశీ పైడిపల్లి దర్శకత్వం వహిస్తున్నారు. శ్రీ వెంకటేశ్వర క్రియేషన్స్‌ పతాకంపై 'దిల్' రాజు, శిరీష్... పీవీపీ పతాకంపై పరమ్ వి పొట్లూరి, పెరల్ వి. పొట్లూరి సంయుక్తంగా నిర్మిస్తున్నారు. పక్కా ఫ్యామిలీ ఎంటర్‌టైనర్‌గా ఈ సినిమాను రూపొందిస్తున్నారు. ఈ సినిమాలో ఓ కీలక పాత్రలో నటి ఖుష్బూని ఎంపిక చేసినట్లు వార్తలు వస్తున్నాయి. తాజా అప్డేట్ ప్రకారం.. ఈ వార్తలు అవాస్తవమని, ఖుష్బూ స్వయంగా ఈ వార్తలను ఖండించారు.