Naga Chaitanya Joins Indian Racing League: టాలీవుడ్ యంగ్ హీరో అక్కినేని నాగ చైతన్య కొత్త వ్యాపారంలోకి అడుగు పెట్టాడు. తనకు ఎంతో ఇష్టం అయిన రేసింగ్ రంగంలోకి అడుగు పెట్టారు. ఇండియన్ రేసింగ్ లీగ్ లో బరిలోకి దిగుతున్న హైదరాబాద్ బ్లాక్ బర్డ్స్ ప్రాంచైజీని కొనుగోలు చేశారు. ఇండియన్ రేసింగ్ ఫెస్టివల్ ఆధ్వర్యంలో జరిగే ఫార్ములా 4లో భాగస్వామిగా మారారు. ఈనెల 24 నుంచి ఈ సీజన్ రేసులు షురూ కానున్నాయి.
చిన్నప్పటి నుంచే రేసింగ్ పట్ల ఆసక్తి
నటుడు నాగ చైతన్యకు చిన్నప్పటి నుంచే కారు రేసింగ్స్ అంటే చాలా ఇష్టం. ఫార్ములా వన్ పట్ల బోలెడు ఆసక్తి. ఈ విషయాన్ని ఆయన పలుమార్లు వెల్లడించారు. అంతేకాదు, తనకు ఎంతో ఇష్టమైన రేసింగ్ కార్లను, మోటార్ బైకులను కొనుగోలు చేస్తుంటారు. వీలుప్పుడు రేసింగ్ లో పాల్గొంటారు. ఇప్పుడు తనకు ఎంతో ఇష్టమైన రేసింగ్ రంగంలోకి అడుగు పెట్టాడు. కొత్త వ్యాపారాన్ని మొదలు పెట్టారు.
హైదరాబాద్ బ్లాక్ బర్డ్స్ ను సొంతం చేసుకోవ‌టం సంతోషంగా ఉంది- నాగ చైతన్య
కొత్త రంగంలోకి ఎంట్రీ ఇవ్వడంపై నాగ చైతన్య సంతోషం వ్యక్తం చేశారు. “నాకు చిన్నప్పటి నుంచే రేసింగ్ అంటే చాలా ఇష్టం. ఫార్ములా వన్ అంటే ఎంతో ఆసక్తి. ఫార్ములా వన్ లో హైస్పీడ్ డ్రామా, అతి వేగంగా కార్లు, బైకులు నడపడం ఎంతో థ్రిల్ కలిగిస్తుంది. ఇప్పుడు ఇండియన్ రేసింగ్ ఫెస్టివల్ లో పాల్గొనడం సంతోషంగా ఉంది. ఈ రేసులో నా టీమ్ కు గట్టి పోటీ ఉంటుందని భావిస్తున్నాను. నాకున్న ఫ్యాషన్ ను ఈ వేదిక ద్వారా చూపించుకునే అవకాశం ఉంది. హైదరాబాద్ బ్లాక్ బర్డ్స్ టీమ్ ను సొంతం చేసుకోవ‌టం సంతోషంగా ఉంది. అభిమానులకు ఐఆర్ఎఫ్ మంచి థ్రిల్ కలిగిస్తుందని భావిస్తున్నాను. ఈ రేస్ తో ఇండియన్ మోటార్ స్పోర్ట్స్ మరో లెవల్ కు చేరుకుంటుదని భావిస్తున్నాను. కొత్త ట్యాలెంట్ బయటకు వచ్చే అవకాశం ఉంది” అని నాగ చైతన్య చెప్పుకొచ్చారు.
ఇండియన్ రేసింగ్ లీగ్‌లో 6 జట్లు పోటీ
ఇండియన్ రేసింగ్ లీగ్ లో మొత్తం ఆరు జట్లు పాల్గొంటున్నాయి. వాటిలో హైదరాబాద్ బ్లాక్ బర్డ్స్ టీమ్ ఒక‌టి. మిగతా టీమ్ లకు అర్జున్ క‌పూర్‌, జాన్ అబ్ర‌హం, టీమిండియా మాజీ కెప్టెన్ సౌర‌భ్ గంగూలీ ఓనర్లుగా ఉన్నారు.
‘తండేల్’ మూవీ షూటింగ్ లో నాగ చైతన్య
ప్రస్తుతం అక్కినేని నాగ చైతన్య ‘తండేల్’ సినిమా షూటింగ్ లో బిజీగా ఉన్నారు. ఈ సినిమా పాన్ ఇండియా రేంజిలో తెరకెక్కుతోంది. తెలుగు, హిందీ, తమిళం, కన్నడ, మలయాళంలోనూ ఈ మూవీని రిలీజ్ చేసేందుకు మేకర్స్ ప్రయత్నిస్తున్నారు. చందూ మొండేటి దర్శకత్వం వహిస్తున్న ఈ సినిమాను జీఏ2 పిక్చర్స్ బ్యానర్ లో భారీ బడ్జెట్ తో బన్నీ వాసు నిర్మిస్తున్నారు. స్టార్ ప్రొడ్యూసర్ అల్లు అరవింద్ సమర్పిస్తున్నారు. ఈ సినిమాకు దేవీ శ్రీ ప్రసాద్ మ్యూజిక్ అందిస్తున్నారు. సంగీతం అందిస్తున్నారు. ఈ చిత్రంలో నాగ చైతన్య సరసన సాయి పల్లవి హీరోయిన్ గా నటిస్తోంది.