TS SSC Results 2022 Live Updates: తెలంగాణ టెన్త్ రిజల్ట్స్‌లో భారీగా ఉత్తీర్ణత శాతం, ఇక్కడ ఒకే క్లిక్‌తో రిజల్ట్స్ చెక్ చేస్కోండి

Telangana SSC Results నేడు విడుదల కానున్నాయి. విద్యాశాఖ మంత్రి సబితా ఇంద్రారెడ్డి ఈ ఫలితాలు విడుదల చేస్తారు. లైవ్ అప్ డేట్స్ కోసం ఈ పేజీ ఫాలో అవండి.

30/06/2022 12:03:05

Tenth Exams Results Pass Percentage: పది ఫలితాల్లో ఈ జిల్లానే టాప్

• తెలంగాణ పదవ తరగతి ఫలితాలు విడుదల


• ఫలితాలు విడుదల చేసిన మంత్రి సబితా ఇంద్రారెడ్డి


• బాలికలు 92.45 శాతం , 87.61 శాతం పాస్


• బాలికలు, బాలుర కంటే 4.84 శాతం అధికంగా ఉత్తీర్ణత


• పదవ తరగతి ఫలితాల్లో రికార్డ్ స్థాయిలో ఉత్తీర్ణత


• 90 శాతం పాస్ అయిన విద్యార్థులు


• సిద్దిపేట జిల్లా 97.85 శాతంతో మొదటి స్థానంలో, 79.63 శాతం తో హైదరాబాద్ జిల్లా చివరి స్థానంలో ఉన్నాయి


• ఆగస్ట్ ఒకటి నుంచి పదవ తరగతి అడ్వాన్సుడ్ సప్లిమెంటరీ పరీక్షలు


• 01.08.22 నుంచి 10.08.22 వరకు  జరగనున్న అడ్వాన్సుడ్ సప్లిమెంటరీ పరీక్షలు

30/06/2022 11:47:19

Telangana SSC Results: ఆగస్టులో సప్లిమెంటరీ పరీక్షలు

పది పరీక్షల్లో సరైన మార్కులు రాని వారి కోసం రీవెరిఫికేషన్ సౌకర్యం ఉంటుందని మంత్రి సబితా ఇంద్రారెడ్డి  తెలిపారు. రీవెరిఫికేషన్ జిరాక్స్ కూడా ఇవ్వడం కుదురుతుందని అన్నారు. ఫెయిల్ అయిన వారి కోసం సప్లిమెంటరీ పరీక్షలను ఆగస్టులోనే నిర్వహిస్తామని వెల్లడించారు. 

30/06/2022 11:42:35

Tenth Exam Results: పదో తరగతిలోనూ బాలికలే టాప్

పదో తరగతి పరీక్షలు రాసిన వారిలో అబ్బాయిలు 87 శాతం ఉత్తీర్ణత సాధించగా, అబ్బాయిలు 92.45 శాతం ఉత్తీర్ణత సాధించారని వివరించారు. మొత్తం కలిపి  90శాతం మంది పదో తరగతి విద్యార్థులు ఉత్తీర్ణులయ్యారని వివరించారు. 

30/06/2022 11:42:04

Sabitha Indra reddy: ఈ ఏడాది పదో తరగతి పాసైన వారి సంఖ్య ఇదే

ఈ ఏడాది 5,03,579 విద్యార్థులు పది పరీక్షలు రాయగా, 4,53,201 మంది పాసైనట్లుగా విద్యాశాఖ మంత్రి సబితా ఇంద్రా రెడ్డి తెలిపారు. ఇందులో అబ్బాయిలు 2,55,433 మంది హాజరు కాగా.. 2,23,779 పాసయ్యారని వివరించారు. అమ్మాయిల్లో 2,48,146 మంది పరీక్షలు రాయగా, 2,29,422 మంది పాసైనట్లుగా వెల్లడించారు. 

30/06/2022 11:36:30

Tenth Exams Results Release: పదో తరగతి పరీక్షల ఫలితాలు విడుదల

తెలంగాణ పదో తరగతి పరీక్షల ఫలితాలు విడుదలయ్యాయి. విద్యాశాఖ మంత్రి సబితా ఇంద్రారెడ్డి నేడు (జూన్ 30) ఉదయం 11.30 గంటలకు పది పరీక్షల ఫలితాలను విడుదల చేశారు. 

తెలంగాణ SSC రిజల్ట్స్ కోసం ఇక్కడ క్లిక్ చేయండి

30/06/2022 10:41:50

Telangana Tenth Results 2022: జూన్ 13తో ముగిసిన మూల్యాంకనం, నేడు ఫలితాలు విడుదల

తెలంగాణ రాష్ట్రంలో పదో తరగతి పరీక్షల మూల్యాంకనం జూన్ 13 న ముగిసింది. అప్పటి నుంచి పరీక్ష ఫలితాల కూర్పు కోసం కసరత్తు చేశారు. ఈ మార్కుల క్రోడీకరణ అనంతరం ఒకటికి పది సార్లు తనిఖీ చేసిన తర్వాత ఫలితాలను విడుదల చేస్తున్నారు. నేడు ఉదయం 11.30 గంటలకు రిజల్ట్స్ ని మంత్రి సబితా ఇంద్రారెడ్డి విడుదల చేయనున్నారు.

రిజల్ట్స్ డైరెక్ట్ లింక్ ఇదీ

30/06/2022 10:41:04

Telangana Tenth Results: పరీక్ష రాసిన 5,09,275 మంది విద్యార్థులు

మే 23 నుంచి జూన్ 1 వరకు తెలంగాణలో పదో తరగతి పరీక్షలు జరిగాయి. రాష్ట్ర వ్యాప్తంగా 11,401 స్కూళ్లకు చెందిన.. 5,09,275 మంది విద్యార్థులు పదో తరగతి పరీక్షలు రాశారు. ఏపీలో కొద్ది వారాల క్రితం విడుదలైన పదో తరగతి పరీక్షా ఫలితాల్లో 67.26 శాతం ఉత్తీర్ణత శాతం నమోదైన సంగతి తెలిసిందే. తెలంగాణ పది ఫలితాల్లో ఎంత శాతం ఉత్తీర్ణత నమోదవుతుందనేది ఆసక్తిగా మారింది.

రిజల్ట్స్ డైరెక్ట్ లింక్ ఇదీ..

30/06/2022 08:41:59

TS SSC Results 2022: ఉదయం 11.30 గంటలకు పదో తరగతి ఫలితాలు విడుదల

ఇవాళ ఉదయం 11.30 గంటలకు హైదరాబాద్‌లోని మర్రి చెన్నారెడ్డి మానవ వనరుల అభివృద్ధి కేంద్రంలో విద్యాశాఖమంత్రి సబితా ఇంద్రారెడ్డి పదో తరగతి ఫలితాలను విడుదల చేస్తారు. పదో తరగతి ఫలితాలు అన్ని ప్రభుత్వ వెబ్‌సైట్లు సహా ఏబీపీ దేశం telugu.abplive.com వెబ్ సైట్ లో సులభంగా చూడవచ్చు. ఉదయం 11.30 తర్వాత ఫలితాలను చెక్ చేసుకోవచ్చని TS SSC Board డైరెక్టర్‌ కృష్ణారావు బుధవారం తెలిపారు.

Background

తెలంగాణలో విద్యార్థులు ఎంతగానో ఎదురు చూస్తున్న పదో తరగతి పరీక్ష ఫలితాలు ఇవాళ రానున్నాయి. ఫలితాలను విద్యాశాఖ మంత్రి సబితా ఇంద్రారెడ్డి విడుదల చేయనున్నారు. మర్రి చెన్నారెడ్డి మానవ వనరుల ప్రాంగణంలో ఈ ఫలితాలను రిలీజ్ చేయనున్నారు. సీడీలో ఫలితాలు ఉంచిన అధికారులు దాన్ని మంత్రితో విడుదల చేయిస్తారు. అనంతరం పాస్‌ వర్డ్ కూడా విడుదల చేయిస్తారు. అనంతరం ఫలితాలను ఏబీపీ దేశం వెబ్‌సైట్‌(telugu.abplive.com), bse.telangana.gov.inలో చూసుకోవచ్చు.  

జూన్‌ మొదటి వారంలో ముగిసిన పరీక్షలు
తెలంగాణలో పదో తరగతి పరీక్షల కోసం లక్షల మంది విద్యార్థులు ఎంతో ఉత్కంఠతో ఎదురు చూస్తున్నారు. మే 28న జరిగిన సాంఘిక పరీక్షతో 2021-22 సంవత్సరానికి చెందిన పరీక్షలు ముగిశాయి. చివరి రోజు పరీక్షకు మొత్తం 5,03,114 మంది విద్యార్థులు హాజరయ్యారు. ఒకేషనల్ విద్యార్థులకు జూన్‌ 1 న చివరి పరీక్ష జరిగింది. ఆ మరుసటి రోజు నుంచి అంటే జూన్‌ 2 నుంచి తెలంగాణ టెన్త్ ఎగ్జామ్స్ స్పాట్‌ వ్యాల్యుయేషన్‌ ప్రారంభించారు. 

కరోనా కారణంగా చాలా మార్పులు 
తెలంగాణలో మే 23న ప్రారంభమైన టెన్త్ బోర్డ్ ఎగ్జామ్స్ మే 28తో ముగిశాయి. గతేడాది వరకు పదో తరగతి పరీక్షల్లో 11 పేపర్ల పరీక్షలు ఉండేవి. కరోనా వ్యాప్తి తర్వాత పరీక్షల నిర్వహణ సాధ్యం కాలేదు. అందుకే రెండేళ్లు నేరుగా విద్యార్థులను తరువాత తరగతులకు ప్రమోట్ చేశారు. ఈ ఏడాది పదకొండు పేపర్లకు బదులుగా 6 పేపర్లకు పరిమితం చేయడంతో ఒకే వారంలో పరీక్షలు పూర్తయ్యాయి. సిలబస్‌ను సైతం 30 శాతం తగ్గించి ప్రశ్నపత్రాల్లో ఛాయిస్‌ పెంచారు.

ముందు చెప్పినట్టుగానే 
ఈ ఏడాది 5,09,275 మంది విద్యార్థులు పరీక్షలు రాయాల్సి ఉండగా 99 శాతం మంది పదో తరగతి పరీక్షలకు హాజరయ్యారు. 2,861 కేంద్రాలను ఏర్పాటు చేశారు. సాధ్యమైనంత త్వరగా స్పాట్ వాల్యుయేషన్ పూర్తి చేసి నెలాఖరులోగా ఫలితాలు విడుదల చేయనున్నట్టు మొదట్లోనే అధికారులు ప్రకటించారు.

తెలంగాణ ఫలితాలు ఎలా చూడాలి
ఏబీదేశం వెబ్‌సైట్‌ telugu.abplive.comలోకి లేదా bse.telangana.gov.in వెళ్లాలి.
టాప్‌లో TS SSC Results 2022 కనిపిస్తుంది దాన్ని క్లిక్ చేయాలి. లేదా ప్రభుత్వం సూచించిన ఏదైనా వెబ్‌సైట్‌నైనా క్లిక్ చేయాలి. 
అలా క్లిక్‌ చేసిన వెంటనే కొత్త పేజీ ఓపెన్ అవుతుంది.
మీకు రిజిస్టర్ నెంబర్ అడుగుతుంది. అందులో మీ పరీక్ష రిజిస్టర్ నెంబర్ టైప్ చేయాలి. 
తర్వాత రిజల్ట్స్‌పై క్లిక్ చేయండి. 
వెంటనే మీ ఫలితం స్క్రీన్‌పై కనిపిస్తుంది. 
అందులో ప్రింట్ ఆప్షన్ ఉంటుంది. దానిపై క్లిక్ చేస్తే మీ ఫలితాన్ని సేవ్ చేసుకోవచ్చు. ప్రింట్ తీసుకోవచ్చు. 
తదుపరి అవసరం కోసం హార్డ్ కాపీని మీ వద్దే ఉంచండి.