తెలంగాణలో ఎంఈ, ఎంటెక్‌, ఎంఫార్మసీ, ఫార్మ్‌-డి, ఎం-ఆర్కిటెక్చర్‌ కోర్సుల్లో ప్రవేశాలకు ఉద్దేశించిన పీజీఈసెట్ కౌన్సెలింగ్ సెప్టెంబరు 19న ప్రారంభమైంది. మొదటి విడత కౌన్సెలింగ్‌లో పాల్గొనేందుకు అభ్యర్థులు తమ సెప్టెంబరు 30లోపు ఒరిజినల్‌ సర్టిఫికెట్లను వెబ్‌సైట్‌లో అప్‌లోడ్‌ చేయాల్సి ఉంటుంది. రాష్ట్రవ్యాప్తంగా 232 కాలేజీల్లో కన్వీనర్‌ కోటాలోని 9131 సీట్లు కౌన్సెలింగ్ ద్వారా భర్తీ చేయనున్నారు. తొలుత గేట్, జీప్యాట్ ర్యాంకర్లకు సీట్లు కేటాయించనున్నారు. పీజీఈసెట్ పరీక్షలో 11,520 మంది, గేట్/జీపీఏటీ పరీక్షలో 411 మంది మొత్తం 11931 మంది అర్హత సాధించారు. కౌన్సెలింగ్ ఫీజు కింద అభ్యర్థులు రూ.1200 చెల్లించాల్సి ఉంటుంది. ఎస్సీ, ఎస్టీ అభ్యర్థులు రూ.600 చెల్లిస్తే సరిపోతుంది.
తెలంగాణలో ఎంటెక్‌, ఎం ఫార్మసీ, అర్కిటెక్చర్‌ తదితర కోర్సుల్లో ప్రవేశాలకు నిర్వహించిన పోస్ట్‌ గ్రాడ్యుయేట్‌ ఇంజినీరింగ్‌ కామన్‌ ఎంట్రెన్స్‌ టెస్ట్‌ (పీజీఈసెట్) ఫలితాలను సెప్టెంబర్ 3న విడుద‌ల చేసిన సంగతి తెలిసిందే. పీజీ ఈసెట్ పరీక్షలో అర్హత సాధించిన అభ్యర్థులు ఇప్పటికీ వెబ్‌సైట్ నుంచి తమ ర్యాంకు కార్డులు డౌన్‌లోడ్ చేసుకోవచ్చు. అభ్యర్థులు తమ పీజీఈసెట్ రిజిస్ట్రేషన్ నెంబరు, హాల్‌టికెట్ నెంబరు, పుట్టినతేదీ వివరాలు నమోదుచేసి ర్యాంకు కార్డులు పొందవచ్చు.
తెలంగాణ పీజీఈసెట్‌ను ఆగ‌స్టు 2 నుంచి 5 వరకు నిర్వహించారు. మొత్తం 12 కేంద్రాల్లో ఆన్‌లైన్ విధానంలో ఉస్మానియా యూనివ‌ర్సిటీ ఈ ప‌రీక్షల‌ను నిర్వహించింది. పీజీఈసెట్-2022 పరీక్షలో మొత్తం 91.48 శాతం మంది అర్హత సాధించారు. 19 విభాగాల్లో జరిగిన పరీక్షలకు మొత్తం 12,592 మంది హాజరుకాగా.. వారిలో 11,520 మంది ఉత్తీర్ణులయ్యారు. ఉత్తీర్ణులైనవారిలో 6,440 మంది (55.90 శాతం) అమ్మాయిలు, 5,080 మంది అబ్బాయిలు ఉన్నారు. ఒక్క ఫార్మసీ విభాగంలోనే 5,186 మంది పాస్ అవడం విశేషం. మిగిలిన 6,334 మంది ఇతర 18 విభాగాల్లో ఉన్నారని పేర్కొన్నారు. ఏడు విభాగాల్లో అమ్మాయిలు టాపర్లుగా నిలిచారు.
PGECET 2022 Ranck Card ఇలా డౌన్‌లోడ్ చేసుకోండి..
1) అభ్యర్థులు మొదటగా pgecet.tsche.ac.in వెబ్ సైట్ లోకి వెళ్లాలి.
2) “Download rank card” లింక్ పై క్లిక్ చేయండి.
3) పీజీఈసెట్ రిజిస్ట్రేషన్ నెంబరు, హాల్‌టికెట్ నెంబరు, పుట్టినతేదీ వివరాలు వివరాలను ఎంటర్ చేయాలి.
4) సబ్ మిట్ చేసిన తర్వాత ఫలితాలు డిస్ ప్లే అవుతాయి.
5) డౌన్‌లోడ్ ఆప్షన్ పై క్లిక్ చేసి ర్యాంక్ కార్డు పొందవచ్చు.
6) కౌన్సెలింగ్ లో ర్యాంక్ కార్డు తప్పనిసరి.
Download Here: TS PGECET - 2022 RANKCARD
తెలంగాణ పీజీఈసెట్ కౌన్సెలింగ్ షెడ్యూలు ఇలా..
1. కౌన్సెలింగ్ నోటిఫికేషన్: 16.09.2022
2. ఆన్‌లైన్ రిజిస్ట్రేషన్ కమ్ వెరిఫికేషన్, ఆన్‌లైన్ ఫీజు చెల్లింపు, సర్టిఫికేట్ల స్కానింగ్: 19.09.2022 to 02.10.2022
3. స్లాట్ బుకింగ్ ద్వారా స్పెషల్ కేటగిరి సర్టిఫికేట్ వెరిఫికేషన్ (NCC / CAP / PH / Sports): 22.09.2022 to 24.09.2022
4. అభ్యర్థుల వెరిఫికేషన్ లిస్ట్, ఈమెయిల్ ద్వారా సవరణలు: 04.10.2022
5. వెబ్‌ఆప్షన్లు (ఫేజ్-1): 07.10.2022 to 09.10.2022
6. వెబ్‌ఆప్షన్ల ఎడిట్ (ఫేజ్-1): 10.10.2022
7. కాలేజీల వారీగా అభ్యర్థుల ప్రాథమిక జాబితా ప్రకటన (ఫేజ్-1): 12.10.2022
8. సంబంధిత కళాశాలలో రిపోర్టింగ్, ట్యూషన్ ఫీజు చెల్లింపు: 12.10.2022 to 15.10.2022
9. తరగతుల ప్రారంభం: 17.10.2022