CUET PG Final Key: సీయూఈటీ పీజీ తుది ఆన్సర్ కీ విడుదల, ఇలా చెక్ చేసుకోండి!

పీజీ ప్రవేశ పరీక్షకు హాజరైన అభ్యర్థులు, ప్రిలిమినరీ కీపై అభ్యంతరాలు తెలిపిన అభ్యర్థులు ఆన్సర్ కీ చూసుకోవచ్చు. మార్కులపై ఓ అంచనాకు రావచ్చు.

కామన్ యూనివర్సిటీ ఎంట్రెన్స్ టెస్ట్ పీజీ (CUET PG) – 2022 పరీక్ష తుది ఆన్సర్ కీని నేషనల్ టెస్టింగ్ ఏజెన్సీ విడుదల చేసింది. ఆన్సర్ కీని అధికారిక వెబ్‌సైట్‌లో అందుబాటులో ఉంచింది. పీజీ ప్రవేశ పరీక్షకు హాజరైన అభ్యర్థులు, ప్రిలిమినరీ కీపై అభ్యంతరాలు తెలిపిన అభ్యర్థులు ఆన్సర్ కీ చూసుకోవచ్చు. మార్కులపై ఓ అంచనాకు రావచ్చు.

సెప్టెంబరు 16న నేషనల్ టెస్టింగ్ ఏజెన్సీ సీయూఈటీ ప్రాథమిక కీని విడుదల చేసిన సంగతి తెలిసిందే. ఆన్సర్ కీపై అభ్యర్థుల నుంచి సెప్టెంబరు 18 వరకు అభ్యంతరాలు స్వీకరించింది. అనంతరం సెప్టెంబరు 24న తుది కీని విడుదల చేసింది. ఈ ఏడాది పీజీ ప్రవేశపరీక్షకు మొత్తం 1.9 లక్షల మంది విద్యార్థులు హాజరయ్యారు.

ఆన్సర్ కీ ఇలా చెక్ చేసుకోండి..

1. ఫైనల్ ఆన్సర్ కీ కోసం అభ్యర్థులు మొదట అధికారిక వెబ్‌సైట్‌లోకి వెళ్లాలి. CUET PG - cuet.nta.nic.in

2. అక్కడ హోంపేజీలో కనిపించే 'CUET PG Final Answer Key 2022' లింక్ మీద క్లిక్ చేయాలి.

3. ఫైనల్ ఆన్సర్ కీకి సంబంధించి పేజీ ఓపెన్ అవుతోంది.

4. అక్కడ పీడీఎఫ్ ఫార్మాట్‌లో ఉన్న ఫైనల్ ఆన్సర్ కీ కనిపిస్తుంది.

5. అభ్యర్థులు ఆన్సర్ కీ డౌన్‌లోడ్ చేసుకొని చెక్ చేసుకోవచ్చు.

CUET PG 2022 Final Answer Key

కేంద్రీయ విశ్వవిద్యాలయాల్లోని పీజీ కోర్సుల్లో ప్రవేశాలు కల్పించేందుకు ఈ పరీక్షను యూనివర్సిటీ గ్రాంట్స్‌ కమిషన్‌ తరఫున ఎన్‌టీఏ నిర్వహించారు. ఈ ఏడాది సెప్టెంబర్‌ 1 నుంచి 12 వరకు రెండు సెషన్లలో పరీక్ష నిర్వహించారు. ఉదయం 10 నుంచి మధ్యాహ్నం 12 గంటల వరకు మొదటి సెషన్‌, మధ్యాహ్నం 3 నుంచి సాయంత్రం 5 గంటల వరకు రెండో సెషన్‌ పరీక్ష జరిగింది. పరీక్ష ప్రాథమిక కీని సెప్టెంబరు 16న విడుదల చేయగా.. ఫైనల్ కీని సెప్టెంబరు 24న విడుదల చేశారు. త్వరలోనే ఫలితాలు వెలువడే అవకాశం ఉంది.

ఈ ఏడాది సీయూఈటీ పీజీ ప్రవేశ పరీక్షకు దేశవ్యాప్తంగా 3.6 లక్షల మంది విద్యార్థులు రిజిస్టర్ చేసుకున్నారు. వీరిలో 1.8 లక్షల మంది బాలురు, 1.7 లక్షల మంది బాలికలు ఉన్నారు. వీరిలో ప్రవేశ పరీక్షకు 1.9 లక్షల మంది హాజరయ్యారు. 55 శాతం హాజరు నమోదైంది. త్వరలోనే పరీక్ష ఫలితాలు వెలువనున్నాయి.

ఇవి కూడా చదవండి..