Isha Yoga Centre:
గదిలో సూసైడ్ లెటర్..
కోయంబత్తూర్‌లోని ఈశా యోగా సెంటర్‌లో ఆంధ్రప్రదేశ్‌కు చెందిన 32 ఏళ్ల వ్యక్తి తన గదిలో అనుమానాస్పదంగా మృతి చెందాడు. ఆర్నెల్ల యోగా ట్రైనింగ్‌ కోసం ఈ నెల 15వ తేదీన యోగా సెంటర్‌కు వెళ్లాడు. IANS వెల్లడించిన వివరాల ప్రకారం...విశాఖకు చెందిన గుల్లు రమణ ఈశా యోగా సెంటర్‌లో శిక్షణకు వచ్చాడు. శుక్రవారం ఉదయం యోగా శిక్షణకు రావాల్సి ఉండగా, హాజరు కాలేదు. అతని రూమ్‌మేట్స్‌, గదికి వెళ్లే సరికి రమణ అనుమానాస్పద స్థితిలో మృతి చెందాడు. ఉదయం 5.30 నుంచి 7.30 మధ్యలో రమణ చనిపోయి ఉంటాడని పోలీసులు అనుమానిస్తున్నారు. ఈ సమయంలో గదిలో ఎవరూ లేకపోవటం వల్ల అప్పుడే ఆయన ప్రాణాలు కోల్పోయి ఉంటాడని భావిస్తున్నారు. పోలీసులు ఈ గదిలో ఓ సూసైడ్ లెటర్‌ను గుర్తించారు. కోయంబతూర్ మెడికల్ కాలేజీకి మృతదేహాన్ని తరలించారు. ఈ మృతికి కారణమేంటన్నది పోస్ట్‌ మార్టమ్ అయ్యాక కానీ కచ్చితంగా చెప్పలేమని పోలీసులు స్పష్టం చేశారు. సెక్షన్ 174 కింద కేసు నమోదు చేశారు.