Bus Accident At Gadwal: గద్వాల్‌ జిల్లాలో ఘోర ప్రమాదం జరిగింది. జగన్ ట్రావెల్స్‌కు చెందిన ఓ బస్సు ప్రయాణికులతో వెళ్తూ బోల్తా పడింది. బీచుపల్లి పదో బెటాలియన్ సమీపంలో ఈ ప్రమాదం జరిగింది. వేకువజాము మూడు గంటల ప్రాంతంలో యాక్సిడెంట్ అయింది. ప్రయాణికులు అప్రమత్తం అవ్వడంతో పెను ముప్పు తప్పిందని చెబుతున్నారు.
ప్రమాదంలో బస్సు బోల్తా పడిన వెంటనే మంటల్లో చెలరేగాయి. ప్రయాణికులు స్పందించి త్వరగా బయటపడ్డారు. అయితే ఒక మహిళ మాత్రం ఈ దుర్ఘటనలో మృతి చెందారు. మరో ఐదుగురికి గాయాలు అయ్యాయి. వారిని కర్నూలు ఆసుపత్రికి తరలించారు.
ప్రమాదం జరిగిన టైంలో బస్సులో 40 మంది ప్రయాణికులు ఉన్నారు. ఈ బస్సు హైదరాబాద్‌ నుంచి తిరుపతి వెళ్తోంది. బస్సు ప్రమాదానికి గురి కావడంతో ప్రయాణికులను ప్రత్యామ్నాయ ఏర్పాట్లు చేసి గమన్య స్థానాలకు చేర్చారు.