Smartphones Launching In March 2025: ఆపిల్ ఐఫోన్ 16e ‍‌(Apple iPhone 16e) సహా అనేక ఇతర స్మార్ట్‌ఫోన్‌లు ఫిబ్రవరిలో లాంచ్‌ అయ్యాయి, టెక్నాలజీ ప్రియులను అలరించాయి. వచ్చే నెల (మార్చి 2025) కూడా స్మార్ట్‌ఫోన్ అభిమానులకు ప్రత్యేకంగా మారబోతోంది. నథింగ్, శామ్‌సంగ్‌తో సహా ఇతర ప్రముఖ కంపెనీలు మార్చి నెలలో కొత్త మోడళ్లను విడుదల చేయబోతున్నాయి. మీరు కొత్త స్మార్ట్‌ఫోన్ కొనాలనుకుంటే, మార్చిలో మీకు ఎక్కువ ఆప్షన్స్‌ అందుబాటులోకి వస్తాయి. 


మార్చిలో కొత్త మోడళ్లు లాంచ్‌ చేయనున్న స్మార్ట్‌ఫోన్‌ కంపెనీలు


నథింగ్ ఫోన్ 3a సిరీస్ ‍‌(Nothing Phone 3a series Smartphones)


మార్చి 4న లాంచ్ ఈవెంట్ జరుగుతుందని "నథింగ్"ప్రకటించింది, "Nothing Phone 3a" సిరీస్ ఆ ఈవెంట్‌లో లాంచ్‌ అవుతుంది. ఈ సిరీస్‌లో "Nothing Phone 3a" & "Nothing Phone 3a Pro" మోడళ్లను ఆవిష్కరించవచ్చు. 2a & 2a Plusతో పోలిస్తే ఈ రెండు కొత్త మోడళ్లు కొత్త లుక్‌తో, అప్‌గ్రేడెడ్‌ ఫీచర్లతో వస్తాయని టీజర్‌ను బట్టి తెలుస్తోంది. Nothing Phone 3a Proలో 50MP పెరిస్కోప్ కెమెరా ఉంటుందని భావిస్తున్నారు.


ఐకూ నియో 10ఆర్‌ 5జీ ‍‌(iQOO Neo 10R 5G Smartphone)


"iQOO" మిడ్-రేంజ్ సెగ్మెంట్‌లో కొత్త స్మార్ట్‌ఫోన్‌ను విడుదల చేయబోతోంది. మార్చి 11న "iQOO Neo 10R 5G" స్మార్ట్‌ఫోన్‌ను విడుదల చేయనున్నట్లు కంపెనీ తెలిపింది. దీనిని అమెజాన్ ఫ్లాట్‌ఫామ్‌ ద్వారా విక్రయిస్తారు. "iQOO Neo 10R 5G" ధర రూ.30,000 లోపు ఉండవచ్చు. ఇది 6.78 అంగుళాల పెద్ద OLED డిస్‌ప్లే & స్నాప్‌డ్రాగన్ 8s Gen 3 ప్రాసెసర్‌తో వస్తుందని భావిస్తున్నారు. వెనుక భాగంలో 50MP ప్రధాన కెమెరా ఉండవచ్చు.


వివో టీ4ఎక్స్‌ 5జీ ‍‌(Vivo T4x 5G Smartphone)


Vivo T4x 5G స్మార్ట్‌ఫోన్‌ కూడా మార్చిలో లాంచ్ అయ్యే సిగ్నల్స్‌ కనిపిస్తున్నాయి. ఈ ఫోన్‌ ఫీచర్ల గురించి టీజ్‌ చేస్తూ, వివో కంపెనీ ఓ టీజర్‌ విడుదల చేసింది. ఈ ఫోన్‌లో 6.72 అంగుళాల FHD + IPS LCD డిస్‌ప్లే, మీడియాటెక్ డైమెన్సిటీ 7300, 50MP ప్రధాన సెన్సార్‌తో కూడిన డ్యూయల్ కెమెరా సెట్ & ఫాస్ట్ ఛార్జింగ్ సపోర్ట్‌తో 6,500 mAh బ్యాటరీ ఒదిగి ఉంటాయని టీజర్‌ వెల్లడించింది. ఈ మోడల్‌ లాంచింగ్‌ డేట్‌ను ఇంకా నిర్ణయించలేదు.


శామ్‌సంగ్‌ ‍‌(Samsung) నుంచి మూడు ఫోన్లు 


మార్చిలో మూడు కొత్త ఫోన్‌ మోడళ్లను విడుదల చేయడానికి శామ్‌సంగ్ సన్నాహాలు చేస్తోంది. Galaxy A సిరీస్‌లో మూడు కొత్త స్మార్ట్‌ఫోన్‌లను మార్చి 02న భారతదేశంలో విడుదల చేయనున్నట్లు కంపెనీ ఇప్పటికే ప్రకటించింది. అవి - Galaxy A36, Galaxy A56, Galaxy A26 స్మార్ట్‌ఫోన్‌లు. టీజర్‌లో ఉన్న ప్రకారం, ఈ ఫోన్లు మెటల్ ఫ్రేమ్‌తో రావచ్చు.


పోకో ఎం7 5జీ (POCO M7 5G Smartphone)


జియోమీ (Xiaomi) సబ్‌ బ్రాండ్ "POCO", భారతదేశంలో "POCO M7 5G Smartphone" లాంచ్‌ను అధికారికంగా ధృవీకరించింది. ఈ కొత్త స్మార్ట్‌ఫోన్ మార్చి 03న లాంచ్ అవుతుంది. ఇది బడ్జెట్‌ ఫోన్‌. 12GB RAM (6GB ఫిజికల్‌ RAM + 6GB వర్చువల్ RAM) & స్నాప్‌డ్రాగన్ 4 Gen 2 ప్రాసెసర్‌తో రూ. 10,000 కంటే తక్కువ ధరలో వస్తున్న తొలి స్మార్ట్‌ ఫోన్‌ ఇదేనని కంపెనీ వెల్లడించింది.


మరో ఆసక్తికర కథనం: విమాన ప్రయాణంపై బంపర్‌ ఆఫర్‌ - కేవలం 11 రూపాయలకే ఫ్లైట్‌ టికెట్