Stock Market Closing Bell on 14 June 2022: భారత స్టాక్‌ మార్కెట్లు (Indian equity markets) మంగళవారం స్వల్ప నష్టాల్లో ముగిశాయి. ఒకవైపు ద్రవ్యోల్బణం భయాలు వెంటాడుతున్నాయి. అమెరికా మార్కెట్లు బేర్స్‌ గ్రిప్‌లోకి వెళ్లడంతో అంతర్జాతీయంగా సానుకూల సంకేతాలేమీ కనిపించడం లేదు. ఎన్‌ఎస్‌ఈ నిఫ్టీ (NSE Nifty) 42 పాయింట్ల నష్టంతో 15,732, బీఎస్‌ఈ సెన్సెక్స్‌ (BSE Sensex) 153 పాయింట్ల నష్టంతో 52,693 వద్ద ముగిశాయి.
BSE Sensex
క్రితం సెషన్లో 52,846 వద్ద ముగిసిన బీఎస్‌ఈ సెన్సెక్స్‌ నేడు 52,495 వద్ద భారీ నష్టాల్లో మొదలైంది. 52,459 వద్ద ఇంట్రాడే కనిష్ఠాన్ని తాకింది. 53,095 వద్ద ఇంట్రాడే గరిష్ఠాన్ని అందుకుంది. ఓపెనింగ్‌లో 300 పాయింట్ల నష్టపోయిన సూచి ఆ తర్వాత పుంజుకొని 100 పాయింట్లు లాభపడింది. ఆఖర్లో మళ్లీ పతనమై 153 పాయింట్ల నష్టంతో 52,693 వద్ద ముగిసింది.
NSE Nifty
సోమవారం 15,774 వద్ద ముగిసిన ఎన్‌ఎస్‌ఈ నిఫ్టీ మంగళవారం 15,674 వద్ద ఓపెనైంది. 15,659 వద్ద ఇంట్రాడే కనిష్ఠాన్ని చేరుకుంది. 15,858 వద్ద ఇంట్రాడే గరిష్ఠాన్ని అందుకుంది. చివరికి 42 పాయింట్ల నష్టంతో 15,732 వద్ద ముగిసింది.
Nifty Bank
నిఫ్టీ బ్యాంక్‌ మోస్తరు నష్టాల్లో ముగిసింది. ఉదయం 33,180 వద్ద మొదలైంది. 33,123 వద్ద ఇంట్రాడే కనిష్ఠాన్ని తాకింది. 33,618 వద్ద ఇంట్రాడే గరిష్ఠాన్ని అందుకుంది. చివరికి 94 పాయింట్ల నష్టంతో 33,311 వద్ద క్లోజైంది.
Gainers and Lossers
నిఫ్టీ 50లో 27 కంపెనీలు లాభాల్లో 23 నష్టాల్లో ముగిశాయి. ఎన్‌టీపీసీ, భారతీ ఎయిర్‌టెల్‌, దివిస్‌ ల్యాబ్‌, ఎం అండ్‌ ఎం, సిప్లా షేర్లు లాభపడ్డాయి. బజాజ్‌ ఆటో, ఇండస్‌ ఇండ్‌, ఓఎన్‌జీసీ, హిందాల్కో, టెక్‌ మహీంద్రా షేర్లు నష్టపోయాయి. పవర్‌, రియాల్టీ, హెల్త్‌కేర్‌, ఫార్మా, మెటల్‌, ఐటీ సూచీలు స్వల్పంగా పెరిగాయి. మిగతా రంగాల సూచీలన్నీ ఎరుపెక్కాయి.