Gold Rate Today: పసిడి ప్రియులకు షాక్, వరుసగా నాలుగో రోజు పెరిగిన బంగారం ధర, స్వల్పంగా పుంజుకున్న వెండి

Gold Rate Today 12th February 2022: బంగారం ధర రూ.250 మేర పెరగడంతో హైదరాబాద్‌లో 24 క్యారెట్ల స్వచ్ఛమైన బంగారం ధర ప్రస్తుతం రూ.49,970 అయింది.

Gold Rate Today: తెలుగు రాష్ట్రాల్లో వరుసగా నాలుగో రోజు బంగారం ధర పెరిగింది. మరోవైపు వెండి ధర కూడా పసిడి బాటలో పయనిస్తూ స్వల్పంగా పెరిగింది. హైదరాబాద్ మార్కెట్‌లో బంగారం ధర రూ.250 మేర పుంజుకోగా తాజాగా 22 క్యారెట్ల బంగారం 10 గ్రాముల ధర రూ.45,800 అయింది. 24 క్యారెట్ల స్వచ్ఛమైన బంగారం ధర (Gold Rates Today In Hyderabad) ప్రస్తుతం రూ.49,970 అయింది. ఇక స్వచ్ఛమైన వెండి ధర రూ.100 మేర పెరిగింది. ఫిబ్రవరి నెలలో గరిష్టానికి ఎగబాకింది. హైదరాబాద్‌లో కేజీ వెండి ధర రూ.66,900 కు చేరింది.

ఏపీ మార్కెట్లో బంగారం ధరలు నిలకడగా ఉన్నాయి. నేడు విజయవాడలో 24 క్యారెట్ల బంగారం (Gold Rates Today In Vijayawada)పై రూ.280 పెరగడంతో 10 గ్రాముల ధర రూ.49,970 అయింది. 22 క్యారెట్ల బంగారం ధర నేడు రూ.45,800కి ఎగబాకింది. వెండి 1 కేజీ ధర రూ.66,900 వద్ద విక్రయాలు జరుగుతున్నాయి. ఇక విశాఖపట్నం, తిరుపతి మార్కెట్‌లో బంగారం, వెండి ధరలు నిలకడగా ఉన్నాయి. 22 క్యారెట్ల బంగారం ధర రూ.45,800 కాగా, 24 క్యారెట్ల బంగారం ధర రూ.49,970 అయింది.

ప్రధాన నగరాల్లో బంగారం ధర..
దేశ రాజధాని ఢిల్లీ సహా ప్రధాన నగరాల్లో బంగారం ధరలు భారీగా పెరిగాయి. ఢిల్లీలో 24 క్యారెట్ల బంగారం 10 గ్రాముల ధర రూ.49,970 అయింది. 22 క్యారెట్ల బంగారం 10 గ్రాముల ధర రూ.45,800 గా ఉంది. దేశ ఆర్థిక రాజధాని ముంబయిలో 22 క్యారెట్ల బంగారం 10 గ్రాముల ధర రూ.45,810 కాగా, 24 క్యారెట్ల బంగారం ధర రూ.49,980 అయింది. చెన్నైలో 22 క్యారెట్ల బంగారంపై రూ.30 పెరగడంతో 10 గ్రాముల ధర రూ.46,040 కాగా, 24 క్యారెట్ల బంగారం 10 గ్రాముల ధర రూ.50,230కు చేరింది.

ప్లాటినం ధర
మరో విలువైన లోహం అయిన ప్లాటినం ధరలు పలు నగరాలలో ఇలా ఉన్నాయి. చెన్నైలో 10 గ్రాముల ధర రూ.24,780కి దిగొచ్చింది. ఢిల్లీలో ప్లాటినం ధర రూ.8 మేర పెరగడంతో తులం ధర రూ.24,860 అయింది. హైదరాబాద్‌లో, ఏపీలోని విశాఖపట్నం, విజయవాడలో రూ.7 మేర తగ్గడంతో. 10 గ్రాముల ప్లాటినం ధర రూ.24,710 కి క్షీణించింది.

పసిడి, వెండి ధరలపై పలు అంశాలు ప్రభావం..
పసిడి, వెండి ధరల్లో రోజూ మార్పు చేసుకుంటుండడం అనేది ప్రపంచవ్యాప్తంగా అనేక రకాల అంశాలపైన ఆధారపడి ఉంటుంది. అంతర్జాతీయ మార్కెట్‌లో బంగారం ధరలు పెరగడం కూడా ఒక రకమైన కారణం. అయితే, ఇలా ప్రపంచ మార్కెట్‌లో పసిడి ధరలు పెరగడానికి కూడా మళ్లీ అనేక అంతర్జాతీయపరమైన కారణాలు ఉంటాయి. ద్రవ్యోల్బణం, సెంట్రల్ బ్యాంకు వద్ద బంగారం నిల్వలు, వడ్డీ రేట్ల పెరుగుదల లేదా తగ్గుదల, వివిధ జువెలరీ మార్కెట్లలో బంగారానికి వినియోగదారుల నుంచి ఉంటున్న డిమాండ్ వంటి ఎన్నో అంశాలు బంగారం ధరను ప్రభావితం చేస్తుంటాయి.