Bank Holidays list in August 2023: ఈ నెలలో (ఆగస్టు) బ్యాంకులు 14 రోజులు పని చేయవు. చెక్‌, డీడీ, డిపాజిట్‌, విత్‌డ్రా, కొత్త అకౌంట్‌ తెరవడం, లోన్స్‌ తీసుకోవడం, 2 వేల రూపాయల నోట్లు మార్చుకోవడం సహా ఈ నెలలో మీకు బ్యాంక్‌లో ఎలాంటి పనున్నా ముందు ఈ హాలిడేస్‌ లిస్ట్‌ సేవ్‌ చేసుకోండి. దీనివల్ల, సెలవు రోజుల మినహా మిగిలిన రోజుల్లో మీ పనిని ప్లాన్‌ చేసుకోవచ్చు, టైమ్‌ సేవ్‌ అవుతుంది.


ఈ నెలలో బ్యాంకులకు 14 రోజులు సెలవులు
రిజర్వ్ బ్యాంక్ ఆఫ్ ఇండియా, బ్యాంక్‌ కస్టమర్ల కోసం, ప్రతి నెలకు సంబంధించిన బ్యాంక్‌ సెలవుల జాబితాను ముందుగానే విడుదల చేస్తుంది. ప్రతి రాష్ట్రంలోని పండుగలు, ఇతర ముఖ్యమైన రోజుల్లో వచ్చే సెలవుల వివరాలు ఆ లిస్ట్‌లో ఉంటాయి. ఆగస్టు నెలలో దేశవ్యాప్తంగా బ్యాంకులకు 14 రోజులు సెలవులు ఉన్నాయి. శని, ఆదివారాల్లో వచ్చే సాధారణ సెలవులతో పాటు, పండుగలు, ఇతర కార్యక్రమాల వల్ల వచ్చే సెలవులు కూడా ఈ లిస్ట్‌లో కలిసి ఉన్నాయి. ఆగస్టు 06న ఆదివారంతో మొదలై ఆగస్టు 31న రాఖీ పండుగతో హాలిడేస్‌ ముగుస్తాయి. బ్యాంకు సెలవులు ఒక రాష్ట్రానికి, మరొక రాష్ట్రానికి వేర్వేరుగా ఉంటాయి.


2023 ఆగస్టు నెలలో బ్యాంకుల సెలవు రోజులు:


ఆగస్టు 06 - ఆదివారం - దేశవ్యాప్తంగా బ్యాంకులకు సెలవు
ఆగస్టు 08 - మంగళవారం - (టెండోంగ్ లో రమ్ ఫాత్): సిక్కింలో బ్యాంక్ సెలవు
ఆగస్టు 12 - రెండో శనివారం - దేశవ్యాప్తంగా బ్యాంకులకు సెలవు
ఆగస్టు 13 - ఆదివారం - దేశవ్యాప్తంగా బ్యాంకులకు సెలవు
ఆగస్టు 15 - మంగళవారం - (స్వాతంత్ర్య దినోత్సవం): దేశవ్యాప్తంగా బ్యాంకులకు సెలవు
ఆగస్టు 16 - బుధవారం - (పార్సీ నూతన సంవత్సరం- షాహెన్‌షాహి): బేలాపూర్, ముంబై, నాగ్‌పుర్‌లలో బ్యాంకులకు సెలవు
ఆగస్టు 18 - శుక్రవారం - (శ్రీమంత శంకరదేవుని తిథి): గువాహతిలో బ్యాంకులకు సెలవు
ఆగస్టు 20 - ఆదివారం - దేశవ్యాప్తంగా బ్యాంకులకు సెలవు
ఆగస్టు 26 - నాలుగో శనివారం - దేశవ్యాప్తంగా బ్యాంకులకు సెలవు
ఆగస్టు 27 - ఆదివారం - దేశవ్యాప్తంగా బ్యాంకులకు సెలవు
ఆగస్టు 28 - సోమవారం - (మొదటి ఓనం): కోచి, తిరువనంతపురంలో బ్యాంకులకు సెలవు
ఆగస్టు 29 - మంగళవారం - (తిరువోణం): కొచ్చి, తిరువనంతపురంలో బ్యాంకులకు సెలవు
ఆగస్టు 30 - బుధవారం - (రాఖీ పండుగ): జైపూర్, సిమ్లాలో బ్యాంకులకు సెలవు
ఆగస్టు 31 - గురువారం - (రాఖీ పండుగ/శ్రీనారాయణ గురు జయంతి/పాంగ్-లాబ్సోల్): డెహ్రాడూన్, గాంగ్‌టక్, కాన్పూర్, కొచ్చి, లఖ్‌నవూ, తిరువనంతపురంలో బ్యాంకులకు సెలవు


బ్యాంకు సెలవు రోజుల్లో నగదు లావాదేవీలు ఎలా?
RBI, బ్యాంక్‌ సెలవులను మూడు కేటగిరీల కింద వర్గీకరించింది. 'హాలిడేస్‌ అండర్‌ నెగోషియబుల్ ఇన్‌స్ట్రుమెంట్స్ యాక్ట్', 'రియల్-టైమ్ గ్రాస్ సెటిల్‌మెంట్ హాలిడేస్' & 'క్లోజింగ్‌ ఆఫ్‌ అకౌంట్స్‌'. ఏ బ్యాంక్‌ సెలవైనా ఈ మూడు కేటగిరీల్లో ఒకదాని కిందకు వస్తుంది. బ్యాంకులకు సెలవు రోజుల్లోనూ ఆన్‌లైన్ & నెట్ బ్యాంకింగ్, UPI, ATM సేవలు 24 గంటలూ పని చేస్తాయి. బ్యాంకు సెలవుల్లో నగదు విత్‌డ్రా/డిపాజిట్‌ చేయాల్సివస్తే ATMను ఉపయోగించవచ్చు. ఒక ఖాతా నుంచి మరొక ఖాతాకు డబ్బును బదిలీ చేయడానికి మొబైల్ బ్యాంకింగ్ లేదా నెట్ బ్యాంకింగ్‌ లేదా UPIని ఉపయోగించవచ్చు. 


మరో ఆసక్తికర కథనం: ఇవాళ మార్కెట్‌ ఫోకస్‌లో ఉండే 'కీ స్టాక్స్‌' Power Grid, Maruti, Adani Energy


Join Us on Telegram: https://t.me/abpdesamofficial