Airtel New Prepaid Data Plans: ప్రముఖ టెలికాం కంపెనీ ఎయిర్టెల్, తన కస్టమర్ల కోసం ఎప్పటికప్పుడు కొత్త ప్లాన్‌లను అందిస్తోంది. ఈ పండుగ సీజన్‌లో, సరికొత్త ప్లాన్‌ను లాంచ్‌ చేసిందీ టెలికాం సర్వీసెస్‌ ప్రొవైడర్‌. అది.. రూ.26 ప్లాన్ (Airtel Rs 26 Plan). ధర చాలా తక్కువగా ఉన్నందున వినియోగదార్లను మెప్పిస్తోంది. ఈ ప్లాన్‌లో కస్టమర్‌లు 1.5 GB హై-స్పీడ్ డేటా పొందుతారు. కంపెనీ ఈ ప్లాన్‌ను తన 'డేటా ప్యాక్' లిస్ట్‌లో కూడా ఉంచింది. అయితే, ఈ ప్లాన్ వాలిడిటీ కేవలం 1 రోజు మాత్రమే. ఈ ప్లాన్‌లో కస్టమర్‌లకు ఉచిత కాలింగ్ ప్రయోజనం కూడా ఉంటుంది. ముఖ్యంగా, అత్యవసర పరిస్థితుల్లో డేటా అవసరమయ్యే యూజర్ల కోసం ఎయిర్టెల్ ఈ ప్లాన్ ప్రవేశపెట్టింది. ఎయిర్టెల్, తన డేటా ప్లాన్‌ల జాబితాలో రూ.22 ప్లాన్‌ను (Airtel Rs 22 Plan) కూడా చేర్చింది. ఈ ప్లాన్‌లో 1 GB డేటా వస్తుంది, దీని వ్యాలిడిటీ కూడా ఒక రోజు మాత్రమే.
తన ప్రి-పెయిడ్‌ యూజర్ల కోసం మరో 3 కొత్త ప్లాన్‌లను కూడా ఎయిర్టెల్ మార్కెట్‌లోకి లాంచ్‌ చేసింది. ఈ మూడు డేటా ఓచర్ ప్లాన్‌లు. అంటే, మీరు ఈ ప్లాన్‌లను రీఛార్జ్‌ చేసుకుంటే డేటా బెనిఫిట్స్‌ వస్తాయి. ఇవి డేటా యాడ్-ఆన్ ప్లాన్‌లు కావని గుర్తుంచుకోండి. ఎందుకంటే, మీరు ఈ మూడు కొత్త డేటా ఓచర్ ప్లాన్‌లతో కూడా వ్యాలిడిటీ కూడా పొందుతారు.
ఎయిర్టెల్ లాంచ్‌ చేసిన మరో మూడు కొత్త ప్లాన్‌ల వివరాలు:
ఎయిర్టెల్, తన యూజర్ల కోసం అందుబాటులోకి తీసుకొచ్చిన మూడు కొత్త ప్లాన్‌లు - రూ. 161 ప్లాన్, రూ. 181 ప్లాన్, రూ. 351 ప్లాన్. ఈ మూడు ప్లాన్‌లతోనూ వినియోగదార్లకు 30 రోజుల వాలిడిటీ లభిస్తుంది. అయితే.. ప్లాన్‌లో, వినియోగదార్లు ఉచిత SMS లేదా కాలింగ్‌కు సంబంధించిన ఏ సౌకర్యాన్నీ పొందరు.
ఎయిర్టెల్ రూ. 161 ప్రి-పెయిడ్‌ ప్లాన్ (Airtel Rs 161 Plan)
ఎయిర్టెల్ ప్రారంభించిన కొత్త డేటా ఓచర్ ప్లాన్‌ల లిస్ట్‌లో ఇది నంబర్ 1 స్థానంలో ఉంది. ఈ ప్లాన్ ఖరీదు 161 రూపాయలు. ఈ ప్లాన్‌తో మీరు 12GB డేటా పొందుతారు, దీని వాలిడిటీ 30 రోజులు.
ఎయిర్టెల్ రూ. 181 ప్రి-పెయిడ్‌ ప్లాన్ (Airtel Rs 181 Plan)
ఎయిర్టెల్ ప్రారంభించిన కొత్త డేటా ఓచర్ ప్లాన్‌ల జాబితాలో ఇది రెండోది. దీని ధర 181 రూపాయలు. ఈ ప్లాన్‌తో మీరు 15GB డేటా పొందుతారు, దీని వాలిడిటీ 30 రోజులు.
ఎయిర్టెల్ రూ. 361 ప్రి-పెయిడ్‌ ప్లాన్ (Airtel Rs 361 Plan)
ఈ ప్లాన్ ఎయిర్టెల్ ప్రారంభించిన కొత్త డేటా ఓచర్ ప్లాన్‌ల లిస్ట్‌లో మూడోది. దీని ధర 361 రూపాయలు. ఈ ప్లాన్‌తో మీరు 50GB డేటా పొందుతారు, దీని వాలిడిటీ కూడా 30 రోజులు.
ఈ 3 ప్లాన్‌లలో రోజువారీ డేటా పరిమితి లేదు. అంటే, ఈ డేటా ప్లాన్స్‌లో ద్వారా అందుబాటులో ఉన్న మొత్తం డేటాను మీరు ఒకే రోజులో ఉపయోగించుకోవచ్చు లేదా 30 రోజుల చెల్లుబాటు వరకు క్రమంగా వాడుకోవచ్చు. ఇంతకుముందే చెప్పినట్లు ఈ ప్లాన్స్‌లో కాలింగ్ & SMS ఆప్షన్ లేవు. కాల్స్‌ చేయడానికి & SMSలు పంపడానికి ఇప్పటికే ఏదైనా పని చేస్తున్న ప్లాన్ ఉన్నవాళ్లు లేదా కాల్స్‌, SMSలు చేయాల్సిన అవసరం లేని వ్యక్తులు ఈ మూడు కొత్త ప్లాన్‌లను ఉపయోగించవచ్చు.
మరో ఆసక్తికర కథనం: లార్జ్‌ క్యాప్స్‌ ర్యాలీతో రికార్డ్‌ స్థాయిలో ముగిసిన స్టాక్‌ మార్కెట్లు - 26000 చేరువలో నిఫ్టీ