AIR India New CEO MD: దేశంలోని ప్రసిద్ధ ఎయిర్‌లైన్స్ ఎయిరిండియా (Air India) టెవోల్డే గెబ్రేమరియంను కంపెనీ కొత్త సీఈఓ అంటే ముఖ్య కార్యనిర్వాహక అధికారి, మేనేజింగ్ డైరెక్టర్‌గా నియమించింది. టెవోల్డే గెబ్రేమరియం అంతకుముందు Ethiopian Airlines Group అధినేతగా సేవలు అందించారు. 

Continues below advertisement

ఉపయోగపడిన ఏవియేషన్ ఇండస్ట్రీ అనుభవం టెవోల్డే గెబ్రేమరియం చాలా కాలంగా ఏవియేషన్ ఇండస్ట్రీలో పనిచేస్తున్నారు. అందువల్ల ఆయన దీర్ఘ అనుభవం Air Indiaకి ఎంతో ఉపయోగపడనుందని భావిస్తున్నారు. ఆయన నియామకంతో Air Indiaలో కూడా కంపెనీ పనితీరు, అభివృద్ధికి కొత్త దశా దిశ లభిస్తుందనే ఆశలు పెరిగాయి. టేవోల్డేకు ఎయిర్‌లైన్ ఆపరేషన్స్, విస్తరణ, మెరుగైన కస్టమర్ సర్వీస్ రంగాల్లో మంచి అనుభవం ఉంది.

Ethiopian Airlinesకు లాభాలు తెచ్చిన అనుభవంAir India ప్రకారం టెవోల్డే గెబ్రేమరియం గతంలో Ethiopian Airlinesకు అధిపతిగా వ్యవహరించారు. ఆయన పదవీకాలంలో ఎయిర్‌లైన్ వేగంగా విస్తరించడంతో పాటు సంస్థ లాభాలు పెరిగాయి. అలాగే ప్రపంచ స్థాయిలో ఎయిర్ లైన్స్ తన గుర్తింపును ఏర్పరుచుకుంది. అందువల్ల ఇప్పుడు Air India కూడా టేవోల్డే మెరుగైన ఫలితాలు అందిస్తారని భారీగా ఆశలే పెట్టుకుంది. సంస్థ సేవలు వేగంగా విస్తరింపజేస్తారని భావిస్తోంది. 

Air India ఈ సమయంలో తన వ్యాపారాన్ని బలోపేతం చేయడంతో పాటు, ప్రపంచంలోని ప్రముఖ ఎయిర్‌లైన్ బ్రాండ్లలో చేరే దిశగా పనిచేస్తోంది. అందువల్ల టేవోల్డే గెబ్రేమరియం నియామకాన్ని ఒక కీలక అడుగుగా భావిస్తున్నారు.

ఎవరి స్థానంలో టేవోల్డే బాధ్యతలు తీసుకుంటున్నారు Air Indiaలో Campbell Wilson స్థానంలో టెవోల్డే గెబ్రేమరియం బాధ్యతలు చేపట్టనున్నారు. Campbell Wilson జూలై 2022 నుంచి Air Indiaతో అనుబంధం కలిగి ఉన్నారు. ఈ ఏడాది ఏప్రిల్ 2026లో ఆయన రాజీనామా చేయడం తెలిసిందే. Tata Groupకు చెందిన ఈ ఎయిర్‌లైన్ ప్రస్తుతం భారీ నష్టాలను ఎదుర్కొంటోంది.

ముఖ్యంగా 2025లో జరిగిన విమాన ప్రమాదం తర్వాత ఎయిర్‌లైన్‌పై ప్రభుత్వ, నియంత్రణ సంస్థల విచారణలు పెరిగాయి. అదనంగా, Middle Eastలో కొనసాగుతున్న సంఘర్షణల కారణంగా కూడా విమానాల ఆపరేషన్లలో పలు ఇబ్బందులు వచ్చాయి. ఈ సమస్యల వల్ల ఎయిర్‌లైన్ ఖర్చులు సైతం పెరిగాయి. మరోవైపు, Pakistan తమ airspaceపై విధించిన ఆంక్షలు కూడా సంస్థ కష్టాలను మరింత పెంచాయి. ఇవి ఎయిరిండియా ఎయిర్‌లైన్ వ్యాపారం, లాభాలపై ప్రతికూల ప్రభావం చూపాయి. అందువల్ల ఇప్పుడు అందరి దృష్టి కొత్త సీఈవో, ఎండీగా బాధ్యతలు చేపట్టనున్న  టెవోల్డే గెబ్రేమరియంపైనే ఉంది.