Upcoming Tata Electric Cars: అదిరిపో ఫీచర్లు, సూపర్ స్టైలిష్ లుక్, టాటా మోటార్స్ నుంచి రాబోతున్న 5 ఎలక్ట్రిక్ కార్లు ఇవే!

ఎలక్ట్రిక్ కార్ల రంగంలో టాటా మోటార్స్ దూకుడు ప్రదర్శిస్తోంది. ఇప్పటికే మూడు ఎలక్ట్రిక్ కార్లను అందుబాటులోకి తెచ్చిన కంపెనీ, త్వరలో మరో ఐదు ఎలక్ట్రిక్ వాహనాలను విడుదల చేయబోతోంది.

భారత్ లో ఎలక్ట్రిక్ కార్ల వినియోగం భారీగా పెరుగుతోంది. వినియోగదారులు ఎలక్ట్రిక్ కార్ల వైపు ఎక్కువగా మొగ్గు చూపడంతో ఆయా కార్ల తయారీ సంస్థలు ఎక్కువగా ఈవీల తయారీపై ఫోకస్ పెడుతున్నాయి. దేశీయ దిగ్గజ వాహన తయారీ సంస్థ టాటా మోటార్స్ సైతం ఎలక్ట్రిక్ వాహనాల తయారీలో దూకుడును ప్రదర్శిస్తోంది. భారత మార్కెట్లో ఇప్పటికే మూడు ఎలక్ట్రిక్ కార్లను విడుదల చేసింది.  టాటా టిగోర్ EV, టాటా టియాగో EV,. టాటా నెక్సాన్ EV మంచి ఆదరణ దక్కించుకుంటున్నాయి. త్వరలో భారతీయ మార్కెట్లో ఐదు కొత్త ఎలక్ట్రిక్ కార్లను విడుదల చేయడానికి సిద్ధంగా ఉంది.

టాటా మోటార్స్ నుంచి రాబోయే టాప్ 5 ఎలక్ట్రిక్ కార్లు

1.టాటా సియెర్రా EV

టాటా సియెర్రా ఎలక్ట్రిక్ కార్ కాన్సెప్ట్ ఆటో ఎక్స్‌ పో 2020లో ప్రదర్శించబడింది. ఈ కారు కొత్త సిగ్మా ఆర్కిటెక్చర్ ప్రకారం రూపొందుతోంది. అంతేకాదు,  వేర్వేరు వెర్షన్లలో విడుదల చేయబడుతుందని భావిస్తున్నారు. అందులో ఒకటి ఫ్రంట్-వీల్ డ్రైవ్ కాగా, మరొకటి ఆల్-వీల్ డ్రైవ్.  ఇది స్కోడా కుషాక్, హ్యుందాయ్ క్రెటా కంటే చిన్నదిగా ఉంటుంది. . టాటా సియెర్రా EV వెనుక లగేజీ కంపార్ట్‌ మెంట్, విశాలమైన ఇంటీరియర్, సొగసైన షైనింగ్, పనోరమిక్ సన్‌రూఫ్ కలిగి ఉంటుంది. Tata Sierra EV ధర రూ. 25 లక్షలుగా కంపెనీ నిర్ణయించింది. ఇది డిసెంబర్ 2025 నాటికి ప్రారంభించబడుతుందని భావిస్తున్నారు.

2.టాటా అవిన్య EV

టాటా అవిన్య EV అనేది టాటా ప్యాసింజర్ ఎలక్ట్రిక్ మొబిలిటీ నుంచి వచ్చే నెక్ట్స్ జెనెరేషన్ ఎలక్ట్రిక్ కారు. ఇది GEN 3 ఆర్కిటెక్చర్ ప్రకారం తయారు చేయబడుతోంది. ఈ కారు చాలా విలాసవంతంగా ఉంటుంది.   ఈ EVలో అందించబడిన బ్యాటరీ అల్ట్రా-ఫాస్ట్ ఛార్జింగ్ ఫీచర్‌ను అందిస్తుంది. దాదాపు 30 నిమిషాల్లో కనీసం 500 కి.మీ పరిధిని అందిస్తుంది. ఈ ఎలక్ట్రిక్ కారు లాంచ్ ఏప్రిల్ 29, 2022 నాగు ముంబైలో జరిగింది. Tata Avinya EV ధర రూ. రూ. 30 లక్షలు. ఇది ఫిబ్రవరి 2025 నాటికి ప్రారంభించబడుతుందని భావిస్తున్నారు.

3.టాటా హారియర్ EV

టాటా హారియర్ EV ఒమేగా ఆర్కిటెక్చర్,  జెన్ 2 ఆర్కిటెక్చర్ ప్రకారం తయారు చేయబడుతోంది.  టాటా మోటార్స్ నుంచి రాబోయే ఎలక్ట్రిక్ వాహనంలో ఆధునిక లైటింగ్ సిస్టమ్, డిజిటల్ డిస్‌ప్లే, పనోరమిక్ సన్‌రూఫ్, ADAS,  AWD టెక్నాలజీ సహా అనేక ఇతర ఫీచర్లు ఉంటాయి. DRLలు ఎమోటివ్ లైటింగ్‌ను కలిగి ఉంటాయి. టాటా హారియర్ EV ధర సుమారు రూ. 30 లక్షలు. దీనిని ఏప్రిల్ 2025లో విడుదల చేయనున్నారు.

4.టాటా పంచ్ EV

టాటా పంచ్ EV నెక్సాన్ EV మ్యాక్స్ నుంచి తీసుకోబడిన ఎలక్ట్రానిక్ పార్కింగ్ బ్రేక్,  డ్రైవ్ సెలెక్టర్‌ను కలిగి ఉంటుంది. ఇది 30.2 kWh లిథియం-అయాన్ బ్యాటరీ,  Ziptron EV పవర్‌ట్రెయిన్ ఎలక్ట్రిక్ మిల్ ను కలిగి ఉంటుందని భావిస్తున్నారు. టాటా పంచ్ EV దాదాపుగా టాటా టిగోర్ EVకి సమానమైన లక్షణాలను కలిగి ఉంటుంది.  వాహనం 10.25-అంగుళాల టచ్‌స్క్రీన్‌ను కలిగి ఉంటుంది. మోటారు, బ్యాటరీ 100 Nm టార్క్‌ను ఉపయోగించుకుంటాయి. టాటా పంచ్ EV  హై వేరియంట్ ప్రతి ఛార్జ్‌పై 300+ కిలోమీటర్ల పరిధిని అందిస్తుంది. లోరేంజ్ వేరియంట్ 200-250 కిమీ పరిధిని కలిగి ఉంటుంది. దీని ధర రూ.10-12 లక్షలు ఉంటుంది. ఇది 2023 చివరి నాటికి ప్రారంభించబడుతుందని భావిస్తున్నారు.

5.టాటా నానో EV

టాటా మోటార్స్ చౌకైన కారు టాటా నానో, ఈవీలోనూ రాబోతోంది.  ఇది 17-kWh లిథియం-అయాన్ బ్యాటరీతో వస్తుంది. టాటా నానో EV ఒక మోటారు 27 hp, గరిష్టంగా 68 Nm అవుట్‌ పుట్ టార్క్‌ను కలిగి ఉంటుంది. రాబోయే టాటా నానో EV  పరిధి ఒక్కో ఛార్జీకి 120–140 కి.మీ ఉంటుంది. గరిష్ట వేగం గంటకు 80 కి.మీ. ఎలక్ట్రిక్ కారులో రీజెనరేటివ్ బ్రేకింగ్ వంటి ఇతర ఫీచర్లు ఉన్నాయి. సాధారణ హోమ్ ఛార్జర్‌తో, పూర్తిగా ఛార్జ్ కావడానికి 7.5 గంటలు పడుతుంది. మరియు, ఫాస్ట్ ఛార్జర్‌తో, ఇది 75 నిమిషాల్లో 0 నుండి 80% వరకు ఛార్జ్ చేయబడుతుంది.  టాటా నానో EV ధర సుమారు రూ.5 నుంచి8 లక్షలు ఉండవచ్చు.  ఇది 2024 నాటికి ప్రారంభించబడుతుందని భావిస్తున్నారు.