Tata Tiago Facelift: భారతీయ ఆటోమొబైల్ రంగంలో టాటా మోటార్స్ సృష్టించిన సంచలనం అంతా ఇంతా కాదు. ఇటీవల హ్యుందాయ్ మోటార్ ఇండియాను వెనక్కి నెట్టి, భారత్లో రెండో అతి పెద్ద కార్ల తయారీ సంస్థగా టాటా మోటార్స్ అవతరించింది. ఈ స్థానాన్ని సుస్థిరం చేసుకోవడంతోపాటు, వినియోగదారులకు మరింత చేరువయ్యేందుకు సంస్థ వరుసగా కొత్తగా మోడళ్లను, అప్డేటెడ్ వెర్షన్లను ప్రవేశపెడుతోంది. ఇందులో భాగంగా టాటా నుంచి వస్తున్న అత్యంత సరసమైన హ్యాచ్బ్యాక్ టియాగో ఇప్పుడు సరికొత్త ఫేస్లిఫ్ట్ రూపంలో అలరించేందుకు సిద్ధమైంది.
ప్రస్తుతం భారత్ హ్యాచ్బ్యాక్ మార్కెట్లో పోటీ తీవ్రంగా ఉంది. మారుతి సుజుకి వాగన్ ఆర్, హ్యుందాయ్ గ్రాండ్ ఐ10 నియోస్, సిట్రోయెన్ సీ3, మారుతి సుజుకి స్విఫ్ట్ వంటి దిగ్గజ మోడళ్లతో టియాగో పోటీ పడుతోంది. ఇప్పటికే మంచి అమ్మకాలతో దూసుకుపోతున్న టియాగోు మరింత ఊపునివ్వడానికి, మారుతున్న వినియోగదారుల అభిరుచులకు అనుగుణంగా దీనిని అప్డేట్ చేయాలని ాటా మోటార్స్ నిర్ణయించింది. డిజిటల్ ఫీచర్లు, ప్రీమియం లుక్ కోరుకునే నేటి తరం కస్టమ్లకు ఆకర్షించడమే ఈ ఫేస్లిఫ్ట్ ప్రధాన ఉద్దేశం.
టాటా టియాగో ఫేస్లిఫ్ట్ లాంచ్ ఎప్పుడు
తాజా సమాచారం ప్రకారం, సరికొత్త టాటా టియాగో ఫేస్లిఫ్ట్ మే 28న అధికారికంగా మార్కెట్లోకి అడుగు పెట్టే అవకాశం ఉంది. ఈ లాంచ్తో హ్యాచ్బ్యాక్ విభాగంలో టాటా తన పట్టును మరింత పెంచుకోవాలని భావిస్తోంది.
Also Read:కుటుంబ ప్రయాణాలకు అనువైన టాప్ ఎంపీవీలు ఇవే! ధర, ఫీచర్స్ ఇతర వివరాలు తెలుసుకోండి!
టాటా టియాగో ఫేస్లిఫ్ట్లో వస్తున్న మార్పులేంటీ?
టియాగో ఫేస్లిఫ్ట్ కేవలం పైపై మెరుగులు మాత్రమే కాకుండా, లోపల, బయట గణనీయమైన మార్పులతో వస్తోంది. కొత్త టియాగో మునుపటి కంటే మరింత ఆధునికంగా, షార్ప్గా కనిపిస్తోంది. ముందు భాగంలోని సన్నని గ్రిల్, రీడిజైన్ చేసిన హెడ్ ల్యాంప్స్ ఉంటాయని అంచనా ఉంది. అగ్రెసివ్, స్పోర్టీ లుక్ కోసం కొత్త ప్రంట్ బంపర్ను అమర్చారు. సైడ్ ప్రొఫైల్లో ప్రధానంగా మల్టీ స్పోక్, కాంప్లెక్స్ డిజైన్తో కూడిన కొత్త అల్లాయ్ వీల్స్ ప్రత్యేక ఆకర్షణగా నిలుస్తాయి. వెనుకవైపు ఎల్ఈడీ టెయిల్ ల్యాంప్స్, ఫ్లాట్ డిజైన్తో కూడిన అగ్రెసివ్ రియర్ బంపర్ ఉండబోతున్నాయి.
Also Read:పోర్షే నుంచి లంబోర్ఘిని వరకు... ఎన్టీఆర్ గ్యారేజీలో కార్ కలెక్షన్, ఆయన టోటల్ నెట్ వర్త్ తెలుసా?
ఇంటీరియర్, టెక్నాలజీలో వస్తున్న మార్పులు
క్యాబిన్ లోపల 10.25 అంగుళాల భారీ టచ్స్క్రీన్ ఇన్ఫోటైన్మెంట్ సిస్టమ్ ప్రధాన హైలైట్. ఇది వైర్లెస్ ఆండ్రాయిడ్ ఆటో, ఆపిల్ కార్ప్లేను సపోర్ట్ చేస్తుంది. డ్రైవర్ కోసం పూర్తిగా డిజిటల్్ ఇన్స్ట్రుమెంట్ క్లస్టర్ను కేటాయించారు. గ్లోస్ బ్లాక్ ఫినిషింగ్తో కూడిన సెంటర్ కన్సోల్, టచ్ ఆధారిత క్లైమేట్ కంట్రోల్ బటన్లు, యాంబియంట్ లైటింగ్, మెరుగైన సౌండ్ సిస్టమ్ వంటివి కూడా ఉండనున్నాయి. ఇందులో 360 డిగ్రీల కెమెరా ఫీచర్ కూడా వచ్చే అవకాశం ఉంది. ఇది ఈ విభాగంలోనే ప్రత్యేకంగా నిలుస్తుంది.
Also Read:పెట్రోల్ వర్సెస్ ఎలక్ట్రిక్ బైక్స్: వాహనదారులకు ఏది బెస్ట్ ఆప్షన్?
ఇంజిన్ పని తీరు సంగతేంటీ?
ఇది కేవలం మిడ్ లైఫ్ రిఫ్రెష్ మాత్రమే కావడంతో, ప్రస్తుతం ఉన్న ఇంజిన్ ఆప్షన్లనే కొనసాగించే అవకాశం ఉంది. 1.2 లీటర్ రెవోట్రాన పెట్రోల్ ఇంజిన్, ఇది 86 పీస్ పవర్, 113Nm టార్క్ ఉత్పత్తి చేస్తుంది. ీనికి 5 స్పీడ్ మాన్యువల్, ఏఎంటీ గేర్బాక్స్ ఆప్షన్లు ఉంటాయి.
Also Read:10 లక్షల బడ్జెట్తో లభించే అత్యుత్తమ కార్లు! ఫీచర్లు, మైలేజీ వివరాలు ఇవే!
ఐసీఈ వెర్షన్లతోపాటు టాటా టియాగో.ఈవీ ఫేస్లిఫ్ట్ను కూడా త్వరలో రానుంది. ఇప్పుడు ఉన్న సమాచారం ప్రకారం చిన్న 19 kWh బ్యాటరీని నిలివేసి, 24 kWh ని స్టాండర్డ్ చేసే అవకాశం ఉంది. అంతేకాకుండా, కొత్తగా 30kWh బ్యాటరీ ప్యాక్ను ప్రవేశపెట్టవచ్చు. ఇది ఒకసారి ఛార్జ్ చేస్తే 366కిలోమీటర్ల రేంజ్ ఇస్తుందని అంచనా ఉంది. ఇది 50kW కంటే ఎక్కువ వేగంతో కూడిన డీసీ ఫాస్ట్ ఛార్జింగ్ను సపోర్ట్ చేసే అవకాశం ఉంది.
Also Read:Electric Bike లో క్లచ్ పనితీరు ఏంటీ? Honda కొత్త EVలో ఫేక్ క్లచ్ ఇవ్వడానికి కారణమిదే
టాటా టియాగో ఫేస్లిఫ్ట్ ద్వారా సంస్థ తన అమ్మకాలను మరింత పెంచుకోవాలని చూస్తోంది. అత్యాధునిక ఫీచర్లు, ధృడమైన భద్రత, ఆకర్షణీయమైన డిజైన్తో వస్తున్న ఈ కారు, బడ్జెట్ ధరలో ప్రీమియం అనుభూతిని కోరుకునే భారతీయ వినియోగదారులకు కచ్చితంగా ఒక అద్భుతమైన ఎంపిక కానుంది.