Tata cars price hike: దేశీయ కార్ల తయారీ సంస్థ టాటా మోటార్స్, కన కస్టమర్లకు షాకిచ్చింది. మారుతి సుజుకి & హ్యుందాయ్ ఇప్పటికే ధరల పెంపును ప్రకటించగా.. ఇప్పుడు అదే బాటలో టాటా మోటార్స్ కూడా నడిచింది. సెప్టెంబర్ 1, 2026 నుంచి కొన్ని మోడళ్ల రేట్లు పెంచుతున్నట్లు ప్రకటించింది.
టాటా కార్ల ధరలు గరిష్ఠంగా రూ.25,000 వరకు పెరగనున్నాయి. అయితే ప్రతి మోడల్పై ఒకే స్థాయిలో ధరల పెంపు ఉండదు. ఏ మోడల్ ధర ఎంత పెరుగుతుందనే వివరాలను కంపెనీ ఇంకా వెల్లడించలేదు.
ద్రవ్యోల్బణ ఒత్తిళ్లు & ఉత్పత్తి వ్యయాల పెరుగుదలను ధరల పెంపునకు ప్రధాన కారణాలుగా టాటా మోటార్స్ పేర్కొంది. పెరుగుతున్న వ్యయాలను కొంతకాలంగా కంపెనీయే భరిస్తూ వస్తోందని, ఇదే పరిస్థితి కొనసాగితే సంస్థ లాభాలపై ప్రభావం పడే అవకాశం ఉందని తెలిపింది.
ఎలక్ట్రిక్ వాహనాల తయారీలో కీలకమైన బ్యాటరీల ధరలు కూడా పెరిగాయి. గత కొన్ని నెలల్లో బ్యాటరీల తయారీ వ్యయం దాదాపు 10 శాతం పెరిగినట్లు కంపెనీ తెలిపింది. దీంతో ఎలక్ట్రిక్ కార్ల ధరలపై కూడా ఒత్తిడి పెరిగింది.
విదేశీ మారకపు విలువల్లో మార్పులు కూడా టాటా మోటార్స్పై ప్రభావం చూపుతున్నాయి. అంతేకాకుండా ఉద్యోగ వలసల ఖర్చులు కూడా పెరిగినట్లు కంపెనీ పేర్కొంది. ఈ అంశాలన్నింటినీ పరిగణనలోకి తీసుకుని ధరలను పెంచాలని టాటా మోటార్స్ నిర్ణయించింది.
ఇది కూడా చదవండి: 8 స్పీడ్ AT నుంచి సీట్ మసాజర్ వరకు.. కొత్త స్కోడా స్లావియాలో వచ్చిన ఇంప్రూవ్మెంట్స్ ఇవే
ఈ ధరల పెంపు టాటా మోటార్స్ విక్రయిస్తున్న పెట్రోల్, డీజిల్ కార్లతో పాటు EV మోడళ్లపైనా ప్రభావం చూపనుంది. దాదాపుగా అన్ని మోడళ్ల SUVల ధరలు పెరిగే అవకాశం ఉంది.
ఆగస్టు 21, 2026 నాటికి ఉన్న ధరలు ఇవి:
| మోడల్ | ధర (రూ.లక్షల్లో) |
| Tiago | 4.70-8.55 |
| Tiago EV | 6.99-9.99 |
| Tigor | 5.55-8.84 |
| Tigor EV | 12.49-13.75 |
| Altroz | 6.30-10.77 |
| Punch | 5.70-10.67 |
| Punch EV | 9.69-12.79 |
| Nexon | 7.40-14.10 |
| Nexon EV | 12.49-17.49 |
| Curvv | 9.76-18.96 |
| Curvv EV | 16.99-21.99 |
| Sierra | 11.49-21.29 |
| Sierra EV | 18.79-25.99 |
| Harrier | 13.00-25.40 |
| Harrier EV | 21.69-29.19 |
| Safari | 13.40-26.15 |
ఇది కూడా చదవండి: మారుతి బలెనో ఫేస్లిఫ్ట్ వచ్చేస్తోంది.. ధర పెరిగినా ఫీచర్లలో మాత్రం అదిరిపోయే అప్డేట్స్!
కారు కొనాలని భావిస్తున్నవాళ్లు సెప్టెంబర్ ధరల పెంపును దృష్టిలో పెట్టుకోవాలి. ధరలు పెరగకముందే బుక్ చేసుకుంటే కొంత మొత్తాన్ని ఆదా చేసే అవకాశం ఉంటుంది. తుది ధరలు మోడల్, వేరియంట్ ఆధారంగా మారే అవకాశం ఉంది.
ఇంకా ఇలాంటి ఆటోమొబైల్ వార్తలు & అప్డేట్స్ కోసం "ABP దేశం" 'ఆటో' సెక్షన్ని ఫాలో అవ్వండి.