Renault Kwid EMI Calculator: భారత ఆటో మార్కెట్లో బడ్జెట్ కార్లకు ప్రత్యేకమైన డిమాండ్ ఉంటుంది. ఎందుకంటే, ప్రజలు ఇప్పటికీ తక్కువ బడ్జెట్లో లభించే ఒక మంచి కారు కోసం చూస్తుంటారు. అలాంటి వారి కోసమే రెనాల్ట్ క్విడ్ కారు రూపొందించారు. ప్రస్తుతం మార్కెట్లో క్విడ్ డిమాండ్ పెరుగుతోంది. SUV తరహా స్పోర్టీ డిజైన్, అద్భుతమైన గ్రౌండ్ క్లియరెన్స్ సహా అడ్వాన్స్డ్ ఫీచర్ల కారణంగా ఈ కారు కస్టమర్లలో ప్రజాదరణ పొందింది.
కారు కొనుగోలు చేసేటప్పుడు చాలామంది ఎక్స్-షోరూమ్ ధరను మాత్రమే చూస్తారు. అసలు లెక్క ఆన్-రోడ్ ధరతో పాటు డౌన్ పేమెంట్, ప్రతి నెలా చెల్లించే EMI లపై ఆధారపడి ఉంటుంది. మీరు ఒకేసారి పూర్తిగా మనీ చెల్లించకుండా లోన్ ద్వారా కారును తీసుకోవాలనుకుంటే, సరియైన బడ్జెట్ ప్లానింగ్ అవసరం. క్విడ్ బేస్ మోడల్ కొనుగోలు చేయడానికి ఎంత డబ్బు చెల్లించాలి, ప్రతి నెలా ఈఎంఐ చెల్లింపు వివరాలు అర్థం చేసుకుందాం.
రెనో క్విడ్ ఆన్-రోడ్ ధర ఎంత
రెనాల్ట్ క్విడ్ బేస్ వేరియంట్ హైదరాబాద్లో ప్రారంభ ఎక్స్-షోరూమ్ ధర దాదాపు రూ. 4.53 లక్షల నుండి ప్రారంభమవుతుంది. దీనికి రోడ్ టాక్స్, ఇన్సూరెన్స్,ఇతర ఛార్జీలు, వివిధ రాష్ట్రాలను బట్టి దీని ఆన్-రోడ్ ధర దాదాపు రూ. 5.41 లక్షల వరకు ఉంటుంది. ఉదాహరణకు, మీ కారు మొత్తం ఆన్-రోడ్ ధర రూ. 5.41 లక్షలు అనుకుందాం.
మీరు దాదాపు రూ. 1.33 లక్షలు డౌన్ పేమెంట్గా చెల్లిస్తే, మిగిలిన దాదాపు రూ. 4 లక్షలకు కారు లోన్ తీసుకోవాల్సి ఉంటుంది. ఒకవేళ మీరు డౌన్ పేమెంట్ మొత్తాన్ని మరికొంత పెంచితే, ఈఎమ్ఐ భారం ఇంకా తగ్గుతుంది.
Also Read: కారును మీ ఇష్టం వచ్చినచోట పార్క్ చేస్తే ఇన్సూరెన్స్ రాదు! ఈ నిబంధనలు తెలుసుకోండి
నెలవారీ EMI ఎంత అవుతుంది?
మీరు తీసుకునే రూ. 4 లక్షల కారు లోన్ను 5 సంవత్సరాల వ్యవధికి, బ్యాంక్ 10% వడ్డీ రేటుతో ఇస్తే.. ఈ లెక్కన మీరు ప్రతి నెలా దాదాపు రూ. 8,660 ఈఎమ్ఐ చెల్లించాల్సి ఉంటుంది.
ఈ 5 సంవత్సరాలలో మీరు బ్యాంకుకు వడ్డీ రూపంలో మొత్తం దాదాపు లక్ష వరకు చెల్లిస్తారు. తమ లోన్ను త్వరగా పూర్తి చేసి, బ్యాంకుకు తక్కువ వడ్డీ చెల్లించాలనుకునే వారికి ఈ ఆప్షన్ సరిపోతుంది. మీ నెలవారీ ఆదాయం అధికంగా ఉంటే 5 సంవత్సరాల లోన్ టర్మ్ ఎంచుకోవడం మంచిది.
7 సంవత్సరాలకు ఈఎమ్ఐ ఎంత?
మీరు ప్రతి నెలా బడ్జెట్ను మరీ టైట్ చేసుకోకుండా ఇంకా చౌకగా మార్చుకోవాలనుకుంటే, 7 సంవత్సరాలకు లోన్ తీసుకోవాలి. రూ. 4.60 లక్షల లోన్పై 9 శాతం వడ్డీ రేటు చొప్పున 7 సంవత్సరాలు నెలవారీ ఈఎమ్ఐ కేవలం రూ. 7,400 అవుతుంది. నెలవారీ వాయిదా చిన్నదైనప్పటికీ, సుదీర్ఘకాలంలో మీరు కాస్త ఎక్కువ వడ్డీ చెల్లించాల్సి వస్తుందని గ్రహించాలి.
ఈ విషయాలు గుర్తుంచుకోండి
రెనో క్విడ్ను ఈఎమ్ఐపై ఇంటికి తీసుకోవడానికి ముందు కొన్ని విషయాలను చెక్ చేయాలి. ఎక్స్షోరూమ్ ధర, ఆన్ రోడ్ ధర ఒకటి కాదు. ఆన్ రోడ్ ధరతో పాటు వివిధ బ్యాంకుల వడ్డీ రేట్లు, ప్రాసెసింగ్ ఫీజులు కంపేర్ చేసుకోవాలి. మంచి సిబిల్ (CIBIL) స్కోర్ ఉన్నవారికి బ్యాంకులు తక్కువ వడ్డీకే లోన్ అందిస్తాయి.
Also Read: యూత్ కోసం కొత్త 4V ఇంజిన్తో వచ్చిన Bajaj Pulsar N160.. ఏ వేరియంట్ కొనాలి?
మీ డీలర్షిప్ వద్ద ఉన్న డిస్కౌంట్లు, పండుగ ఆఫర్లు లేదా ఎక్స్ఛేంజ్ బోనస్ల గురించి తెలుసుకోవాలి. కొన్నిసార్లు ఈ ఆఫర్ల వల్ల ఆన్-రోడ్ ధర మరో రూ. 15,000 నుండి 20,000 వరకు తగ్గవచ్చు.