Mahindra Discount Offers: మహీంద్రా & మహీంద్రా ఈ నెలలో తన ఎస్‌యూవీలపై గొప్ప తగ్గింపులను అందిస్తోంది. ఇందులో మహీంద్రా థార్, స్కార్పియో ఎన్, స్కార్పియో క్లాసిక్, ఎక్స్‌యూవీ700 వంటి ఎస్‌యూవీలు ఉన్నాయి. కంపెనీ ఏ కారును ఎంత తగ్గింపుతో విక్రయిస్తుందో ఇప్పుడు తెలుసుకుందాం. ఈ కార్లపై రూ.లక్షకు పైగా తగ్గింపు అందిస్తుంది. ఏ ఎస్‌యూవీపై ఎంత డిస్కౌంట్ ఇస్తున్నారో ఇప్పుడు తెలుసుకుందాం.
మహీంద్రా థార్ (Mahindra Thar)
ముందుగా మహీంద్రా థార్ గురించి మాట్లాడుకుందాం. దీని ఆర్‌డబ్ల్యూడీ పెట్రోల్ (ఆటోమేటిక్) వేరియంట్‌పై రూ.లక్ష తగ్గింపు, డీజిల్ (మాన్యువల్) వేరియంట్‌పై రూ.50 వేల వరకు తగ్గింపు లభిస్తుంది. థార్ ఎక్స్ షోరూం ధర రూ. 13.58 లక్షల నుంచి ప్రారంభం కానుంది. దీంతో పాటు టాప్ వేరియంట్ ధర రూ. 21 లక్షలుగా ఉంది.
మహీంద్రా ఎక్స్‌యూవీ400 ఈవీ (Mahindra XUV400 EV)
మహీంద్రా ఎక్స్‌యూవీ400 ఈవీ గురించి చెప్పాలంటే... ఈ ఎలక్ట్రిక్ వాహనంపై కంపెనీ రూ. మూడు లక్షల తగ్గింపును అందిస్తుంది. మీరు ఈ ఆఫర్‌ను క్యాష్ డిస్కౌంట్, ఎక్స్ఛేంజ్ బోనస్ రూపంలో పొందవచ్చు. మీరు ఈ ఈవీని రూ. 15.49 లక్షలకు కొనుగోలు చేయవచ్చు.
Also Read: టాటా అల్ట్రోజ్ రేసర్‌పై భారీ డిస్కౌంట్ - ఎంత తగ్గుతుందో తెలుసా?
మహీంద్రా స్కార్పియో క్లాసిక్ (Mahindra Scorpio Classic)
స్కార్పియో క్లాసిక్ బేస్ వేరియంట్ ఎస్‌పై రూ. లక్ష వరకు తగ్గింపు అందిస్తున్నారు. ఇది కాకుండా దాని టాప్ వేరియంట్ ఎస్11 పై రూ. 50,000 వరకు తగ్గింపు అందిస్తున్నారు. 20,000 విలువైన ఉచిత యాక్సెసరీస్ కూడా ఈ తగ్గింపులో చేరాయి. స్కార్పియో క్లాసిక్ ఎక్స్ షోరూమ్ ధర రూ.13.62 లక్షల నుంచి రూ.17.42 లక్షల మధ్య ఉంది.
మహీంద్రా స్కార్పియో ఎన్ (Mahindra Scorpio N)
మహీంద్రా స్కార్పియో ఎన్ ఎస్‌యూవీపై రూ. 50,000 వరకు నగదు తగ్గింపు ఇస్తున్నారు. దీని ప్రారంభ ఎక్స్ షోరూం ధర రూ. 13.85 లక్షలుగా ఉంది.
Also Read: మాకు సీఎన్‌జీ కార్లే కావాలంటున్న ప్రజలు - భారీగా పెరుగుతున్న డిమాండ్!