India Top Selling SUVs Tata Punch EMI: భారత్లో వాహన వినియోగదారుల అభిరుచి మారుతోంది. ఒకప్పుడు హ్యాచ్బ్యాక్ కార్లకు పెట్టింది పేరైన మన దేశంలో ఇప్పుడు చిన్న క్రాస్ఓవర్లు, రైజ్ హ్యాచ్బ్యాక్లు, కంపాక్ట్ ఎస్యూవీల డిమాండ్ విపరీతంగా పెరిగింది. ముఖ్యంగా ప్రపంచవ్యాప్తంగా అరుదుగా కనిపించే సబ్4 మీటర్ విభాగంలో భారత్లో అత్యంత పోటీతత్వంతో కూడిన రంగంగా మారింది. దాదాపు ప్రతి వాహన తయారీ సంస్థ ఈ విభాగంలో కనీసం ఒక మోడ్ అయినా రిలీజ్ చేస్తోంది. ఏప్రిల్ నెల అమ్మకాలు పరిశీలిస్తే భారతీయ వినియోగదారులు ఏ కార్లను ఎక్కువగా ఇష్టపడుతున్నారో అర్థమవుతుంది.
నంబర్ వన్ స్థానంలో పంచ్
గత నెలలో టాటా మోటార్స్ తన పంచ్ పవర్ను చూపించింది. టాటా పంచ్ మోడ్తో సరికొత్త రికార్డు సృష్టించింది. ఏప్రిల్లో మొత్తం 19,107 యూనిట్లను విక్రయించి, దేశంలోనే అత్యధికంగా అమ్ముడైన ఎస్యూవీగా ఉంది. ఈ ఏడాది ప్రారంభంలో టాటా పంచ్ను అప్డేట్ చేయడం ఆ సంస్థకు బాగా కలిసి వచ్చింది. టర్బో పెట్రోల్ ఇంజిన్ అందుబాటులోకి తీసుకురావడంతో వినియోగదారులు ఎగబడ్డారు. పంచ్ ఇప్పుడు మాన్యువల్, ఏఎంటీ గేర్ బాక్స్ ఆప్షన్స్తోపాటు, పెట్రోల్, సీఎన్జీ ఎలక్ట్రిక్ వేరియంట్లలో లభిస్తోంది.
పంచ్కు పోటీ ఇస్తున్న ప్రత్యర్థులు
దేశంలోనే అతి పెద్ద కార్ల తయారీ సంస్థ మారుతి సుజుకి, తన ఫ్రాంక్స్ మోడల్తో టాటా పంచ్కు గట్టి పోటీ ఇస్తుంది. ఏప్రిల్లో ఈ కారు 18,829 యూనిట్ల విక్రయాలతో ఇది రెండో స్థానంలో ఉంది. బలేనో ప్లాట్ ఫామ్పై ఆధారపడి ఫ్రాంక్స్, మారుతి లైన్లో టర్బో- పెట్రోల్ ఇంజిన్ను ఆఫర్ చేస్తున్న ఏకైక మోడల్ కావడంతో కొనుగోలు సంఖ్య పెరిగింది.
మూడో స్థానంలో టాటా నెక్సాన్ ఉంది. ఇది 18,126 యూనిట్లు అమ్ముడయ్యాయి. ఇది పెట్రోల్, డీజిల్, సీఎన్జీ, ఈవీ రూపాల్లో అందుబాటులో ఉంది. దీని తర్వాత హ్యుందాయ్ క్రెటా (15,291) మహీంద్రా స్కార్పియో(14,719),మారుతి బ్రెజ్జా(14,124), టయోటా విక్టోరిస్(13,701) హ్యుందాయ్ వెన్యూ(12, 420), కియా సెల్టోస్(10,566) కియా సోనెట్(10,537) గత నెలలో అమ్ముడయ్యాయి.
అమ్మకాల్లో టాప్లో ఉన్న పంచ్ ఈఎంఐ ఎంత?
టాటా పంచ్ పెట్రోల్ ఎంటీ వెహికల్ 6.85 లక్షల రూపాయల నుంచి ప్రారంభమవుతుంది. ఈ కారు మీరు కొనాలని అనుకుంటే మీరు మొత్తం అమౌంట్ను ఒకేసారి చెల్లించాల్సిన పని లేదు. ఒక లక్ష రూపాయలు డౌన్పేమెంట్ చెల్లించి మిగతా అమౌంట్ కోసం లోన్కు వెళ్లొచ్చు. అంటే ఐదు లక్షల 90 వేల రూపాయలను 9 శాతం వడ్డీతో ఏడేళ్ల కోసం లోన్ తీసుకుంటే మీరు నెలకు 9, 493 రూపాయలు చెల్లించాలి. అదే అమౌంట్ ఆరేళ్లకు తీసుకుంటే నెలకు 10, 635 రూపాయలు చెల్లించాలి. ఐదేళ్లకు తీసుకుంటే 12, 247 రూపాయలు నెల నెల బ్యాంకులో జమ చేయాలి. నాలుగేళ్లకు తీసుకుంటే 14, 682 రూపాయలు ఈఎంఐ చెల్లించాలి. మూడు సంవత్సరాల కోసం అప్పుగా తీసుకుంటే 18, 762 రూపాయలు చెల్లించాలి. రెండేళ్లకు తీసుకుంటే మీరు 26, 954 చెల్లించాలి.
ఈఎంఐ అనేది మీరు ఎంచుకున్న మోడల్, వేరియంట్ను బట్టి మారుతుంది. మీరు ఉండే రాష్ట్రంలో ఉన్న పన్నుల ఆధారంగా కూడా మారుతుంది. మీ సిబిల్ స్కోరు సరిగా ఉంటే తక్కువ వడ్డికే మీకు లోన్ లభిస్తుంది. అదే మీ సిబిల్ సరిగా లేకపోతే ఎక్కువ వడ్డీ చెల్లించాల్సి ఉంటుంది.