Auto Start Stop Feature: ఆటోమొబైల్ పరిశ్రమ గణనీయంగా అభివృద్ధి చెందింది, మనం కార్లలో అనేక కొత్త ఫీచర్లు చూస్తున్నాం. కొత్త ఫీచర్ల గురించి చర్చిస్తున్నప్పుడు, ఈరోజు మనం కొత్త కార్లలోని ఒక ముఖ్యమైన ఫీచర్ అయిన ఆటో స్టార్ట్-స్టాప్ గురించి చర్చిద్దాం. మీరు ట్రాఫిక్ లైట్ వద్ద లేదా ట్రాఫిక్ జామ్లో ఆగినప్పుడు ఈ సిస్టమ్ ఇంజిన్ను ఆటోమేటిక్గా ఆపివేస్తుంది. మీరు క్లచ్ లేదా బ్రేక్ పై నుంచి మీ కాలు తీసిన వెంటనే, ఇంజిన్ మళ్లీ స్టార్ట్ అవుతుంది.
వాహనం నిరంతరం ఆన్, ఆఫ్ అవ్వడం చికాకుగా అనిపిస్తుంది. అందుకే చాలా మంది ఈ సరికొత్త ఫీచర్ను ఆఫ్ చేస్తున్నారు. కానీ ఈ చిన్న ఫీచర్ మీ నెలవారీ పెట్రోల్ బిల్లును ఎంత తగ్గించగలదో తెలిస్తే మాత్రం షాక్ అవుతారు. ఈ ఫీచర్తో మీరు ఎంత ఆదా చేయగలరో తెలుసుకుందాం.
ఇంకా ఎంత పెట్రోల్ మిగిలి ఉంది?
సొసైటీ ఆఫ్ ఆటోమోటివ్ ఇంజనీర్స్, పలువురు ప్రముఖ ఆటో నిపుణులు చేసిన పరీక్షల్లో, ఆటో స్టార్ట్-స్టాప్ ఫీచర్ వాహన మైలేజీని 5 నుంచి 10 శాతం వరకు మెరుగుపరుస్తుందని తేలింది. ముఖ్యంగా అధిక ట్రాఫిక్ ఉండే నగరాల్లో ఇది మరింత ఎక్కువగా ఉంటుందని తేలింది. ఎందుకంటే అక్కడ వాహనాలు తరచుగా ట్రాఫిక్ సిగ్నల్స్ వద్ద వద్ద 1 నుంచి 2 నిమిషాల పాటు ఆగుతూ ఉంటాయి.
Also Read: హీరో Xoom 110 ధర, వేరియంట్లు, ఫీచర్లు - కొనే ముందే తెలుసుకోవాల్సిన 6 ముఖ్యమైన విషయాలు
ఈ ఆదా 12 నుంచి 15 శాతం వరకు కూడా పెరగవచ్చు. మొత్తం మీద, ఈ ఫీచర్ మీ వాహనం స్థిరంగా ఉండి ఇంజిన్ ఆన్ టైంలో అయ్యే పెట్రోల్ వృథాను చాలా వరకు ఆదా చేస్తుంది.
ఎంత డబ్బు ఆదా అవుతుంది?
ఇప్పుడు, ఈ ఫీచర్ల వల్ల బడ్జెట్పై పడే ప్రభావాన్ని పరిశీలిద్దాం. ఉదాహరణకు, మీరు ప్రతిరోజూ రద్దీగా ఉండే ట్రాఫిక్ ప్రాంతంలో ఉద్యోగానికి లేదా వేరే పని మీద వెళ్తారని అనుకుంటే... మీ కారు నెలకు సుమారు 1,000 కిలోమీటర్లు ప్రయాణిస్తుందని అనుకుందాం. మీ కారు మైలేజ్ లీటరుకు 15 కిలోమీటర్లు అయితే, మీకు నెలకు సుమారు 66 లీటర్ల పెట్రోల్ అవసరం అవుతుంది.
Also Read: యమహా R2పై భారీ అంచనాలు, కేటీఎం RC 200కు కొత్త ఛాలెంజ్! - పవర్, ఫీచర్లు, ధర ఎలా ఉండొచ్చు?
హైదరాబాద్లో పెట్రోల్ ధర లీటరుకు సుమారు ₹110, కాబట్టి మీ నెలవారీ ఖర్చు ₹7,334 అవుతుంది. ఈ ఫీచర్ మీ పెట్రోల్లో కేవలం 8% ఆదా చేసినా, మీరు నెలకు సుమారు 5.3 లీటర్ల పెట్రోల్ను, లేదా నేరుగా ₹800 వరకు ఆదా చేస్తారు. అందుకే కొన్ని ఫీచర్స్ మనకు చిరాకు కలిగించిన అవి చేసే మేలు మాత్రం చాలా ఉంటుంది. సో ఇప్పుడు కచ్చితంగా మీ ఆటోమేటిక్ ఇంజిన్ ఆఫ్ ఫీచర్ను ఆఫ్ చేయొద్దు అని నిపుణులు సూచిస్తున్నారు. ఇది మీ జేబుకు మేలు చేయడమే కాకుండా పర్యావరణానికి కూడా మేలు చేస్తుందని అంటున్నారు.