అత్యంత ఖరీదైన బైకుల తయారీ సంస్థ హార్లీ డేవిడ్ సన్ నుంచి సరికొత్త బైక్ భారత మార్కెట్లో లాంచ్ అయ్యింది. హార్లీ డేవిడ్సన్ ఎక్స్440 పేరుతో ఈ నూతన బైక్ ను కంపెనీ ఆవిష్కరించింది. ఈ బైక్ ను హీరో మోటో కార్ప్ తో కలిసి హార్లీ డేవిడ్సన్ కంపెనీ రూపొందించింది. ఈ కొత్త బైక్ కు సంబంధించిన పూర్తి వివరాలను ఇప్పుడు తెలుసుకునే ప్రయత్నం చేద్దాం.
అత్యంత చౌకైన హార్లీ డేవిడ్ సన్ బైక్ ఇదే!
హార్లీ డేవిడ్ సన్ కంపెనీ నుంచి వస్తున్న అత్యంత చౌకైన బైక్ గా హార్లీ డేవిడ్ సన్ ఎక్స్ 400 గుర్తింపు పొందింది. ఈ మోడల్ ప్రారంభ ఎక్స్షోరూం ధర రూ.2.29 లక్షలుగా కంపెనీ నిర్ణయించింది. మేడ్ ఇన్ ఇండియా బైక్ గా రూపొందిన హార్లీ డేవిడ్ సన్ ఎక్స్ 400 బైక్ సేల్ మరికొద్ది రోజుల్లోనే ప్రారంభం అయ్యే అవకాశం ఉంది. ఈ ఎక్స్440 బైక్ కు సంబంధించిన ఫొటోలను కంపెనీ ఈ మధ్యే విడుదల చేసింది. రౌండ్ హెడ్ ల్యాంప్స్, సింగిల్ పాడ్ ఇన్స్ట్రుమెంట్ క్లస్టర్ ను కలిగి ఉన్నట్లు కనిపిస్తోంది. టియర్డ్రాప్ షేప్ ఫ్యూయెల్ ట్యాంక్, రౌండ్ ఇండికేటర్స్, సైడ్ స్లంగ్ ఎగ్సాస్ట్ బైక్కు మరింత అద్భుతమైన లుక్ అందిస్తున్నాయి.
హార్లీ డేవిడ్ సన్ ఎక్స్ 400 బైక్ ఇంజిన్ సామర్థ్యం ఎంత అంటే?
ఇక సరికొత్త హార్లీ డేవిడ్ సన్ ఎక్స్ 400 బైక్ 440 సీసీ సింగిల్ సిలిండర్ సామర్థ్యాన్ని కలిగి ఉంది. ఆయిల్, ఎయిర్ కూల్డ్ ఇంజిన్ తో వస్తుంది. ఈ బైక్ 30 బీహెచ్పీ పవర్ తో పాటు 35 ఎన్ఎం టార్క్ను ఉత్పత్తి చేస్తుంది. యూఎస్డీ ఫ్రెంట్ ఫోర్క్స్, రేర్లో ట్విన్ షాక్ అబ్సార్బర్స్తో పాటు డిస్క్ బ్రేక్స్ ను కలిగి ఉంటుంది. అటు , డ్యూయెల్ ఛానెల్ ఏబీఎస్ లాంటి నూతన ఫీచర్లతో హార్లీ డేవిడ్సన్ ఎక్స్440 అందుబాటులోకి రాబోతోంది.
సేల్ ఎప్పటి నుంచి? పోటీ ఏ బైకులతో?
ఈ బైక్ కు సంబంధించి సేల్ ఎప్పుడు మొదలువుతుంది? అనే విషయాన్ని మాత్రం హార్లీ డేవిడ్ సన్ సంస్థ వెల్లడించలేదు. అయితే, విడుదల తర్వాత ఈ బైక్ రాయల్ ఎన్ఫీల్డ్ బైక్స్తో పాటు ట్రయంఫ్ స్పీడ్ 400, హోండా హెచ్నెస్ 350, బెనెల్లి ఇంపేరియల్ 400 లాంటి మోడల్స్కు గట్టి పోటీ ఇచ్చే అవకాశం ఉందని మార్కెట్ వర్గాలు భావిస్తున్నాయి.
Read Also: వర్షంలో ఎలక్ట్రిక్ వాహనాలు నడపడం, ఛార్జ్ చేయడం సురక్షితమేనా?
Join Us on Telegram: https://t.me/abpdesamofficial