Zodiac Signs: ఏదైనా వివాదం జరిగినా, మాట తేడా వచ్చినా కొందరు తగ్గుతారు కానీ మరికొందరు మాత్రం తగ్గేలే అన్నట్టు వ్యవహరిస్తారు. పైగా గొడవకు మరింత ఆజ్యం పోస్తారు. నోటికొచ్చినట్టు మాట్లాడతారు,ఎంతమాటంటే అంత మాట అనేస్తారు..కనీసం ఆగి ఎదుటివారు చెప్పింది కూడా పూర్తిగా వినరు, వాళ్లకు మాట్లాడే అవకాశం అస్సలు ఇవ్వరు. అలాంటి వారితో వాదన పెట్టుకోపోవడం ఎంతైనా మంచిది. అయితే ఈ స్వభావం కూడా మీ రాశి ఆధారంగా ఉంటుందని చెబుతారు. మీరున్నారేమో ఇందులో చెక్ చేసుకోండి...మీకు ఈ లక్షణాలు లేకుంటే సంతోషమే కానీ ఉంటే మాత్రం మార్చుకునేందుకు ప్రయత్నించండంటున్నారు జ్యోతిష్య శాస్త్ర నిపుణులు
మేష రాశి
ఈ రాశివారికి చిని విషయానికే ఉగ్రరూపం దాల్చేస్తారు. హఠాత్తుగా స్వభావం మార్చేసుకుంటారు. ముఖ్యంగా వాదించే సమయంలో ఎవ్వరి మాటా వినరు. వీళ్లు తప్పుచేసినప్పటికీ ఎదుటివారిదే తప్పు అనే ధోరణిలో వాదిస్తారు. వాస్తవానికి తాము మిస్టేక్ చేశాం అనే వాస్తవాన్ని జీర్ణించుకోలేరు...
వృషభ రాశి
వృషభ రాశివారిని కేరాఫ్ మొండితనంగా చెప్పొచ్చు. కొన్ని విషయాలు వారు అనుకున్నట్టే జరగాలి..అలా జరగకపోతే వీరు ఫ్రస్ట్రేట్ అయిపోతారు. తమ సొంత దృక్కోణంలో తప్ప మరో కోణంలో చూడలేరు. వారి ఆలోచన డిస్టబ్ అయినా కానీ ఉగ్రరూపం ఎత్తేస్తారు. తమకు ప్రయోజనం కలిగించకపోతే ఇతరుల అభిప్రాయాలు కూడా కొట్టిపడేస్తారు.
Also Read: ఈ వారం ఈ రాశులవారికి స్థిరాస్తి వ్వవహారాలు కలిసొస్తాయి
సింహ రాశి
ఈ రాశివారు కొన్నిసార్లు నిజంగా కోపంగా ఉంటారు. వీరికి అంత తేలిగ్గా కోపం రాదు కానీ అలా చేసినప్పుడు వారికి దూరంగా ఉండటమే ఉత్తమం. వారు వాదన సమయంలో ఇతరులతో ఏమి చెప్పినా పరిగణనలోకి తీసుకోరు. ఆ సమయంలో గెలవడమే వారి ఉద్దేశం.
తులారాశి
ఈ రాశివారికి దూకుడు ఎక్కువ. ఇతరులు తమతో చెప్పిన వాటిని మరచిపోలేరు, ఏవరైనా తెలిసో తెలియకో చిన్న చిన్న పొరపాట్లు వీరి విషయంలో చేస్తే ఎప్పటికీ మరిచిపోలేరు. సమయం చూసి తిరగబడతారు. కాబట్టి ఈ రాశివారితో మీరు ఏం చెప్పారో మర్చిపోవద్దు..చెప్పకూడని విషయాలు చెప్పొద్దు.
Also Read: జీవిత భాగస్వామితో గొడవలు రాకుండా ఉండాలంటే మీ రాశి ప్రకారం ఇలా చేయండి
ధనుస్సు రాశి
ఈ రాశివారు ఊరికే అరుస్తారు, కేకలు వేస్తారు. వారు అనుకున్న పని అనుకున్నట్టు రాకపోతే నియమ నిబంధనలు ఉల్లంఘించినట్టు ఫీలైపోతారు. ఎదుటివారు చెప్పింది అస్సలు ప్రశాంతంగా వినరు. తాము తప్పు చేశాం అనే ఆలోచన కూడా చేయలేరు. ఈ రాశివారితో వాగ్వాదానికి దిగకపోవడమే మంచిది.
ఇక మిగిలిన రాశుల సంగతేంటి అంటారా... మిథునం, కర్కాటకం, కన్యారాశి, వృశ్చికం, మకరం, కుంభం, మీనం రాశులు వారు కూడా వాదించే టైపే కానీ కనీసం మధ్యలో ఆగి ఎదుటివారి మాట ప్రశాంతంగా వింటారు..తమవంతు వచ్చేవరకూ వేచిచూస్తారట.
నోట్: ఆయా రాశిలో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా ఫలితాలు మారుతాయి. మీ పూర్తి వ్యక్తిగత వివరాల కోసం అనుభవజ్ఞులైన జ్యోతిష్య పండితులను సంప్రదించగలరు.