ZPTC MPTC Results Live Updates: వైసీపీ ప్రభుత్వం అద్భుతంగా పనిచేస్తుంది.. ఈ ఫలితాలే నిదర్శనం: పెద్దిరెడ్డి
ఆంధ్రప్రదేశ్ లో ఎంపీటీసీ, జడ్పీటీసీ ఎన్నికల ఫలితాల తాజా అప్ డేట్ కోసం ఈ పేజీని రీఫ్రెష్ చేస్తూ ఉండండి.
Background
కాసేపట్లో ఏపీలో ఎంపీటీసీ, జడ్పీటీసీ ఎన్నికల ఓట్ల లెక్కింపు ప్రారంభం కానుంది. కౌంటింగ్ కోసం అధికారులు పూర్తి ఏర్పాట్లు చేశారు. కౌంటింగ్ సిబ్బంది, ఏజెంట్లు కచ్చితంగా కరోనా నిబంధనలు పాటించాలని రాష్ట్ర ఎన్నికల కమిషనర్ నీలం సాహ్ని ఆదేశించారు. రాష్ట్రవ్యాప్తంగా 206...More
మాజీ సీఎం, దివంగత నేత ఎన్టీఆర్ సొంత గ్రామం నిమ్మకూరులో వైఎస్సార్సీపీ ఎంపీటీసీ అభ్యర్థి 8 ఓట్ల తేడాతో విజయం సాధించారు. టీడీపీ అధినేత చంద్రబాబు నాయుడు సతీమణి భువనేశ్వరి దత్తత తీసుకున్న గ్రామం నిమ్మకూరు కావడం విశేషం. అక్కడ అధికార పార్టీ అభ్యర్థి గెలుపొందారు.
వైసీపీ ప్రభుత్వం అద్భుతంగా పని చేస్తుందనడానికి ఎంపీటీసీ, జడ్పీటీసీ ఎన్నికల ఫలితాలే నిదర్శనమన్నారు ఏపీ పంచాయతీరాజ్, గ్రామీణాభివృద్ధి శాఖామంత్రి పెద్దిరెడ్డి రామచంద్రారెడ్డి. తిరుపతి మారుతినగర్ లోని తన నివాసంలో మీడియాతో మంత్రి పెద్దిరెడ్డి రామచంద్రారెడ్డి మాట్లాడారు. కుట్రపూరితంగా ఎంపీటీసీ, జడ్పీటీసీ ఎన్నికలను వాయిదా వేయాలని చూశారని,ఎన్నికల కమిషనర్ గా ఉన్న నిమ్మగడ్డ రమేష్ కుమార్ ఒక సామాజిక వర్గానికి కొమ్ముకాయడానికి ప్రయత్నించారని ఆరోపించారు. కరోనాను బూచిగా చూపించి ఎన్నికలు ఆపేందుకు యత్నించారన్నారు. చంద్రబాబు ఎన్ని కుట్రలు చేసినా ప్రజలు వైసీపీ వైపే ఉన్నారన్నారు. రాష్ట్ర ప్రజలకు జగన్ పాలనపై నమ్మకం ఏర్పడిందన్నారు. చంద్రబాబు, లోకేష్ లకు కరోనా అంటే భయమని.. నారా లోకేష్ను రాజకీయాలకు పనికి రాకుండా చేసిన వ్యక్తి చంద్రబాబే అని, తెలుగుదేశం పార్టీ పని అయిపోయిందని పెద్దిరెడ్డి రామచంద్రారెడ్డి వ్యాఖ్యానించారు.
ముఖ్యమంత్రి జగన్మోహన్ రెడ్డి నివాసం ఉంటున్న మంగళగిరి నియోజకవర్గంలో వైసీపీకి దిమ్మతిరిగే రిజల్ట్ వచ్చింది. ఎమ్మెల్యే ఆళ్ల రామక్రిష్ణారెడ్డికి మంగళగిరి నియోజకవర్గ ప్రజలు షాక్ ఇచ్చారు. పోటీ చేసిన 18 స్థానాల్లో కేవలం 7 చోట్ల మాత్రమే వైసీపీ విజయం సాధించింది. అందులో 2 చోట్ల టీడీపీ అభ్యర్థులను ఎన్నికలకు ముందే కొనుగోలు చేశారు. దుగ్గిరాల మండలంలో పోటీ చేసిన 14 స్థానాల్లో 9 చోట్ల టీడీపీ ఘన విజయం సాధించింది. భారీ మెజారిటీలతో వైసీపీ అభ్యర్థులపై టీడీపీ అభ్యర్థులు విజయం సాధించారు. జనసేన రెండు చోట్ల గెలిచింది.
వరంగల్ నర్సంపేట పట్టణం అంబేడ్కర్ సెంటర్లోని రాయల్ ఫుడ్ కోర్ట్ బిర్యానీ పాయింట్లో బిర్యానీ తిని ఓ యువకుడు బయటికి వచ్చి రక్తం కక్కుకొని చనిపోయాడు. యువకుడిది చెన్నారావుపేట మండలం జల్లి గ్రామం బోడ తండాలోని బోడ ప్రసాద్ (23) గా గుర్తించారు. సంఘటన స్థలానికి చేరుకున్న పోలీసులు ఫుడ్ పాయిజన్ అయ్యిందా.. లేక ఇంకా వేరే ఏమన్నా కారణమా? అని విచారణ జరుపుతున్నారు. మరిన్ని వివరాలు తెలియాల్సి ఉంది.
విశాఖపట్నం జిల్లా దిబ్బపాలెంలో అనూహ్య పరిణామం చోటుచేసుకుంది. అధికార వైసీపీ, ప్రతిపక్ష టీడీపీ అభ్యర్థులకు ఓట్లు సమానంగా పోలయ్యాయి. దీంతో అధికారులు లాటరీ డ్రా తీయగా.. టీడీపీ అభ్యర్థిని విజయం వరించింది.
కర్నూలు జిల్లాలో 36 జడ్పీటీసీలకుగాను 35 జడ్పీటీసీల ఓట్ల లెక్కింపు పూర్తి కాగా ఆ 35 స్థానాల్లో అధికార వైఎస్సార్సీపీ విజయం సాధించింది. ఆదోని, ఆలూరు, పెద్ద కడుబూరు, ఆస్పరి, హాలహర్వి, దేవనకొండ, మద్దికెర, పత్తికొండ, తుగ్గలి, గోనెగండ్ల, నందవరం, ఆత్మకూరు, సి బెళగాల్, గూడూరు, కోడుమూరు, ఓర్వకల్, వెలుగోడు, మహానంది, సిరివెళ్ల, కౌతాళం, ఎమ్మిగనూరు, మిడ్తూరు, కల్లూరు, గడివేముల దొర్నిపాడు, కొత్తపల్లి, నందికొట్కూరు, జూపాడు బంగ్లా, పగిడ్యాల,పాములపాడు,ఆళ్లగడ్డ, చాగలమర్రి, రుద్రవరం, పాణ్యం,వెల్దుర్తిలో వైఎస్సార్ సీపీ జడ్పీటీసీ అభ్యర్థులు గెలుపొందారు.
చిత్తూరు జిల్లా చంద్రగిరి మండలం జడ్పీటీసీ, ఎంపీటీసీ ఎన్నికల్లో వైఎస్ఆర్ కాంగ్రెస్ పార్టీ ఘన విజయం సాధించింది.
5 ఎంపీటీసీ స్థానాలను వైఎస్ఆర్సీపీ కైవసం చేసుకుంది
1. తొండవాడ ఎంపీటీసీ 1502 ఓట్ల మెజారిటీతో నిరంజన్ విజయం
2. చంద్రగిరి ఎంపీటీసీ -2 ,1378 ఓట్ల మెజారిటీతో మాధవ రెడ్డి విజయం
3. కొటాల ఎంపీటీసీ 492 ఓట్ల మెజారిటీతో వి.మధు విజయం
4. శానంబట్ల ఎంపీటీసీ 1196 ఓట్ల మెజారిటీతో టి.భారతీ విజయం...
5. చిన్నరామాపురం ఎంపీటీసీ 1347 ఓట్ల మెజారిటీతో రాజయ్య విజయం
జిల్లా పరిషత్ అధ్యక్షులు, ఉపాధ్యక్షుల ఎన్నికకు ఏపీ ఎస్ఈసీ నోటికేషన్ విడుదల చేసింది. ఈ నెల 24న మధ్యాహ్నం 3 గంటలకు ఎంపీపీ, అధ్యక్షులు, ఉపాధ్యక్షుల ఎన్నిక జరగనుంది. ఈ నెల 25న మధ్యాహ్నం 3 గంటలకు జడ్పీ ఛైర్మన్లు, వైస్ చైర్మన్ల ఎన్నిక జరగనుంది. ఈమేరకు ఎన్నికకు ఏర్పాట్లు చేయాలని ఎస్ఈసీ నీలం సాహ్ని ఆదేశాలు జారీచేశారు.
చిత్తూరు జిల్లా నారావారిపల్లి ఎంపీటీసీ స్థానాన్ని వైసీపీ కైవసం చేసుకుంది. వెయ్యి ఓట్ల మెజారిటీతో వైసీపీ అభ్యర్థి రాజయ్య గెలుపొందారు. చంద్రబాబు సొంత నియోజకవర్గం కుప్పంలో 1073 ఓట్లతొ వైఎస్ఆర్సీపీ ఎంపీటీసీ అభ్యర్ధి అశ్విని విజయం సాధించారు.
కర్నూలు జిల్లాలో ఒంటి గంటకు వరకు 36 జడ్పీటీసీల స్థానాల్లో 9 జడ్పీటీసీ స్థానాల్లో ఓట్ల లెక్కింపు పూర్తయ్యింది. 9 స్థానాల్లోనూ వైసీపీ విజయం సాధించింది. ఆలూరు, ఆస్పరి, హాలహర్వి, ఆత్మకూరు, వెలుగోడు, గడివేముల, దొర్నిపాడు మహానంది, సిరివెళ్ల స్థానాల్లో వైసీపీ అభ్యర్థులు విజయం సాధించారు.
కర్నూలు జిల్లాలో 1.15 గంటలకు 484 ఎంపీటీసీ స్థానాలకు గాను 480 ఎంపీటీసీ స్థానాల్లో ఓట్ల లెక్కింపు పూర్తయ్యింది. వీటిల్లో వైసీపీ 405, టీడీపీ 60, బీజేపీ 3, సీపీఐ 2 ఇండిపెండెంట్ 10 స్థానాల్లో గెలుపొందారు.
కర్నూలు జిల్లా కోడుమూరు మండలంలోని 21 ఎంపీటీసీ స్థానాలలో 19 వైసీపీ, 2 టీడీపీ గెలుపొందాయి. వెంకటగిరి స్థానంలో 2 ఓట్ల మెజార్టీతో టీడీపీ అభ్యర్థి జి.సుజాత విజయం సాధించారు.
గూడూరు మండలంలో మొత్తం 7 ఎంపీటీసీ స్థానాలకు ఎన్నికలు జరగగా
1. గుడిపాడు ఇండిపెండెంట్ అభ్యర్థి ఏళ్ళేశ్వరి విజయం
2. మునగాల వైసీపీ అభ్యర్థి సువర్తమ్మ విజయం
3. చనుగొండ్ల1 వైసీపీ అభ్యర్థి సునీత విజయం
4. చనుగొండ్ల 2 వైసీపీ అభ్యర్థి గుడిసె రంగయ్య విజయం
5. నాగలాపురం వైసీపీ అభ్యర్థి రాజమ్మ విజయం
6. బుడిడపాడు వైసీపీ అభ్యర్థి చంద్రయ్య విజయం
7. పెంచికలపాడు టీడీపీ అభ్యర్థి మద్దిలేటి విజయం
తూర్పుగోదావరి జిల్లా కోరుకొండ మండలం మునగాల ఎంపీటీసీ స్థానాన్ని 22 ఓట్ల మెజారిటీతో వైసీపీ అభ్యర్థి లోవరాజు విజయం సాధించారు. ఆయన గెలుపొందినట్లు ధ్రువీకరణ పత్రాన్ని అధికారులు అందించారు. అమలాపురం డివిజన్ లో గందరగోళం నెలకొంది. ఓట్ల లెక్కింపు కోసం 16 మండలాల జడ్పీటీసీ, ఎంపీటీసీ అభ్యర్థులు ఎదురుచూపులు. కట్టలు కట్టే ప్రక్రియ దశలోనే సిబ్బంది ఉన్నారు. ఒక్క ఫలితం బయటకు ప్రకటించకపోవడంతో అభ్యర్థులు ఆందోళన చెందుతున్నారు. సుమారు 6 గంటలు కావస్తున్నా ఇంకా ఓట్ల లెక్కింపు మొదలుకాలేదు. ఫలితాలు వెల్లడయ్యే సరికి అర్ధరాత్రి దాటి పోయే పరిస్థితి నెలకొందని అభ్యర్థులు అంటున్నారు.
ఎంపీటీసీ ఎన్నికల ఫలితాల్లో బీజేపీ బోణీ కొట్టింది. విశాఖ జిల్లా అనకాపల్లి తుమ్మపాల -5 లో ఎంపీటీసీ అభ్యర్థి చదరం నాగేశ్వరరావు గెలుపొందారు.
చిత్తూరు జిల్లాలో ఎంపీటీసీ ఫలితాలు(మధ్యాహ్నాం 12 గంటల వరకు)
- ఎన్నికలు జరిగిన ఎంపీటీసీ స్థానాలు : 419
- ఫలితాలు వెలుపడిన స్థానాలు :132
గెలుపొందిన స్థానాలు
- వైసీపీ : 119, టీడీపీ 9, స్వతంత్రులు 4
ఎన్నికలు జరిగిన జడ్పీటీసీ స్థానాలు : 33
- ఒక్క స్థానంలోనే ఫలితం వెలువడింది. ఎస్.ఆర్ పురం జడ్పీటీసీ స్థానంలో వైసీపీ విజయం సాధించింది
అనంతపురం జిల్లా మడకశిర మండలం గౌడనహళ్లి పంచాయతీలోని కౌంటింగ్ కేంద్రంలో ఉన్న బ్యాలెట్ బాక్సులో చెదలు పట్టాయి. సిబ్బంది కౌంటింగ్ నిలిపివేసిన ఉన్నతాధికారులకు సమాచార ఇచ్చారు. పై అధికారుల ఆదేశాల కోసం ఎదురు చూస్తున్నట్లు కౌంటింగ్ సిబ్బంది తెలిపారు. మొత్తం 2360 ఓటర్లు ఉండగా 1886 ఓట్లతో 79.65 శాతం పోలైంది. అందులో 10వ నంబరు బాక్సులో 593 ఓట్లు చెదలు పట్టాయని అధికారులు తెలిపారు.
కర్నూలు జిల్లా ఆదోని మండలం 22 ఎంపీటీసీ స్థానాల్లో 10 వైసీపీ, 2 టీడీపీ విజయం సాధించింది. 10 స్థానాల్లో ఓట్ల లెక్కింపు కొనసాగుతోంది.
1. ఆదోని మండలం బసరకోడు గ్రామం ఎంపీటీసీ వైసీపీ అభ్యర్థి పెద్ద పెద్దయ్య గెలుపు
2 ఆదోని (మం) సన్తేకుళ్ళుర్ ఎంపీటీసీ వైసీపీ అభ్యర్థి కమలమ్మ 1,915 ఓట్లతో విజయం
3. ఆదోని (మం) చిన్నహరివనం ఎంపీటీసీ వైసీపీ అభ్యర్థి వీరేశ్ రెడ్డి 1,163 ఓట్లతో విజయం
4. ఆదోని (మం) పెద్దహరివానం ఎంపీటీసీ వైసీపీ అభ్యర్థి పుష్పాలత 1,070 ఓట్లతో విజయం
5. ఆదోని (మం) పెద్దహరివానం ఎంపీటీసీ వైసీపీ అభ్యర్థి గిడ్డే బసప్ప 946 ఓట్లతో విజయం
6. ఆదోని (మం) గణేకల్ ఎంపీటీసీ వైసీపీ అభ్యర్థి లక్ష్మీ 176 ఓట్లతో విజయం
7. ఆదోని (మం) దిబ్బనకల్ ఎంపీటీసీ టీడీపీ అభ్యర్థి లక్ష్మమ్మ 46 ఓట్లతో విజయం
8. ఆదోని (మం) నారాయణ పురం ఎంపీటీసీ టీడీపీ అభ్యర్థి కారప్ప 38 ఓట్లతో విజయం
9. ఆదోని (మం) పెద్ద తుంబలం1 ఎంపీటీసీ వైసీపీ అభ్యర్థి భాగ్యలక్ష్మి 847 ఓట్లతో విజయం
10. ఆదోని (మం) పెద్ద తుంబలం 2 ఎంపీటీసీ వైసిపి అభ్యర్థి మాచర్ల మౌలాలి 501 ఓట్లతో విజయం
11. ఆదోని (మం) చిన్న పెండేకల్ ఎంపీటీసీ వైసీపీ అభ్యర్థి సరోజ 343 ఓట్లతో విజయం
12. ఆదోని (మం) దొడ్డనకేరి ఎంపీటీసీ వైసిపి అభ్యర్థి సరోజమ్మ 1372 ఓట్లతో విజయం
పశ్చిమగోదావరి జిల్లాలో ఓట్ల లెక్కింపు కొనసాగుతోంది. కౌంటింగ్ ప్రక్రియను కలెక్టర్ పరిశీలించారు. ఏలూరు, తణుకు, భీమవరం, జంగారెడ్డి గూడెం కేంద్రాల్లో 45 జడ్పీటీసీ, 781 ఎంపీటీసీ స్థానాలకు లెక్కింపు జరుగుతోంది. మధ్యాహ్నం 12 గంటల తర్వాత తొలి ఫలితం వెల్లడయ్యే అవకాశముంది.
ఏపీలో పరిషత్ ఎన్నికల కౌంటింగ్ ప్రశాంతంగా కొనసాగుతోందని పంచాయతీ రాజ్ ప్రధాన కార్యదర్శి గోపాలకృష్ణ ద్వివేది తెలిపారు. రెండు చోట్ల బ్యాలెట్ పేపర్లు చెదలు పట్టాయని, నాలుగు చోట్ల బ్యాలెట్ పేపర్లు తడిసిపోయాయని తెలిపారు. ఎక్కడైనా రీకౌంటింగ్ అవసరమైతే ఎస్ఈసీ నిర్ణయం తీసుకుంటారని తెలిపారు. సాయంత్రానికి జడ్పీటీసీ ఫలితాలు వస్తాయని ఆయన తెలిపారు.
చిత్తూరు జిల్లాలో
పూతలపట్టు మండలం
- వేపనపల్లెలో 612 ఓట్లతో వైసీపీ అభ్యర్థి గెలుపు
- బైటాపల్లిలో 1302 ఓట్లతో వైసీపీ అభ్యర్థి గెలుపు
ఎస్ఆర్ పురం మండలం
- వెంకటాపురంలో వైసీపీ అభ్యర్థి 122 ఓట్లతో విజయం
- పుల్లూరు చంద్ర వైసీపీ అభ్యర్థి 92 ఓట్లతో విజయం
గంగాధర నెల్లూరు మండలం
- బుక్కపట్నం వైసీపీ అభ్యర్థి అనిత 1573 ఓట్లతో విజయం
- పాత వెంకటాపురం వైసీపీ అభ్యర్థి కుమార్ 616 ఓట్లతో విజయం
- పెద్ద కాలువ వైసీపీ అభ్యర్థి దూర్వాసుల మందడి 1035 ఓట్లతో విజయం
- కడపగుంట వైసీపీ అభ్యర్థి ఉమా మహేశ్వరి 913 ఓట్లతో విజయం
పెనుమూరు మండలం
- తాటిమాకులపల్లె వైసీపీ అభ్యర్థి శివలింగయ్య 777 ఓట్లతో విజయం
గుడిపాల మండలంలో
- గుడిపాల ఎంపీటీసీ సెగ్మెంట్ లో 1373 ఓట్లతో వైసీపీ అభ్యర్థి గోళ్ల హరిప్రసాద్ గెలుపు
- బీయన్ కండ్రిగ (మ) వేణుగోపాలపురం టీడీపీ ఎంపీటీసీ అభ్యర్థి మనోహర్ నాయుడు 126 ఓట్లతో గెలుపు
నగరి నియోజకవర్గం విజయపురం మండలం కేవీ పురం ఎంపీటీసీ స్థానానికి వైసీపీ అభ్యర్థి మంజు బాలాజీ 1554 ఓట్లతో గెలుపొందారు. కలకడ మండలం నడిమిచెర్ల ఎంపీటీసీ కృష్ణ రెడ్డి (వైసీపీ) 650 ఓట్లలో టీడీపీ అభ్యర్ధి రంగారెడ్డిపై గెలుపొందారు. కలకడ మండలం, నడిమిచెర్ల ఎంపీటీసీ ఈశ్వర్ నాయుడు (వైసీపీ)41 ఓట్లలో టీడీపీ అభ్యర్థిపై గెలుపొందారు.
గుంటూరులోని లెక్కింపు కేంద్రంలో అధికారులతో టీడీపీ ఏజెంట్లు వాగ్వాదానికి దిగారు. గుంటూరు లూథరన్ బి.ఎడ్ కళాశాల కేంద్రంలో బ్యాలెట్ పత్రాలు తడిచిపోయాయి. బ్యాలెట్ బాక్సులు తడిచినా వాటినే లెక్కించేందుకు అధికారుల ఏర్పాట్లు చేయడంతో టీడీపీ ఏజెంట్లు నిరసన తెలిపారు. తడిచిన బ్యాలెట్లు ఎలా లెక్కిస్తారని ప్రశ్నించారు. తడిచిన బ్యాలెట్లు చివరన లెక్తిస్తామని అధికారులు స్పష్టం చేశారు.
ఏపీ పరిషత్ ఎన్నికలపై టీడీపీ రాష్ట్ర అధ్యక్షుడు కింజరాపు అచ్చెన్నాయుడు స్పందించారు. 'ఇవి బోగస్ పరిషత్ ఎన్నికల ఫలితాలు, ఎన్నికల్లో వైసీపీ ప్రజాస్వామ్యాన్ని ఖూనీ చేయటం వల్లే టీడీపీ పరిషత్ ఎన్నికలను బహిష్కరించింది. అధికారులు, పోలీసులు బరితెగించి అధికార పార్టీకి అన్ని విధాలా సహకరించి ప్రజాస్వామ్యాన్ని కాలరాశారు. ఈ ఎన్నికలు ప్రజాభిప్రాయం కాదు, ప్రజాభిప్రాయం అని వైసీపీభావిస్తే...ప్రభుత్వం రద్దు చేసి ఎన్నికలకు వెళ్లే అసలు విషయం తెలుస్తోంది. ఆ దమ్ము వైసీపీకి ఉందా ? వైసీపీ నాయకులు ఏకగ్రీవాల మాటున సాగించిన అరాచకం వర్ణించలేనిది. వాటిని ఎన్నికలు అనరు. అది సెలక్షన్ తప్ప ఎలక్షన్ కాదు' అని అచ్చెన్నాయుడు విమర్శించారు.
తూర్పు గోదావరి జిల్లా పి.గన్నవరం మండలంలో 25 పోస్టల్ బ్యాలెట్ ఓట్లు నమోదయ్యాయి. కాగా 25 ఓట్లు ఇన్ వ్యాలిడ్ అయ్యాయి. దీంతో అభ్యర్థులు నిరుత్సాహపడ్డారు. విద్యావంతులు ఓట్లు చెల్లకపోవడం గమనార్హం.
ఆమదాలవలసలో జడ్పీటీసీ, ఎంపీటీసీ బ్యాలెట్ పేపర్లకు చెద పట్టింది. ఈ విషయాన్ని కౌంటింగ్ సిబ్బంది అధికారులు తెలిపారు. ఈ ఘటన విచారణ చేపట్టారు.
తూర్పుగోదావరి జిల్లాలో ఎంపీటీసీ, జడ్పిటిసి స్థానాలకు కౌంటింగ్ ప్రక్రియను జిల్లా కలెక్టర్ హరికిరణ్ పర్యవేక్షించారు. ఆర్ అండ్ ఆర్ కమిషనర్ హరిజవహర్ లాల్ ఎన్నికల పరిశీలకుడిగా ఉన్నారు. ఎన్నికల కౌంటింగ్ ప్రక్రియను కట్టుదిట్టమైన ఏర్పాట్ల మధ్య నిర్వహిస్తున్నారు. ఉదయం 8 గంటల కౌంటింగ్ కేంద్రాల వద్దకు అధిక సంఖ్యలో అభ్యర్థులు, ఆయా పార్టీ కార్యకర్తలు చేరుకున్నారు.
తూర్పుగోదావరి జిల్లాలో 996 ఎంపీటీసీ స్థానాలకు, 61 జడ్పీటీసీ స్థానాలకు కౌంటింగ్ జరుగుతుంది. జిల్లాలోని 61 మండలాలకు ఏడు డివిజన్ల పరిధిలో కాకినాడ, రాజమండ్రి, అమలాపురం, రామచంద్రపురం, రంపచోడవరం, ఎటపాక, పెద్దాపురం ప్రాంతాల్లో ఏర్పాటు చేసిన 12 కేంద్రాల్లో ఓట్ల లెక్కింపు ప్రక్రియ నిర్వహిస్తున్నారు. మొత్తం కౌంటింగ్ ప్రక్రియ కోసం 303 టేబుళ్లను ఏర్పాటు చేశారు. ఎటపాక డివిజన్ ఫలితాలు మధ్నాహ్నానికి వెల్లడయ్యే అవకాశం ఉంది.
నెల్లూరు జిల్లాలో మొత్తం 42 మండలాల్లో 34 జడ్పీటీసీ, 362 ఎంపీటీసీ స్థానాలకు ఎన్నికలు జరిగాయి. ఇందుకోసం నియోజకవర్గాల వారీగా మొత్తం పది లెక్కింపు కేంద్రాలను ఏర్పాటు చేశారు. ఎలాంటి అవాంఛనీయ సంఘటనలు జరగకుండా చర్యలు తీసుకున్నారు. జిల్లాలోని ఆత్మకూరు, నాయుడుపేట, వెంకటగిరి సహా మొత్తం 10 లెక్కింపు కేంద్రాల్లో కౌంటింగ్ మొదలైంది.
- అనంతపురం జిల్లాలోని 62 జడ్పీటీసీ స్థానాలు, 782 ఎంపీటీసీ స్థానాలకు కౌంటింగ్
- 5 రెవెన్యూ డివిజన్లలోని జెడ్పీటీసీ ఎంపీటీసీ ఎన్నికల కౌంటింగ్
- జిల్లావ్యాప్తంగా 96 కేంద్రాల్లో కౌంటింగ్ ఏర్పాట్లు
- జిల్లా వ్యాప్తంగా 11 ప్రాంతాల్లో 17 బ్యాలెట్ రిసెప్షన్ సెంటర్లు ఏర్పాట్లు
- కౌంటింగ్ కేంద్రాల వద్ద పటిష్ట బందోబస్తు ఏర్పాటు చేసిన పోలీసులు
విజయనగరం జిల్లా కొమరాడ మండలంలో 47 బ్యాలెట్ ఓట్లు రద్దైయ్యాయి. డిక్లరేషన్ ఫారం లేకపోవడంతో ఈ బ్యాలెట్లను అధికారులు రద్దు చేశారు. విశాఖ జిల్లా గోలుగొండ మండలం పాకలపాడు, ఎల్లవరం కేంద్రాల్లో వర్షపు నీరు చేరింది. రెండు కేంద్రాల్లో బ్యాలెట్ పత్రాలు తడవడంతో సిబ్బంది ఆరబెడుతున్నారు. గుంటూరు లూథరన్ బి.ఎడ్. కళాశాల కేంద్రంలో బ్యాలెట్ బాక్సులు తడిచిపోయాయి. తాడికొండ మండలం బేజాతపురం, రావెల బ్యాలెట్ బాక్సులు తడిచినట్లు సిబ్బంది గుర్తించారు. బాక్సుల్లో నుంచి బ్యాలెట్లు బయటకు తీసి ఆరబెడుతున్నారు.
- శ్రీకాకుళం : 37 జడ్పీటీసీ, 590 ఎంపీటీసీ స్థానాలకు కౌంటింగ్
- విజయనగరం : 31 జడ్పీటీసీ, 487 ఎంపీటీసీ స్థానాలకు కౌంటింగ్
- విశాఖపట్నం : 37 జడ్పీటీసీ, 612 ఎంపీటీసీ స్థానాలకు కౌంటింగ్
- తూర్పు గోదావరి : 61 జడ్పీటీసీ, 996 ఎంపీటీసీ స్థానాలకు కౌంటింగ్
- పశ్చిమ గోదావరి : 45 జడ్పీటీసీ, 781 ఎంపీటీసీ స్థానాలకు కౌంటింగ్
- కృష్ణా : 41 జడ్పీటీసీ, 648 ఎంపీటీసీ స్థానాలకు కౌంటింగ్
- గుంటూరు : 45 జడ్పీటీసీ, 571 ఎంపీటీసీ స్థానాలకు కౌంటింగ్
- నెల్లూరు : 34 జడ్పీటీసీ, 362 ఎంపీటీసీ స్థానాలకు కౌంటింగ్
- ప్రకాశం : 41 జడ్పీటీసీ, 368 ఎంపీటీసీ స్థానాలకు కౌంటింగ్
- అనంతపురం : 62 జడ్పీటీసీ, 781 ఎంపీటీసీ స్థానాలకు కౌంటింగ్
- చిత్తూరు : 33 జడ్పీటీసీ, 419 ఎంపీటీసీ స్థానాలకు కౌంటింగ్
- వైఎస్సార్ కడప: 12 జడ్పీటీసీ, 117 ఎంపీటీసీ స్థానాలకు కౌంటింగ్
- కర్నూలు : 36 జడ్పీటీసీ, 484 ఎంపీటీసీ స్థానాలకు కౌంటింగ్
కర్నూలు జిల్లాలోని అన్ని కౌంటింగ్ కేంద్రాల్లో పరిషత్ ఎన్నికల కౌంటింగ్ ప్రక్రియ ప్రారంభమైంది.
- జిల్లా వ్యాప్తంగా జెడ్పీటీసీ స్థానాలు : 53
- జిల్లా వ్యాప్తంగా ఎంపీటీసీ స్థానాలు : 807
- ఏకగ్రీవమైన జెడ్పీటీసీ స్థానాలు : 16
- ఏకగ్రీవమైన ఎంపీటీసీ స్థానాలు : 312
- కౌంటింగ్ సెంటర్లు : 16
- కౌంటింగ్ హాల్స్ : 154
జడ్పీటీసీ, ఎంపీటీసీ ఎన్నికల కౌంటింగ్ కొనసాగుతోంది. ఆదివారం మధ్నాహ్నానికి ఎంపీటీసీ ఫలితాలు రానున్నాయి. రాత్రికి జడ్పీటీసీ ఫలితాలు కొలిక్కి రానున్నాయి.
ఏపీలో జడ్పీటీసీ, ఎంపీటీసీ ఓట్ల లెక్కింపు ప్రారంభమైంది. ముందుగా పోస్టల్ బ్యాలెట్లను సిబ్బంది లెక్కిస్తున్నారు.
ఏపీలో జడ్పీటీసీ, ఎంటీసీ ఫలితాల కౌంటింగ్ ప్రారంభమయ్యింది. 209 కేంద్రాల్లో కౌంటింగ్ ప్రక్రియ కొనసాగుతోంది.
రాష్ట్రవ్యాప్తంగా మొత్తం 660 జడ్పీటీసీ స్థానాలు ఉన్నాయి. వివిధ కారణాల వల్ల 8 స్థానాల్లో ఎన్నికలు నిలిచిపోయాయి. మొత్తం 652 జడ్పీటీసీ స్థానాలకు ఎన్నికల నోటిఫికేషన్ ఇవ్వగా అందులో 126 జడ్పీటీసీ స్థానాలు ఏకగ్రీవం అయ్యాయి. ఎన్నికల సమయంలో 11 మంది అభ్యర్థులు మృతి చెందారు. చివరిగా 515 జడ్పీటీసీ స్థానాలకు ఎన్నికలు ఎన్నికల జరిగాయి. ఈ స్థానాల్లో 2,058 మంది అభ్యర్థులు పోటీపడ్డారు. రాష్ట్రవ్యాప్తంగా మొత్తం 10,047 ఎంపీటీసీ స్థానాలున్నాయి. వివిధ కారణాలతో 375 చోట్ల ఎన్నికలు నిలిచిపోయాయి. మొత్తం 9,672 ఎంపీటీసీ స్థానాలకు ఎన్నికల నోటిఫికేషన్ విడుదల చేయగా 2,371 ఎంపీటీసీ స్థానాలు ఏకగ్రీవం అయ్యాయి. నామినేషన్ అనంతరం 81 మంది అభ్యర్థులు మృతి చెందారు. చివరిగా 7,220 ఎంపీటీసీ స్థానాలకు ఎన్నికలు జరగగా 18,782మంది అభ్యర్థులు పోటీపడ్డారు.
జడ్పీటీసీ, ఎంపీటీసీ ఎన్నికల ఓట్ల లెక్కింపు ఇవాళ ఉదయం 8 గంటలకు ప్రారంభం కానుంది. ఓట్ల లెక్కింపు కోసం సర్వం సిద్ధం చేశారు అధికారులు. రాష్ట్రవ్యాప్తంగా 206 కేంద్రాల్లో ఓట్ల లెక్కింపు కోసం 958 హాళ్లలో ఏర్పాటుచేశారు. లెక్కింపునకు 609 మంది అధికారులు, 1047 మంది సహాయ ఎన్నికల అధికారులు, 11,227 మంది పర్యవేక్షకులు, 31,133 మంది సహాయ పర్యవేక్షకులను రాష్ట్ర ఎన్నికల కమిషనర్ నియమించారు. అర్ధరాత్రి దాటినా లెక్కింపు పూర్తి చేసి, గెలిచిన వారిని ప్రకటించేందుకు కమాండ్ కంట్రోల్ సెంటర్ ఏర్పాటుచేశారు. ఫలితాల అనంతరం విజయోత్సవాలు, ర్యాలీలు పూర్తిగా నిషేధించారు. మూడు రౌండ్లలో ఫలితాలు వెలువడనున్నాయి. ఉద్రిక్తతలు తలెత్తకుండా అన్ని కేంద్రాల వద్ద పోలీసుల బందోబస్తు ఏర్పాటుచేశారు. కౌంటింగ్ సిబ్బంది, ఏజెంట్లు కరోనా నిబంధనలు పాటించాలని ఎస్ఈసీ నీలం సాహ్ని ఆదేశించారు. కరోనా నెగెటివ్, వ్యాక్సినేషన్ పత్రాలు తీసుకొస్తేనే కౌంటింగ్ కేంద్రాల్లోకి అనుమతి ఇవ్వాలని సూచించారు.
- Home
- ఆంధ్రప్రదేశ్
- ZPTC MPTC Results Live Updates: వైసీపీ ప్రభుత్వం అద్భుతంగా పనిచేస్తుంది.. ఈ ఫలితాలే నిదర్శనం: పెద్దిరెడ్డి