Chandrababu Naidu to visit Tirumala :
తిరుమల : ఏపీ మాజీ సీఎం చంద్రబాబు నాయుడు బుధవారం తిరుమలకు వెళ్లనున్నారు. శ్రీవారి దర్శనార్థం టిడిపి అధినేత చంద్రబాబు బుధవారం (నవంబర్ 1న) సాయంత్రం తిరుమలకు వెళ్తున్నారు. రేపు మధ్యాహ్నం 3:45 గంటల నుంచి విజయవాడ ఎయిర్‌పోర్ట్ నుంచి బయలుదేరనున్న చంద్రబాబు.. సాయంత్రం 5 గంటలకు రేణిగుంట ఎయిర్ పోర్ట్ కు చేరుకోనున్నారు. బుధవారం సాయంత్రం 6:15 గంటలకు చంద్రబాబు తిరుమలకు చేరుకోనున్నారు. కుటుంబ సభ్యులతో కలిసి రేపు రాత్రికి తిరుమలలో బస చేయనున్నారు.
నవంబర్ 2 (గురువారం) ఉదయం 9:30- 9:45 గంటలకు చంద్రబాబు కుటుంబసమేతంగా వరాహస్వామిని దర్శించుకోనున్నారు. ఆపై ఉదయం 10 నుంచి 10:30 గంటల మధ్య శ్రీవారిని దర్శించుకుంటారు. అనంతరం ఉదయం 11 గంటలకు తిరుమల నుంచి బయలుదేరి మధ్యాహ్నం 12 గంటలకు రేణిగుంట ఎయిర్‌పోర్ట్ చేరుకుంటారు. అక్కడి నుంచి చంద్రబాబు మధ్యాహ్నం 1.10కి శంషాబాద్ ఎయిర్ పోర్టుకు చేరుకుని, అటునుంచి జూబ్లీహిల్స్ లోని తన నివాసానికి వెళ్ళనున్నారు. ఈ మేరకు టీడీపీ నేతలు ఓ ప్రకటనలో తెలిపారు.