BREAKING NEWS: కుప్పంలో దూసుకెళ్లిన వైసీపీ

ఎంతో ఉత్కంఠగా సాగిన మున్సిపల్ ఎన్నికల కౌంటిగ్ ఉత్కంఠగా కొనసాగుతోంది. దీని కోసం అధికారులు అన్ని ఏర్పాట్లు చేశారు. కొన్నిచోట్ల ఓడిన అభ్యర్థులు రీ కౌంటింగ్ కోరుతున్నారు.

Background

రాష్ట్రవ్యాప్తంగా నెల్లూరు నగర కార్పొరేషన్ సహా.. 13 మున్సిపాల్టీలకు జరిగిన ఎన్నికల కౌంటిగ్ మరికొద్ది సేపట్లో మొదలవుతుంది. కౌంటింగ్ కోసం ఇప్పటికే అన్ని ఏర్పాట్లు చేశారు అధికారులు. ఉదయం 8 గంటలనుంచి కౌంటింగ్ ప్రక్రియ ప్రారంభిస్తారు. సాయంత్రానికి పూర్తి స్థాయి ఫలితాలు వెల్లడిస్తారు. నెల్లూరులో ఇలా.. నెల్లూరు నగర కార్పొరేషన్ కి సంబంధించి స్థానిక డీకేడబ్ల్యూ కాలేజీలో ఉదయం 8 గంటలకు కౌంటింగ్ మొదలవుతుంది. ఏడు గంటలకు బ్యాలెట్ బాక్సులను భద్రపరచిన స్ట్రాంగ్ రూమ్ లను తెరిచి ఆయా డివిజన్లకు సంబంధించిన టేబుళ్ల వద్దకు తీసుకెళ్తారు. మొత్తం 145 టేబుళ్లు ఏర్పాటు చేశారు. ఒక్కో టేబుల్ వద్ద ముగ్గురు సిబ్బంది కౌంటింగ్ చేపడతారు. మొత్తంగా వెయ్యిమంది సిబ్బందిని కౌంటింగ్ కోసం అధికారులు నియమించారు. రెండు రౌండ్లలో లెక్కింపు ఉంటుంది. మధ్యాహ్నం 2 గంటలకల్లా లెక్కింపు పూర్తవుతుంది. నెల్లూరు కార్పొరేషన్ పరిధిలో మొత్తం 54 డివిజన్లు ఉండగా ఇప్పటికే 8 డివిజన్లు ఏకగ్రీవం అయ్యాయి. మిగతా 46 డివిజన్ల ఫలితం ఈరోజు తేలుతుంది. 2,15,394 మంది ఓటర్ల తీర్పు ఈరోజు వస్తుంది. బందోబస్తు ఇలా.. కౌంటింగ్ కేంద్రం నుంచి కిలో మీటర్ వరకు పోలీసులు 144 సెక్షన్ విధించారు. కౌంటింగ్ కేంద్రం వద్ద 600మంది సిబ్బందితో జిల్లా ఎస్పీ బందోబస్తు ఏర్పాటు చేశారు. బుచ్చిరెడ్డిపాలెంలో.. నెల్లూరు నగర కార్పొరేషన్ తోపాటు, బుచ్చిరెడ్డిపాలం మున్సిపాల్టీ ఎన్నికల కౌంటింగ్ కూడా ఇదే రోజు జరుగుతుంది. ఇక్కడ మొత్తం 20వార్డుల ఫలితం తేలాల్సి ఉంది. ఏకగ్రీవాలు ఏవీ లేకపోవడంతో అన్ని వార్డుల్లోనూ ఎన్నికలు జరిగాయి. బుచ్చిరెడ్డిపాలెంలో డీఎల్ఎన్ఆర్ కాలేజీలో కౌంటింగ్ కేంద్రం ఏర్పాటు చేశారు. సాయంత్రానికి ఫలితాల వెల్లడి పూర్తవుతుంది. ఇప్పటికే అధికార పార్టీ అన్ని చోట్లా క్లీన్ స్వీప్ చేస్తామని ధీమాగా ఉంది, అటు ప్రతిపక్ష టీడీపీ మాత్రం ఎన్నికల్లో అక్రమాలు జరిగాయని, నిష్పక్షపాతంగా ఎన్నికలు జరిగి ఉంటే తమనే విజయం వరిస్తుందని అంటోంది.కుప్పంలో కూడా కౌంటింగ్‌కు ప్రత్యేక ఏర్పాట్లు తెలుగుదేశం పార్టీ చీఫ్ చంద్రబాబు ప్రాతినిధ్యం వహిస్తున్న కుప్పం మునిసిపల్ ఎన్నికల కౌంటింగ్ కు సర్వం సిద్ధమైంది. ఈ మున్సిపాలిటీకి తొలిసారిగా ఎన్నికలు జరిగాయి. పట్టణంలో మొత్తం 25 వార్డులు ఉన్నాయి. 14వ వార్డు ఏకగ్రీవం కావడంతో మిగిలిన 24 వార్డులకు ఎన్నికలు జరిగాయి. 87 అభ్యర్థులు బరిలో ఉన్నారు. మొన్న జరిగిన పోలింగ్‌లో 76.84శాతం మంది ఓటు హక్కు వినియోగించుకున్నారు. ఓట్లు లెక్కింపునకు అన్ని ఏర్పాట్లు చేసినట్లు ప్రకటించారు మునిసిపల్ కమిషనర్ వి.ఎస్.చిట్టి బాబు. MFC ప్రభుత్వ జూనియర్ ఒకేషనల్ కళాశాల వేదికగా కౌంటింగ్‌ జరగనుంది. ఓట్ల లెక్కింపులో 67 మంది సిబ్బంది పాల్గొంటారు. లెక్కింపు కోసం 14 టేబుల్స్ ఏర్పాటు చేశారు. కౌంటింగ్ హాల్ - 1లో మొదటి రౌండ్ లో 1,2,3,4,5,6,7, రెండో రౌండ్ లో 16,17,18,19,20,21,22, హాల్ – 2లో మొదటి రౌండ్ లో 8,9,10,11,12,13,15, రెండవ రౌండులో 23,24,25 వార్డులకు రెండు రౌండ్లలో ఓట్లు లెక్కింపు ప్రక్రియ పూర్తి అవుతుంది. 

17/11/2021 15:18:14

కుప్పంలో పోలీసుల ఆదేశాలు వైఎస్సార్ సీపీ కార్యకర్తలు బేఖాతర్

తిరుపతి: కుప్పంలో పోలీసుల ఆదేశాలు బేఖాతర్. మాజీ సీఎం, టీడీపీ అధినేత చంద్రబాబు ఇలాకాలో‌ వైఎస్సార్ సీపీ పాగా వేయడంతో పార్టీ కార్యకర్తలు బాణాసంచా కాల్చుతున్నారు. కుప్పంలో వైసీపీ శ్రేణుల విజయోత్సవాలు అంబరాన్ని అంటాయి. జెండాలతో వైసీపీ కార్యకర్తలు రోడ్లపై హల్ చల్ చేస్తున్నారు.

17/11/2021 15:14:12

నెల్లూరులో వైసీపీ క్లీన్ స్వీప్.. 54 డివిజన్లలోనూ విజయకేతనం

నెల్లూరు కార్పొరేష్ ఎన్నికల్లో 54 డివిజన్లకు గాను అన్నింటినీ వైసీపీ కైవసం చేసుకుంది. అధికారిక ప్రకటన తర్వాత అభ్యర్థులు ధృవీకరణ పత్రాలు తీసుకుని సంబరాల్లో మునిగిపోయారు. కొవిడ్ నిబంధనలు అమలులో ఉండటంతో ఎలాంటి విజయోత్సవాలకు అవకాశం లేదు. దీంతో అభ్యర్థులు కౌంటింగ్ రూమ్ నుంచి ఎలాంటి హడావిడి లేకుండా ధృవీకరణ పత్రాలు తీసుకెళ్లారు. వైసీపీ కార్యకర్తలు, అభిమానుల సందడి మాత్రం కొనసాగింది.

17/11/2021 15:07:41

తిరుపతి.. కుప్పం నగర పంచాయతీ పోల్స్ ఫలితాలు ఇలా..

తిరుపతి : కుప్పం మున్సిపల్ ఎన్నికల ఫలితాలు..

1వ వార్డు టిడిపి జగదీష్   ఓటమి 374 ఓట్లు  

వైసీపీ నాగరాజు గెలుపు 1028 ఓట్లు మెజార్టీ 654

2.వార్డు టిడిపి రోహిత్ కుమార్ ఓటమి 455 ఓట్లు     

వైసీపీ మునిరాజు గెలుపు  807 ఓట్లు మెజార్టీ 352

3.వార్డు టిడిపి వెంకటేష్ ఓటమి 497 ఓట్లు       

వైసీపీ అరవింద్  గెలుపు 595 ఓట్లు మెజార్టీ 98

4. వార్డు టిడిపి జ్ఞానవతి  ఓటమి 498 ఓట్లు        

వైసీపీ రాజమ్మ గెలుపు 713 ఓట్లు మెజార్టీ 215

5. వార్డు టిడిపి సెల్వరాజ్ గెలుపు 819 ఓట్లు    

వైసీపీ c.p మనోహర్ ఓటమి 663 ఓట్లు మెజార్టీ 156

6.వార్డు టిడిపి సరస్వతి ఓటమి 774 ఓట్లు    

వైసీపీ జయంతి గెలుపు 786 ఓట్లు మెజార్టీ 12

7. వార్డు టిడిపి రాజేష్ ఓటమి  439 ఓట్లు వైసీపీ 

నాగరాజు గెలుపు 739 ఓట్లు మెజార్టీ 300 

8. వార్డు టిడిపి కళ ఓటమి   451 ఓట్లు వైసీపీ 

చంద్రమ్మ గెలుపు 765  ఓట్లు మెజార్టీ 314

9. వార్డు టిడిపి నాగభూషణం నాయుడు ఓటమి   

711ఓట్లు వైసీపీ హఫీజ్ గెలుపు 788 ఓట్లు 

మెజార్టీ 77

10. వార్డు టిడిపి శోభా  ఓటమి 419 ఓట్లు           

వైసీపీ మమత గెలుపు 695 ఓట్లు మెజార్టీ 276

11. వార్డు టిడిపి కస్తూరి గెలుపు వైసీపీ 

వెంకటలక్ష్మి ఓటమి

12. వార్డు టిడిపి కోకిలమ్మ  ఓటమి 554 ఓట్లు        

వైసీపీ మాధవి గెలుపు 742 ఓట్లు మెజార్టీ 188

13.వార్డు టిడిపి నళిని   ఓటమి 506 ఓట్లు             

వైసీపీ హంస గెలుపు 621 ఓట్లు మెజార్టీ 115

14.వార్డు   వైసీపీ   మునస్వామి ఏకగ్రీవం...

15. వార్డు టిడిపి జయలక్ష్మి ఓటమి 518 ఓట్లు     

16. వైసీపీ తిలగవతి గెలుపు 981 ఓట్లు  మెజార్టీ 463

వార్డు టిడిపి హర్ష443      ఓటమి వైసీపీ dr. సుధీర్ 677 గెలుపు 238 మెజార్టీ

17. వార్డు టిడిపి శాంతి.     ఓటమి వైసీపీ దేవకీ గెలుపు

18. వార్డు టిడిపి షబానా560  గెలుపు వైసీపీ గీతా446 ఓటమి  మెజార్టీ 104

19.వార్డు టిడిపి దామోదర్.  456.గెలుపు వైసీపీ సునీల్. 359 కుమార్ ఓటమి. మెజార్టీ 97

20.వార్డు టిడిపి సోము 460   గెలుపు వైసీపీ మునిరత్నం309  ఓటమి. 152 మెజార్టీ

21. వార్డు టిడిపి శోభా.397      ఓటమి వైసీపీ లావణ్య404 గెలుపు మెజార్టీ 7

22. వార్డు టిడిపి సురేష్635.   గెలుపు వైసీపీ అరుణ్ 402 ఓటమి. మెజార్టీ23

23.వార్డు టిడిపి భారత 415        వైసీపీ గెలుపు 485 రాజ్ కుమార్. మెజార్టీ 69

24. వార్డు టిడిపి త్రిలోక్ .518 ఓటమి వైసీపీ సయ్యద్ అలీ528 గెలుపు 50 ఓట్లతో మెజార్టీ

25.వార్డు టీడీపీ గోమతి360 ఓటమి వైసీపీ మంజుల885. గెలుపు. 528  మెజార్టీ

17/11/2021 13:32:47

మంత్రి పెద్దిరెడ్డి రామచంద్రారెడ్డిని అభినందించిన సీఎం జగన్

కుప్పం మున్సిపల్‌ ఎన్నికలో ఘన విజయం సాధించినందుకు మంత్రి పెద్దిరెడ్డి రామచంద్రారెడ్డిని, జిల్లా పార్టీ నేతలను సీఎం వైఎస్‌ జగన్‌ అభినందించారు. మున్సిపల్ ఎన్నికల్లో వైఎస్సార్ సీపీ ఘన విజయం సాధిస్తున్న సందర్భంగా ఏపీ సీఎం వైఎస్ జగన్‌ను మంత్రి పెద్దిరెడ్డి రామచంద్రారెడ్డి మర్యాదపూర్వకంగా కలిశారు.

17/11/2021 13:31:00

తెలుగుదేశం పార్టీ చంద్రబాబుది కాదు.. మంత్రి పెద్దిరెడ్డి

తెలుగుదేశం పార్టీ చంద్రబాబుది కాదు.. ఎన్టీఆర్ కుటుంబం పార్టీ అని ఏపీ పురపాలక శాఖ మంత్రి పెద్ది రామచంద్రారెడ్డి వ్యాఖ్యానించారు. చంద్రబాబు హయాంలో ఏపీలో వర్షాలు పడలేదని, వైఎస్ జగన్ అధికారంలోకి వచ్చిన తరువాత భారీగా వర్షాలు కురిశాయని.. రోడ్లు సైతం అందుకే దెబ్బతిన్నాయంటూ టీడీపీకి చురకలంటించారు. 

17/11/2021 13:26:44

నెల్లూరు కార్పొరేషన్‌ 13 డివిజన్లలో వైఎస్సార్‌సీపీ విజయం.. కొనసాగుతున్న కౌంటింగ్

నెల్లూరు కార్పొరేషన్‌లో 46 డివిజన్లలో పోలింగ్ జరగగా.. ఫలితాలు వెలువడిన 13 డివిజన్లలోనూ అధికార పార్టీ వైఎస్సార్ సీపీ విజయం సాధించింది. 4, 14, 19, 26, 27, 28, 33, 34, 35, 39, 44, 45 డివిజన్లలో ఫలితాలు వచ్చాయి. మిగతా డివిజన్ల ఓటింగ్ ప్రక్రియ కొనసాగుతోంది.

17/11/2021 15:09:23

కుప్పంలో దూసుకెళ్లిన వైసీపీ.. రెండు వార్డులకు పరిమితమైన టీడీపీ

మున్సిపల్ ఎన్నికలు కౌంటింగ్ ప్రక్రియ ఇవాళ ఉదయం 8 గంటలకు కుప్పంలోని ఎం.ఏఫ్.సి ప్రభుత్వ జూనియర్ ఓకేషన కళాశాలలో రెండు కౌన్టింగ్ హాల్ నందు ఓట్లు లెక్కింపు నిర్వహించారు అధికారులు..ఇందులో 14 వార్డులకు సంబంధించి ఓట్లు లెక్కింపు లెక్కింపు పూర్తి కాగా.. 1, 2, 3,4, 6,7,8,9,12,13, 15 వార్డులో వైసీపి, 5,11 వార్డులలో టిడిపి అభ్యర్థులు గెలుపొందారు..

కుప్పం మున్సిపల్ ఫలితాలు..
వార్డు  గెలిచిన పార్టీ       మెజార్టీ 
1 వైసీపీ  654 ఓట్లు  
2 వైసీపీ  352 ఓట్లు
3 వైసీపీ  98 ఓట్లు
4 వైసీపీ  215 ఓట్లు
5 టీడీపీ  156 ఓట్లు
6 వైసీపీ  12 ఓట్లు
7 వైసీపీ  300  ఓట్లు
8 వైసీపీ  314 ఓట్లు
9 వైసీపీ  788 ఓట్లు 
10 వైసీపీ  276 ఓట్లు
11 టీడీపీ
12 వైసీపీ  188 ఓట్లు
13 వైసీపీ  115 ఓట్లు
14 వైసీపీ  ఏకగ్రీవం
15 వైసీపీ  463 ఓట్లు
16 వైసీపీ 234ఓట్ల మెజారిటీ
17. వైసీపీ
18. టీడీపీ 104 ఓట్లు 
19. టీడీపీ 97 ఓట్లు 
20. టీడీపీ 152 ఓట్లు 
21. వైసీపీ 7 ఓట్లు 
22. టీడీపీ 23 ఓట్లు 
23. వైసీపీ  69 ఓట్లు 
24. వైసీపీ 50 ఓట్లు 
25. వైసీపీ  528 ఓట్లు 

17/11/2021 12:17:08

నెల్లూరు నగర కార్పొరేషన్లో ఇప్పటి వరకు 12 డివిజన్లు వైసీపీ కైవసం

నెల్లూరు నగర కార్పొరేషన్లో ఇప్పటి వరకు 12 డివిజన్లు వైసీపీ కైవసం చేసుకుంది. 
8 ఏకగ్రీవం అయ్యాయి. 

ఈరోజు కౌంటింగ్ గెలిచిన వాళ్లు 

39వ డివిజన్ విజేత సన్ను నాగమణి (వైసీపీ) 
53వ డివిజన్ విజేత దేవరకొండ సుజాత (వైసీపీ) 
41వ డివిజన్ విజేత కువాకల్లు విజయలక్ష్మి (వైసీపీ)
28వ డివిజన్ విజేత చక్కా అహల్య (వైసీపీ)

17/11/2021 11:56:14

కాకినాడ నగరపాలక సంస్థ నాలుగు వార్డుల్లో మూడు వైసీపీ కైవశం

తూర్పు గోదావరి జిల్లా కాకినాడ నగరపాలక సంస్థ 4వార్డుల్లో జరిగిన ఎన్నికల్లో ౩ చోట్ల వైసీపీ అభ్యర్ధులు విజయకేతనం ఎగురవేశారు. 3, 9, 16, 30 వార్డులకు ఎన్నికలు జరగ్గా 3, 9, 30 వార్డులు వైఎస్‌ఆర్‌సీపీ పరమయ్యాయి. 30 వ వార్డులో  గెలుపొందిన వైసీపీ అభ్యర్థి రాగిరెడ్డి అరుణ్ కుమార్ రెండు వేల ఓట్ల మెజారిటీ సాధించారు. 

17/11/2021 11:53:36

పెనుకొండ నగర పంచాయతీ వైసీపీ వశం

అనంతపురం జిల్లా పెనుకొండ నగర పంచాయతీ ని కైవసం చేసుకున్న వైసిపి. 20 వార్డులకు గాను 18 వార్డులో  వైసిపి అభ్యర్థులు ఘన విజయం. రెండు వార్డుల్లో విజయం సాధించిన టిడిపి అభ్యర్థులు.

17/11/2021 11:44:55

జగ్గయ్యపేట కౌంటింగ్ కేంద్రంలో ఉద్రిక్తత..

జగ్గయ్యపేట కౌంటింగ్ కేంద్రంలో ఉద్రిక్తత చోటు చేసుకుంది. 13వ వార్డు టీడీపీ అభ్యర్థి 5 ఓట్లతో గెలుపొందారు. రీకౌంటింగ్‌కు వైఎస్‌ఆర్‌సీపీ పట్టుబట్టింది. వైఎస్‌ఆర్‌సీపీ ఎమ్మెల్యే ఉదయభాను రీకౌంటింగ్‌కు డిమాండ్ చేశారు. దగ్గరుండి రీకౌంటింగ్ చేయించారు. రీకౌంటింగ్‌లో కూడా ఐదు ఓట్ల మెజార్టి వచ్చిది.  రీకౌంటింగ్ సరిగ్గా లేదని ఉదయభాను అనుచరులు నినాదాలు చేశారు. దీంతో మూడోసారి రీకౌంటింగ్ చేపట్టారు. 

17/11/2021 11:39:35

నెల్లూరు నగర కార్పొరేషన్‌లో వైఎస్‌ఆర్‌సీపీ హవా

నెల్లూరు నగర కార్పొరేషన్లో ఇప్పటి వరకు 10 డివిజన్లు వైసీపీ కైవసం చేసుకుంది. 8 ఏకగ్రీవం కాగా ఇవాళ్టి లెక్కింపులో రెంటిండిని గెల్చుకుంది వైసీపీ.  

గెలిచింది వీళ్లే
39వ డివిజన్ విజేత సన్ను నాగమణి (వైసీపీ) 
53వ డివిజన్ విజేత గణేశం సుజాత (వైసీపీ)

17/11/2021 11:35:07

ప్రకాశం జిల్లా దర్శి నగర పంచాయతీ టీడీపీ కైవసం

ప్రకాశం జిల్లా దర్శి నగర పంచాయతీని ప్రతిపక్ష టీడీపీ కైవసం చేసుకుంది. మొత్తం 20 వార్డులకుగానూ టీడీపీ 13, వైఎస్సార్ సీపీ 7 వార్డుల్లో విజయం సాధించాయి.

17/11/2021 11:27:32

కుప్పంలో 11వ వార్డులో టీడీపీ విజయం.. రీకౌంట్ కోరిన వైసీపీ అభ్యర్థి

చిత్తూరు జిల్లా కుప్పం మున్సిపాలిటీ ఓట్ల లెక్కింపు కొనసాగుతోంది. 11వ వార్డులో టీడీపీ అభ్యర్థి కేవలం 6 ఓట్ల తేడాతో విజయం సాధించారు. వైఎస్సార్ సీపీ అభ్యర్థి రీకౌంటింగ్ కోరారు. అధికారులు మళ్లీ ఓట్ల లెక్కింపు మొదలుపెట్టారు.

17/11/2021 10:48:39

బేతంచర్ల నగర పంచాయతీ ఎన్నికల్లో వైఎస్సార్‌సీపీ హవా

కర్నూలు జిల్లా బేతంచర్ల నగర పంచాయతీ ఎన్నికల్లో అధికార పార్టీ వైఎస్సార్ సీపీ విజయం సాధించింది. 20, 19, 18, 14, 08, 17, 03, 04, 05, 07 వార్డుల్లో వైసీపీ అభ్యర్థులు విజయం సాధించగా, టీడీపీ అభ్యర్థులు 13, 15, 16, 06 వార్డుల్లో గెలుపొందారు.

17/11/2021 10:25:14

Kurnool municipality: కర్నూలు జిల్లా బేతంచెర్లలో వైసీపీ ఖాతాలో రెండు వార్డులు.. టీడీపీ ఖాతాలో మూడు వార్డులు

కర్నూలు జిల్లా బేతంచెర్ల మున్సిపల్ ఎన్నికల‌్లో ఫలితాలు వెల్లడవుతున్నాయి. 18వ వార్డు వైసీపీ అభ్యర్ధి బుగ్గన సుశీలమ్మ 127 ఓట్లతో  విజయం సాధించారు. 19 వ వార్డు వైసీపీ అభ్యర్థిని ఎమ్ పర్వీన్ 83 ఓట్లతో గెలుపొందారు. 13వ వార్డు టిడిపి అభ్యర్థిని ఎన్ కుమారి 75 ఓట్ల మెజార్టీతో విజయం...15 వార్డు టిడిపి అభ్యర్థి వెంకట సాయి కుమార్ 92 ఓట్లతో విజయం...16 వ వార్డు టిడిపి అభ్యర్థి గోపాల్ 118 ఓట్ల మెజార్టీతో విజయం సాధించారు

17/11/2021 10:03:10

కడప జిల్లా కమలాపురం, రాజంపేట మున్సిపల్ ఎన్నికల కౌంటింగ్

కడప జిల్లా కమలాపురం, రాజంపేట మున్సిపల్ ఎన్నికల కౌంటింగ్ మొదలైంది. కమలాపురంలో బాలికల పాఠశాలలో 20వార్డులకు ఇరవై టేబుళ్ళులో కౌంటింగ్ జరుగుతోంది. విధుల్లో 60మంది కౌంటింగ్ సిబ్బంది.. రాజంపేటలో అన్నమాచార్య బిఈడీ కళాశాలలో కౌంటింగ్ జరుగుతోంది. 29వార్డులకు ఇరవై టేబుళ్ళు ఏర్పాటు.. విధుల్లో 80మంది కౌంటింగ్ సిబ్బంది ఉన్నారు. మొదటి రౌండ్ లోనే ఫలితాలు వేలువడే అవకాశం ఉంది. కౌంటింగ్ కేంద్రాల వద్ద మూడంచెల భద్రతా వ్యవస్థ.. క్షుణ్ణంగా తనిఖీలు చేశాక అభ్యర్థులు, ఏజెంట్లను అనుమతిస్తున్నారు.

17/11/2021 09:04:08

కర్నూలు జిల్లా బేతంచర్లలో కౌంటింగ్ ప్రారంభం

కర్నూలు జిల్లాలోని బేతంచర్ల నగర పంచాయతీ ఎన్నికల  కౌంటింగ్ ప్రారంభమైంది. మొత్తం 20 వార్డులకు సంబంధించి కౌంటింగ్ ప్రక్రియ కొనసాగుతోంది. 20 వార్డులకు 20 టేబుళ్లు ఏర్పాటు చేసి ఓట్లు కౌంట్ చేస్తున్నారు అధికారులు. ఒకటే రౌండ్ లో ఓట్ల లెక్కింపు పూర్తి అవుతుంది. 

17/11/2021 09:00:01

కుప్పంలో నిల్‌ పోస్టల్ బ్యాలెట్..

కుప్పం ఎం.ఎఫ్.సి.కౌంటింగ్ కేంద్రం వద్ద గందరగోళం నెలకొంది. కౌంటింగ్ ప్రారంభమైనా అభ్యర్థులను మాత్రమే లోపలికి పంపించి ఏజెంట్లను పంపకపోవడంపై ఆగ్రహం. సుమారు రెండు గంటలుగా కౌంటింగ్ కేంద్రం ముందే ఏజెంట్ల పడిగాపులు కాస్తున్నారు. కుప్పంలో ఒక్కటంటే ఒక్క పోస్టల్ బ్యాలెట్ కూడా పోల్ కాలేదు. ఏ ప్రభుత్వ ఉద్యోగి కూడా ఓటు వేసేందుకు ఆసక్తి చూపనట్టే తెలుస్తోంది. దీంతో నేరుగా బ్యాలెట్ బాక్స్‌ల్లోని ఓట్లు లెక్కిస్తున్నారు అధికారులు 

17/11/2021 08:27:08

Nellore: నెల్లూరు నగరంలో పోలీస్ పహారా.. ప్రశాంతంగా మొదలైన కౌంటింగ్..

నెల్లూరు నగర కార్పొరేషన్ ఎన్నికల కౌంటింగ్ మొదలైంది. ఉదయాన్నే సిబ్బంది నగరంలోని డీకే డబ్ల్యూ కాలేజీలో ఏర్పాటు చేసిన కౌంటింగ్ కేంద్రానికి చేరుకున్నారు. కార్పొరేషన్లో మొత్తం 54 డివిజన్లు ఉండగా, అందులో 8 ఏకగ్రీవం అయ్యాయి. ప్రస్తుతం 46 డివిజన్లకు సంబంధించిన ఫలితాలు నేడు తేలబోతున్నాయి. 600 మంది భద్రతా సిబ్బందితో కౌంటింగ్ కోసం బందోబస్తు ఏర్పాటు చేశారు ఎస్పీ విజయరావు. కౌంటింగ్ నేపథ్యంలో నగరంలో ఎలాంటి అవాంఛనీయ సంఘటనలు జరక్కుండా ఎక్కడికక్కడ పోలీసులను మోహరించారు.

17/11/2021 08:15:50

నెల్లూరు నగరంలో ప్రశాంతంగా మొదలైన కౌంటింగ్..

నెల్లూరు నగర కార్పొరేషన్ ఎన్నికల కౌంటింగ్ మొదలైంది. ఉదయాన్నే సిబ్బంది నగరంలోని డీకే డబ్ల్యూ కాలేజీలో ఏర్పాటు చేసిన కౌంటింగ్ కేంద్రానికి చేరుకున్నారు. కార్పొరేషన్లో మొత్తం 54 డివిజన్లు ఉండగా, అందులో 8 ఏకగ్రీవం అయ్యాయి. ప్రస్తుతం 46 డివిజన్లకు సంబంధించిన ఫలితాలు నేడు తేలబోతున్నాయి. 600 మంది భద్రతా సిబ్బందితో కౌంటింగ్ కోసం బందోబస్తు ఏర్పాటు చేశారు ఎస్పీ విజయరావు. కౌంటింగ్ నేపథ్యంలో నగరంలో ఎలాంటి అవాంఛనీయ సంఘటనలు జరక్కుండా ఎక్కడికక్కడ పోలీసులను మోహరించారు.