Social media satire on Jaga s new capital proposal: ఆంధ్రప్రదేశ్ రాజధాని విషయంలో గత ఐదేళ్లుగా రకరకాల ప్రయోగాలు చేసిన వైఎస్సార్ కాంగ్రెస్ పార్టీ అధినేత జగన్ రెడ్డి, తాజాగా మావిగన్ అనే కొత్త పేరును తెరపైకి తెచ్చి నెటిజన్లకు పెద్ద పని చెప్పారు. అమరావతికి పార్లమెంట్లో చట్టబద్ధత కల్పిస్తున్న తరుణంలో, ఆయన ఈ వింత పేరును ప్రతిపాదించడం చర్చనీయాంశమైంది. అక్షరాలను కలిపి ఏదో ఇంటర్నేషనల్ బ్రాండ్ పేరులా మావిగన్ అని పిలవడం చూస్తుంటే, ఆయన రాజకీయాల కంటే కూడా పేర్లు పెట్టే ప్రక్రియలోనే ఎక్కువ సమయం గడుపుతున్నారా అని సోషల్ మీడియాలో సెటైర్లు పేలుతున్నాయి. గతంలో మూడు రాజధానులన్నారని, ఇప్పుడు ఈ కొత్త గన్ ఎక్కడి నుండి వచ్చిందని జనం జోకులు వేసుకుంటున్నారు.
జగన్ రాజధానులపై యూటర్నులను వెటకారం చేస్తున్నారు. నెటిజన్లు రకరకాల మీమ్స్తో ఎంజాయ్ చేస్తున్నారు. ఒక బాధ్యతాయుతమైన ప్రతిపక్ష నేతగా ఉండాల్సిన వ్యక్తి, ఇలాంటి అల్లాటప్పా పేర్లతో హాస్యాస్పదంగా మారడంపై జోకులేస్తున్నారు.
సోషల్ మీడియాలో అయితే మావిగన్ పేరుపై రచ్చ మామూలుగా లేదు. మావిగన్ అంటే ఏదో కొత్త రకం తుపాకీ పేరులా ఉంది అని కొందరు, సీజన్ మారినప్పుడల్లా రాజధాని పేరు మార్చడం జగన్ కే చెల్లింది అని మరికొందరు కామెంట్ చేస్తున్నారు. వాట్సాప్ గ్రూపులు, ఎక్స్ వేదికగా జగన్ మోహన్ రెడ్డి పాత వీడియోలను, ఇప్పటి మావిగన్ మాటలను కలిపి పేరడీ వీడియోలు సృష్టిస్తున్నారు. ఒక సీరియస్ రాజకీయ అంశాన్ని జగన్ తన వింత ప్రతిపాదనలతో కామెడీ షోగా మార్చేశారని, అందుకే ఆయనను విమర్శించాలన్నా జాలి వేస్తోందని నెటిజన్లు పాపం జగన్ అంటూ హ్యాష్ ట్యాగ్లు ట్రెండ్ చేస్తున్నారు.
అమరావతిని అడ్డుకోవడానికి జగన్ మోహన్ రెడ్డి రెడ్డి ఎన్ని దారులు వెతికినా చివరకు ఇలాంటి సిల్లీ ప్రతిపాదనల దగ్గరే ఆగిపోతున్నారనే విమర్శలు వ్యక్తమవుతున్నాయి. పార్లమెంట్ చట్టం చేస్తున్నా సరే, ఇంకా ఏదో ఒక వింత పేరుతో కాలయాపన చేయడం వల్ల ఆయనకే నష్టమని సొంత పార్టీ నేతలు కూడా లోలోపల మదనపడుతున్నట్లు ప్రచారం జరుగుతోంది. మొత్తానికి మావిగన్ పేరుతో జగన్ రెడ్డి తన రాజకీయాల్లో మరో సెల్ఫ్ గోల్ వేసుకున్నారని, ఇది రాష్ట్ర ప్రజలకు ఒక పెద్ద కుళ్లు జోక్ లా మిగిలిపోతుందని రాజకీయ వర్గాల్లో చర్చ జరుగుతోంది.