Breaking News Live Telugu Updates:ఎమ్మెల్సీ ఎన్నికల కౌంటింగ్- వైసీపీ ఖాతాలో ఆరు, టీడీపీకి ఒకటి
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
ఎమ్మెల్యే కోట ఎమ్మెల్సీ ఎన్నికల కౌంటింగ్ ముగిసింది. ఈ ఎన్నికల్లో ఆరు స్థానాలు వైసీపీ గెలుచుకోగా, ఒకటి టీడీపీ ఖాతాలో వేసుకుంది. అనూహ్యంగా టీడీపీ అభ్యర్థి పంచుమర్తి అనురాధ విజయం సాధించగా, వైసీపీ అభ్యర్థి కోలా గురువులు ఓటమి పాలయ్యారు.
1.మర్రి రాజశేఖర్ (వైఎస్ఆర్ సీపీ)
2.పోతుల సునీత (వైఎస్ఆర్ సీపీ)
3. జయమంగళ వెంకట రమణ (వైఎస్ఆర్ సీపీ)
4.ఏసు రత్నం (వైఎస్ఆర్ సీపీ)
5.సూర్యనారాయణ రాజు (వైఎస్ఆర్ సీపీ)
6.ఇజ్రాయిల్ (వైఎస్ఆర్ సీపీ)
7. టీడీపీ నుంచి పంచుమర్తి అనురాధ గెలపు
ఎమ్మెల్యే కోటా ఎమ్మెల్సీ ఎన్నికల్లో టీడీపీ అభ్యర్థి పంచుమర్తి అనురాధ గెలుపొందారు. ఆమె 23 ఓట్లు సాధించారు.
ఉత్కంఠ రేపుతున్న ఎమ్మెల్సీ ఎన్నికల కౌంటింగ్
మొదటి గంటలో 50 ఓట్లు లెక్కింపు పూర్తి
- మర్రి రాజశేఖర్ - 16 ఓట్లు
- సూర్య నారాయణ రాజు - 19 ఓట్లు
- యేసు రత్నం - 07 ఓట్లు
- బొమ్మి ఇజ్రాయిల్ - 07 ఓట్లు ( రెండో ప్రాధాన్యత ఓటు)
- పంచమర్తి అనురాధ - 06 ఓట్లు ( మొదటి ప్రాధాన్యత ఓటు )
- వ్యక్తిగత డేటా చోరీ చేస్తున్న ముఠాను అరెస్ట్ చేసిన సైబరాబాద్ పోలీసులు
- దేశవ్యాప్తంగా కోట్ల మంది డేటా ను చోరీ చేసిన ముఠా
- ఆధార్, పాన్, బ్యాంకు అకౌంట్‌ లకు సంబంధించిన డేటా చోరీ
- పలు ఆన్ లైన్ వెబ్ సైట్ల నుండి డేటాను చోరీ చేస్తున్న ముఠా
- పాన్ ఇండియా గవర్నమెంట్ ఉద్యోగుల డేటాతో పాటు పలు బ్యాంకుల క్రెడిట్ కార్డ్ ల డేటా, పాన్ కార్డ్, పాలసీ బజార్ వంటి పేరున్న ఆర్గనైజేషన్ ల నుండి డేటా చోరీ
- చోరీ చేసిన డేటాను అమ్ముకుంటున్న ముఠా, దేశ వ్యాప్తంగా అరెస్ట్ లు
- సైబరాబాద్ పరిధిలో 6 మంది సభ్యుల ముఠా అరెస్ట్
- నాగపూర్, ఢిల్లీ, ముంబయికి చెందిన ముఠాగా గుర్తించిన సైబరాబాద్ పోలీసులు
ఎమ్మెల్యే కోటా ఎమ్మెల్సీ ఎన్నికల్లో ఏపీ అసెంబ్లీలో మొత్తం 175 మంది ఎమ్మెల్యేలకు గాను ఇప్పటివరకు 173 మంది తమ ఓటు హక్కును వినియోగించుకున్నారు. టీడీపీ అధినేత చంద్రబాబు, ఆ పార్టీ ఎమ్మెల్యేలు కూడా కాసేపటి క్రితమే ఓటు వేశారు.
ఆంధ్రప్రదేశ్ ఎమ్మెల్సీ ఎన్నికల్లో మొత్తం 175 ఎమ్మెల్యేలకు గాను ఇప్పటివరకు 167 మంది తమ ఓటు హక్కును వినియోగించుకున్నారు.
సీఎం కేసీఆర్ పంట నష్టాన్ని అంచనా వేసేందుకు వర్ష ప్రభావిత ప్రాంతాల్లో పర్యటిస్తున్నారు. ఖమ్మం జిల్లా బోనకల్‌ మండలం రావినూతలకు సీఎం కేసీఆర్ చేరుకున్నారు. అకాల వర్షాలకు దెబ్బతిన్న పంటలను హెలికాప్టర్‌ నుంచే పరిశీలించారు. ఖమ్మం జిల్లాలో పర్యటన అనంతరం మహబూబాబాద్‌ జిల్లాకు సీఎం కేసీఆర్ వెళ్లనున్నారు. మహబూబాబాద్‌ జిల్లా పెద్దవంగర మండలం రెడ్డికుంటతండాకు చేరుకుని దెబ్బతిన్న పంటలను సీఎం కేసీఆర్ పరిశీలిస్తారు.
ఎమ్మెల్యే కోటా ఎమ్మెల్సీ ఎన్నికల్లో ఓటు వేసేందుకు ఉండవల్లి లోని టీడీపీ అధినేత నారా చంద్రబాబు నాయుడు నివాసం నుంచి అసెంబ్లీ కి బయలుదేరిన ఎమ్మెల్యేలు
మొత్తం 175 ఎమ్మెల్యేలకు గాను ఇప్పటివరకు 149 మంది తమ ఓటు హక్కును వినియోగించుకున్నారు.
మాజీ మంత్రి ధర్మాన కృష్ణ దాసు, ఎమ్మెల్యే జి శ్రీకాంత్ రెడ్డి, సామినేని ఉదయభాను, పర్వత శ్రీ పూర్ణచంద్ర ప్రసాద్, కోరముట్ల శ్రీనివాసులు, వల్లభనేని వంశీ మోహన్ తదితరులు తమ ఓటు హక్కును వినియోగించుకున్నారు.
- శ్రీకాకుళం జిల్లా రణస్థలం మండలం కోష్ట గ్రామంలో ఉగాది పంచాంగ శ్రవణం, శ్రీరామనవమి ఏర్పాట్లలో ఉద్రిక్తత
- గ్రామస్థుల సమావేశంలో టీడీపీ - వైఎస్ఆర్ సీపీ వర్గాల మధ్య వివాదం
- శ్రీరామ నవమి ఉత్సవాల అంకురార్పణ పందిరాటపై టీడీపీ వర్గం అభ్యంతరం
- వైసీపీ శ్రేణులు బలవంతంగా పందిరి రాట వేసారని ఆందోళనకు దిగిన టీడీపీ శ్రేణులు
- రంగంలోకి దిగిన పోలీసులు ఇరువర్గాలతో చర్చలు
- వైఎస్ఆర్ సీపీ ఏమ్మెల్యేకు వ్యతిరేకంగా నినాదాలు
ఉప మంత్రి (ఆబ్కారీ) నారాయణస్వామి, రాష్ట్ర మంత్రులు గుడివాడ అమర్నాథ్, ఉషశ్రీ చరణ్, దాడిశెట్టి రాజా, ఎమ్మెల్యే నంబూరి శంకర్రావు, మేకతోటి సుచరిత కూడా ఎమ్మెల్సీ ఎన్నికల్లోె తమ ఓటు హక్కును వినియోగించుకున్నారు.
ఎమ్మెల్సీ ఎన్నికల్లో రాష్ట్ర మంత్రులు ధర్మాన ప్రసాదరావు, మాజీ మంత్రి పాముల పుష్ప శ్రీవాణి, ఎమ్మెల్యే జక్కంపూడి రాజా, కొలుసు పార్థసారథి తదితరులు తమ ఓటు హక్కును వినియోగించుకున్నారు
ఆంధ్రప్రదేశ్ అసెంబ్లీలో జరగుతున్న ఎమ్మెల్సీ ఎన్నికల్లో మొత్తం 175 మంది ఎమ్మెల్యేలకు గాను ఇప్పటివరకు 35 మంది తమ ఓటు హక్కును వినియోగించుకున్నారు.
ఎమ్మెల్యే కోటాలోని ఏడు ఎమ్మెల్సీ స్థానాలకు నేటి ఉదయం 9 గంటలకు వెలగపూడిలోని ఆంధ్రప్రదేశ్ రాష్ట్ర శాసనసభ మొదటి అంతస్తులో ప్రారంభమైంది. తొలుత రాష్ట్ర ముఖ్యమంత్రి వైఎస్ జగన్మోహన్ రెడ్డి తమ ఓటు హక్కును వినియోగించుకోనున్నారు. ఈ ఎన్నికల్లో చంద్రబాబు కూడా ఓటు వేయనున్నారు. ఇందుకోసం ఆయన నేడు ఏపీ అసెంబ్లీకి రానున్నారు.
ఎమ్మెల్యేల కోటాలో ఖాళీ అయిన ఏడు ఎమ్మెల్సీ స్థానాలకు కాసేపట్లో పోలింగ్ జరగనుంది. అసెంబ్లీ ప్రాంగణంలో పోలింగ్‌కు ఎన్నికల సంఘం అన్ని ఏర్పాట్లు చేసింది. శాసనసభలో మొత్తం సభ్యుల సంఖ్య 175. ఇందులో వైఎస్సార్‌ సీపీకి 151 మంది సభ్యులు ఉండగా.. టీడీపీకి అధికారికంగా 23 మంది ఉన్నారు. జనసేన నుంచి ఒకరు ఉన్నారు. అయితే కొన్నాళ్లుగా నలుగురు సభ్యులు టీడీపీకి దూరంగా ఉంటుండగా, టీడీపీకి 19 మంది సభ్యుల బలం మాత్రమే ఉంది. వైఎస్ఆర్ సీపీ నుంచి ఏడుగురు, టీడీపీ నుంచి
Background
తెలంగాణలో మార్చి 24, 25 తేదీల్లో రెండ్రోజుల పాటు వర్షాలు కురిసే అవకాశముందని వాతావరణశాఖ తెలిపింది. సోమవారం తమిళనాడు నుంచి ఉన్న ద్రోణి మంగళవారం నాటికి దక్షిణ శ్రీలంక నుంచి తమిళనాడు, రాయలసీమ, తెలంగాణ మీదుగా మధ్యప్రదేశ్‌ వరకు విస్తరించింది. దీని ఫలితంగానే రాష్ట్రంలోని పలుచోట్ల అక్కడక్కడా ఓ మోస్తరు జల్లులు కురుస్తాయని వాతావరణశాఖ పేర్కొంది.పగటి, రాత్రి ఉష్టోగ్రతలు సాధారణం కంటే మూడు డిగ్రీలు తక్కువగా నమోదవుతాయని వాతావరణశాఖ పేర్కొంది.
తెలంగాణలో వాతావరణ స్థితి
తెలంగాణ రాష్ట్రంలో కొన్ని జిల్లాల్లో అక్కడక్కడ ఉరుములు, మెరుపులతో కూడిన వర్షం కురిసే అవకాశం ఉందని హైదరాబాద్ వాతావరణ విభాగం అధికారులు తెలిపారు. పలు చోట్ల ఉరుములు, మెరుపులతో వర్షాలు పడతాయని చెప్పారు. అలాగే, 25వ తేదీ నుంచి మూడు రోజుల పాటు ఎల్లో అలర్ట్ కూడా జారీ చేశారు. ఇక చలి విషయంలో రాష్ట్రం మొత్తం సాధారణ ఉష్ణోగ్రతలే ఉండగా, భద్రాద్రి కొత్తగూడెం, నల్గొండ, సూర్యాపేట, ఖమ్మం జిల్లాల్లో మాత్రం నేడు చలి విషయంలో ఎల్లో అలర్ట్ జారీ చేశారు.
హైదరాబాద్ లో ఇలా
‘‘ఆకాశం పాక్షికంగా మేఘాలు పట్టి ఉంటుంది. ఉదయం సమయంలో పొగమంచు ఏర్పడే అవకాశం ఉంది. రాత్రి సమయంలో ఉరుములతో కూడిన మేఘాలు ఏర్పడే అవకాశం ఉంది. గరిష్ఠ, కనిష్ఠ ఉష్ణోగ్రతలు వరుసగా 34 డిగ్రీలు, 21 డిగ్రీలుగా ఉండే అవకాశం ఉంది. ఆగ్నేయ దిశ నుంచి గాలులు గంటకు 4 నుంచి 8 కిలో మీటర్ల వేగంతో వీచే అవకాశం ఉంది’’ అని వెదర్ బులెటిన్ లో పేర్కొ్న్నారు. నిన్న గరిష్ఠ ఉష్ణోగ్రత 34.4 డిగ్రీలు, కనిష్ఠ ఉష్ణోగ్రత 20 డిగ్రీలుగా నమోదైంది.
ఏపీలో వర్షాలు ఇలా
ఏపీలోని దాదాపు అన్ని ప్రాంతాల్లో ఆకాశం మేఘావృతమై జల్లులు పడుతున్నాయి. నేడు కూడా ఉత్తర కోస్తా, యానాం ప్రాంతాల్లో తేలికపాటి నుంచి ఓ మోస్తరు వర్షాలు ఉరుములతో కూడిన జల్లులు కొన్ని చోట్ల కురిసే అవకాశం ఉంది. ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశం ఉంది. దక్షిణ కోస్తాలో కూడా తేలికపాటి నుంచి ఓ మోస్తరు వర్షాలు ఉరుములు, మెరుపులతో కూడిన జల్లులు కొన్ని చోట్ల కురిసే అవకాశం ఉందని అమరావతిలోని వాతావరణ కేంద్రం అధికారులు తెలిపారు.
ఢిల్లీలో వాతావరణం ఇలా..
ఐదు నెలల్లో ఢిల్లీలో అత్యంత స్వచ్ఛమైన గాలి మంగళవారం నమోదైంది. ఎయిర్ క్వాలిటీ ఇండెక్స్ (AQI) 75కి మెరుగుపడిన తర్వాత పరిస్థితి 'సంతృప్తికరమైన' కేటగిరీలో ఉంది. అంతకుముందు ఢిల్లీలో గతేడాది అక్టోబర్ 11న ఏక్యూఐ 66 కంటే తక్కువగా నమోదైంది. వర్షం, బలమైన గాలులు ఢిల్లీ గాలిని క్లియర్ చేశాయి.
- - - - - - - - - Advertisement - - - - - - - - -