YS Sharmila : ఏపీ కాంగ్రెస్ అధ్యక్షురాలు షర్మిల తన భద్రతపై మరో సారి కీలక వ్యాక్యలు చేశారు. ఏపీ పీసీసీ అధ్యక్షురాలిగా తాను విస్తృతంగా పర్యటించాల్సి ఉన్నా.. రక్షణ కావాలని అడిగినా ప్రభుత్వం స్పందించడం లేదని ఆరోపించారు. మహిళా అని చూడకుండా, కనీసం మేము అడిగినా కూడా మాకు సెక్యూరిటీ కల్పించడం లేదు అంటే మీకు ప్రజాస్వామ్యం గురించి చిత్తశుద్ధి ఉందా అని ప్రశ్నించారు. ప్రజాస్వామ్యం అని అసలు మీకు గుర్తుందా అని మండిపడ్డారు. బాపట్లలో జరగనున్న రచ్చబండ కార్యక్రమంలో పాల్గొనేందుకు వచ్చిన షర్మిల విజయవాడ ఎయిర్ పోర్టు వద్ద మీడియాతో మాట్లాడారు. మీకు సెక్యూరిటీ ఉంటే సరిపోతుందా మిగతా వారికి మిగతా నాయకులకు ప్రజలకు భరోసా కల్పించవలసిన పరిస్థితి ప్రతిపక్షాలకు రక్షణ కల్పించవలసిన పరిస్థితి లేదా అని ప్రభుత్వాన్ని ప్రశ్నించారు. అంటే మా చెడు కోరుకుంటున్నారనే కదా అర్థం. ఇదెక్కడి ప్రజాస్వామ్యం అని మండిపడ్డారు.
ఏపీకి జరిగిన అన్యాయంపై ఎవరూ మాట్లాడటం లేదు !
అసెంబ్లీ సమావేశంలో ఈసారైనా ప్రతిపక్షమైన పాలకపక్షమైన ఆంధ్ర రాష్ట్రానికి జరుగుతున్న అన్యాయం గురించి ఆలోచించవలసిన పరిస్థితి ఉందన్నారు. ప్రతిపక్ష నాయకుడు చంద్రబాబుకు ముఖ్యమంత్రి జగన్ కి లేఖల రూపంలో ఆంధ్ర రాష్ట్ర ప్రజలు యొక్క హక్కుల తీర్మానం చేయాలని సూచించడం జరిగిందన్నారు. ప్రత్యేక హోదా ఆంధ్ర రాష్ట్ర ప్రజల హక్కు..పోలవరం ప్రాజెక్టు ఆంధ్ర రాష్ట్ర ప్రజల హక్కు.. రాజధాని కలను సాకారం చేసుకోవడానికి ఆంధ్ర రాష్ట్ర ప్రజలకు హక్కు ఉందన్నారు. అయితే గత పది ఏళ్లుగా కేంద్ర ప్రభుత్వం లో ఉన్నది బీజేపీ అయినా సరే ఒక్క సంవత్సరం కూడా ఆంధ్ర గురించి ఆలోచించలేదని ఆరోపించారు.
చంద్రబాబు, జగన్ ఇద్దరూ రాష్ట్రం గురించి ఆలోచించలేదు !
రాష్ట్రం విడిపోయిన తర్వాత ఐదు సంవత్సరాలు చంద్రబాబు నాయుడు ఐదు సంవత్సరాలు జగన్ ముఖ్యమంత్రిగా ఉన్నా ఏ ఒక్కరూ రాష్ట్రం గురించి ఆలోచించలేదన్నారు. వాళ్ళ స్వలాభం కోసం ప్రజల ప్రయోజనాలు తాకట్టు పెట్టారని విమర్శించారు. ఈ సారైనా సరే అసెంబ్లీ సమావేశంలో ఆంధ్ర రాష్ట్ర హక్కుల తీర్మానాన్ని ప్రజల కోసం పాస్ చేయాలని డిమాండ్ చేశారు. ఆంధ్ర కి ప్రత్యేక హోదా బిజెపి పార్టీ ఎందుకు ద్రోహం చేసిందో పోలవరం ఎందుకు దోహం చేసిందో వీటన్నిటి గురించి అసెంబ్లీలో చర్చలు జరిగి తీర్మానాన్ని ప్రెసిడెంట్ కి కేంద్ర ప్రభుత్వానికి పంపాలని డిమాండ్ చేస్తున్నానన్నారు.
జగన్, చంద్రబాబులకు ప్రజల గురించి ఆలోచించే తీరిక లేదు !
ఒకరేమో కుర్చీ ఎలా కాపాడుకోవాలని ఒకరేమో కుర్చీ ఎలా సంపాదించాలి అనే పనిలో ఉన్నారని విమర్శించారు. జగన్మోహన్ రెడ్డికి చంద్రబాబు నాయుడుకి రాష్ట్ర ప్రజల గురించి ఆలోచించే పరిస్థితి లేదన్నారు. బిజెపి పొత్తు పార్టీలైన వైసిపి టిడిపి జనసేన పార్టీలను ఇంటికి పంపించాలని కాంగ్రెస్ పార్టీని ఆశీర్వదిస్తేనే మనకు ప్రత్యేక హోదా సాధ్యమవుతుందని పిలుపునిచ్చారు. కాంగ్రెస్ పార్టీ ఏపీ సీసీ అధ్యక్షురాలిని నేను రాష్ట్రంలో తిరిగే పరిస్థితి ఉంది కాబట్టి రాష్ట్ర ప్రభుత్వం నాకు భద్రత కల్పించాలని స్పష్టం చేశారు.