Breaking News Live: తిరుపతి బస్సు స్టాండ్ వద్ద మద్యం మత్తులో యువకులు హల్ చల్

ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.

Background

తెలుగు రాష్ట్రాల్లో ఎండల తీవ్రత అధికమైంది. మధ్యాహ్నం వేళ ఇంటి నుంచి కాలు బయటపెట్టాలంటే భయపడే పరిస్థితులు ఉన్నాయి. ఏపీ, తెలంగాణలో కొన్ని జిల్లాల్లో 44 డిగ్రీల వరకు పగటి ఉష్ణోగ్రత నమోదయ్యే అవకాశం ఉంది. ఇకనుంచి రాయలసీమలో 41 నుంచి 44 డీగ్రీల మధ్యలో ఎండలు ఉంటాయని ప్రజలు చాలా అప్రమత్తంగా ఉండాలని వాతావరణ కేంద్రం హెచ్చరించింది. ఉత్తర కోస్తాంధ్ర, యానాంలో పగటి ఉష్ణోగ్రత 40 కంటే తక్కువగా నమోదవుతున్నాయి. వాతావరణ కేంద్రం కొన్నిజిల్లాలకు ఎల్లో అలర్ట్ జారీ, అధిక ప్రభావం ఉండే జిల్లాలకు ఆరెంజ్ అలర్ట్ జారీ చేసింది. ఉత్తర కోస్తాంధ్ర, యానాంలో..ఏపీలోకి ఉత్తర కోస్తాంధ్ర, యానాంలలో వాతావరణం పొడిగా మారింది. విశాఖపట్నం, విజయనగరం, శ్రీకాకుళం,  ఉభయ గోదావరి జిల్లాల్లో ఎండల తీవ్రత 40 డిగ్రీల దాక ఉండనుంది. ప్రజలు మధ్యాహ్నం వేళ ఎండలో బయట తిరగకూడదదని, అవసరమైతే గొడుకు తీసుకుని బయటకు వెళ్లాలని, రోజుకు 5 లీటర్ల నీరు తాగాలని వాతావరణ శాఖ, వైద్య నిపుణులు సూచించారు. ఈ ప్రాంతాల్లో అత్యధికంగా కావలిలో 37 డిగ్రీల పగటి ఉష్ణోగ్రత నమోదు కాగా, నందిగామలో 36.6 డిగ్రీలు, నెల్లూరులోనూ 36.6 డిగ్రీలు, విజయవాడలో 35.6 డిగ్రీలు, జంగమేశ్వరపురంలో 35.2 డిగ్రీల మేర ఉష్ణోగ్రలు ఉన్నాయి.దక్షిణ కోస్తాంధ్ర, రాయలసీమ..రాయలసీమ, దక్షిణ కోస్తాంధ్ర జిల్లాల్లో ఎండలు మండిపోతున్నాయి. పెరుగుతున్న వడగాల్పుల వల్ల ఈ రోజు చిత్తూరు, కడప​, కర్నూలు, అనంతపురం జిల్లాలో 40 నుంచి 44 డిగ్రీల దాక ఎండల తీవ్రత ఉంటుంది. రాయలసీమ జిల్లాల్లో కొనసాగుతున్న వేడిగాలుల నుంచి కాస్తంత ఉపశమనం ఉండే అవకాశాలు కనిపిస్తున్నాయి. గత మూడు రోజులుగా 43 నుంచి 45 డిగ్రీలు దాక ఉష్ణోగ్రతలు నమోదవుతున్నాయి. తిరుపతి, నెల్లూరు పరిసరాల్లో నిన్న తెల్లవారుజామున స్వల్ప భూకంపం వచ్చింది. తిరుపతి నగరం నుంచి 85 కిలోమీటర్ల దూరంలో భూకంపం సంభవించింది. దీని తివ్రత మరీ ఎక్కువగా లేదు. రిక్టర్ స్కేల్ మీద 3.6 నమోదయ్యింది. దీని వల్ల ఎటువంటి ప్రాణ​, ఆస్త్రి నష్టం జరగదు. మన కోస్తాంధ్ర తీరంలో ఇలాంటి స్వల్ప భూకంపం రావడం చాలా సహజం.తెలంగాణ వెదర్ అప్‌డేట్స్..తెలంగాణలో ఉష్ణోగ్రతలు 2 నుంచి 3 డిగ్రీల మేర పెరిగే అవకాశం ఉందని హైదరాబాద్ వాతావరణ కేంద్రం తెలిపింది. ఆదిలాబాద్, నల్గొండ, మహబూబ్ నగర్, మెదక్, నిజామాబాద్ జిల్లాల్లో ఎండలు మండిపోతున్నాయి. ఆదిలాబాద్‌లో 42.3 డిగ్రీలు, మహబూబ్ నగర్‌లో 39.2 డిగ్రీలు, నల్గొండలో 39.5 డిగ్రీలు, మెదక్‌లో 41.2 డిగ్రీలు, నిజామాబాద్‌లో 39.5 డిగ్రీల మేర పగటి ఉష్ణోగ్రతలు నమోదయ్యాయని వాతావరణ కేంద్రం తెలిపింది. ఎక్కువ ఎండలతో ఉక్కపోత, తేమ అధికం అవుతాయి. తెలుగు రాష్ట్రాల్లో బంగారం ధర నేడు (Todays Gold Rate) నిన్నటితో పోలిస్తే స్థిరంగా ఉంది. ఉక్రెయిన్ - రష్యా యుద్ధ వాతావరణంతో కొద్ది రోజులుగా ప్రపంచవ్యాప్తంగా బంగారం ధరలు భారీ ఎత్తున పెరిగిన సంగతి తెలిసిందే. వెండి ధర కూడా నేడు నిలకడగానే ఉంది. తాజాగా 22 క్యారెట్ల 10 గ్రాముల (తులం) బంగారం ధర, ఇవాళ హైదరాబాద్‌ (Hyderabad Gold Rate) మార్కెట్‌లో రూ.47,950 గా ఉంది. 24 క్యారెట్ల ప్యూర్ బంగారం ధర ప్రస్తుతం రూ.52,460 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో నేడు రూ.71,300 వద్ద ఉంది. తెలంగాణ వ్యాప్తంగా మిగతా నగరాల్లోనూ ఇవే ధరలు అమల్లో ఉంటున్నాయి.ఏపీలో బంగారం రేట్లు ఇవీ.. (Gold Rates in Andhrapradesh)ఇక విశాఖపట్నం (Gold Rate in Vizag) మార్కెట్‌లోనూ 22 క్యారెట్ల బంగారం ధర రూ.47,950 గా ఉండగా.. 24 క్యారెట్ల బంగారం ధర రూ.52,310గా ఉంది. ఇక్కడ వెండి ధర హైదరాబాద్ తరహాలోనే కిలో రూ.71,460 గా ఉంది. విజయవాడలో పసిడి ధర ఇలా ఉంది. 22 క్యారెట్ల ఆర్నమెంటు బంగారం ధర నేడు రూ.47,950 గా ఉంది. 24 క్యారెట్ల బిస్కెట్ బంగారం ధర రూ.52,460గా ఉంది. ఇక్కడ కిలో వెండి ధర రూ.71,300 గా ఉంది.

04/04/2022 20:44:00

తిరుపతి బస్సు స్టాండ్ వద్ద మద్యం మత్తులో యువకులు హల్ చల్

తిరుపతి బస్సు స్టాండ్ వద్ద రౌడీ మూకలు హల్ చల్ చేశాయి. నందీశ్వర ఆటోస్టాండ్ వద్ద సుబ్బు అనే వ్యక్తి అడ్రస్ అడగడంతో వివాదం తలెత్తింది. ఆటో డ్రైవర్లు మద్యం మత్తులో అసభ్యకర పదజాలంతో సుబ్బును దూషించడంతో ఒకరిపై ఒకరు దాడి చేసుకున్నారు. మద్యం మత్తుల్లో దిలీప్ అనే వ్యక్తిపై మద్యం సీసా దాడి చేశారు ఆటో డ్రైవర్లు అశోక్, సుబ్బులు. గొడవ జరుగుతున్న సమయంలో అక్కడే ఉన్న ట్రాఫిక్ కానిస్టేబుల్ చోద్యం చూస్తున్నారు. డ్రైవర్లు గొడవతో స్థానికులు భయాందోళనకు గురయ్యారు. ఒకరిపై ఒకరు దాడి చేసుకోవడంతో అశోక్, సుబ్బు, దీలిప్ లు గాయాలయ్యాయి. ఆటో డ్రైవర్లపై పోలీసులు కేసు నమోదు చేశారు. 

04/04/2022 20:12:24

సినీ ఫక్కీలో కిడ్నాప్, చాకచక్యంగా తప్పించుకున్న బాలుడు

సినీ ఫక్కీలో బాలుడు కిడ్నాప్ అయ్యాడు. జయశంకర్ భూపాలపల్లి జిల్లా రేగొండలో బాలుడు కిడ్నాప్ కు గురైన ఘటన కలకలం రేపింది. బాలుడిని కారులో ఎక్కించుకొని వరంగల్ వరకు  దుండగులు  తీసుకెళ్లారు. బాలుడు చేతులు కట్టేసి మత్తు ఇచ్చినట్లు తెలుస్తోంది. వరంగల్ నగరంలోని మట్టెవాడలో కారు ఆపడంతో బాలుడు దుండగుల నుంచి తప్పించుకున్నాడు. కారులో ఇద్దరు పిల్లలు ఉన్నట్లు బాలుడు చెబుతున్నాడు. రేగొండ బాలుడు కిడ్నాప్ పై పోలీసులు ఆరా తీస్తున్నారు. 

04/04/2022 15:57:55

గుంటూరులో వ్యక్తిపై కారం జల్లి డబ్బు కొట్టేసిన దుండగుడు

గుంటూరు బ్రాడిపేటలోని ఇండియన్ బ్యాంక్ నుంచి డబ్బులు డ్రా చేసుకొని వెళ్తున్న వ్యక్తిపై కారం కొట్టి డబ్బును లాక్కొని పారిపోయాడో దుండగుడు. లక్ష 80 వేల రూపాయలు లాక్కొని పారిపోతూ దుండగుడు అరుండల్ పేట బ్రిడ్జిపై పడిపోయాడు. స్థానికులు అతడిని పట్టుకొని దేహశుద్ధి చేశారు. సమాచారం అందుకున్న పోలీసులు దుండగుడిని అదుపులోకి తీసుకుని అరండల్ పేట పోలీస్ స్టేషన్ కు తరలించారు. బాధితుడు విక్టర్ ఇమ్మానుయేలు అరుండల్ పేట పోలీస్ స్టేషన్లో ఫిర్యాదు చేశాడు.

04/04/2022 14:40:25

Hyderabad Drugs Case: డ్రగ్స్ కేసులో కీలక మలుపు, నిందితుడిగా మాజీ ఎంపీ అల్లుడు కూడా

హైదరాబాద్ బంజారాహిల్స్‌లోని పబ్‌లో డ్రగ్స్ పార్టీ వ్యవహారంలో నిందితుడిగా మరో వ్యక్తి పేరును కూడా పోలీసులు చేర్చారు. నాలుగో నిందితుడిగా (ఏ-4) కిరణ్ రాజ్ పేరును పోలీసులు ఎఫ్ఐఆర్‌లో చేర్చారు. ఈయన మాజీ ఎంపీ రేణుకా చౌదరి అల్లుడు. ఈ పబ్‌ను ఆయనే నిర్వహిస్తున్నట్లుగా తెలుస్తోంది.

04/04/2022 12:47:43

Hindupur District Demand: హిందూపురంను జిల్లా కేంద్రం చేయకపోవడంపై అఖిలపక్షం నిరసన

Hindupur District Demand: అనంతపూర్ జిల్లా: హిందూపురంను జిల్లా కేంద్రం చేయకపోవడంపై అఖిలపక్షం నిరసనకు దిగింది. హిందూపురం ఎమ్మెల్యే బాలకృష్ణను ముర్కుడు అన్న బీసీ సంక్షేమ సంఘం నాయుకుడు చలపతి. దీంతో అఖిలపక్షం నాయకులు మధ్య వాగ్వాదం జరిగింది. చలపతిపై టీడీపీ నాయకులు ఆగ్రహం వ్యక్తం చేశారు. బాలయ్య కు ఆయన క్షమాపణ చెప్పాలని టీడీపీ నాయకులు డిమాండ్ చేశారు. అఖిల పక్షం నిరసన గందరగోళంగా మారింది.

04/04/2022 12:29:26

పబ్‌లో డ్రగ్స్ కేసులో నిందితులను కోర్టులో హాజరుపర్చిన పోలీసులు

పబ్‌లో లైట్ నైట్ పార్టీ కేసులో పోలీసులు నిందితులను కోర్టులో హాజరుపర్చారు. మొత్తం నలుగురు నిందితులు కాగా, పట్టుబడ్డ ఇద్దరిని పోలీసులు కోర్టులో ప్రవేశపెట్టారు. మిగతా ఇద్దరి కోసం గాలిస్తున్నారు. ఏ1గా అనిల్ కుమార్, ఏ2గా అభిషేక్, ఏ3గా అర్జున్, ఏ4గా కిరణ్‌ను చేర్చారు. పబ్‌లో టిష్యూ పేపర్లు, స్ట్రాలు, వెయింగ్ మెషిన్, ప్యాకింగ్ మెటీరియల్ వంటి వాటిని గుర్తించి స్వాధీనం చేసుకున్నారు.

04/04/2022 12:10:41

Pawan Kalyan On New Districts AP: ప్రజాభిప్రాయాన్ని పరిగణించకుండా జిల్లాల విభజన: పవన్ కళ్యాణ్

Pawan Kalyan On New Districts AP: ఏపీలో నేడు మరో 13 కొత్త జిల్లాలు ఏర్పాటయ్యాయి. దాంతో నేటి నుంచి 26 జిల్లాల్లో కార్యకలాపాలు కొనసాగుతాయి. ఈ మేరకు ఇదివరకే జిల్లాలకు కలెక్టర్లు, ఎస్పీలు, ఇతర ఐఏఎస్, ఐపీఎస్‌లను ఏపీ ప్రభుత్వం నియమించింది. నేటి ఉదయం సీఎం వైఎస్ జగన్ మోహన్ రెడ్డి కొత్త జిల్లాలు నేటి నుంచి అమలులోకి వచ్చాయని ప్రకటన చేశారు. వర్చువల్‌గా కొత్త జిల్లాలను ప్రకటిస్తూ కొత్త జిల్లాల వివరాలు వెల్లడించారు. కొత్త జిల్లాల ఏర్పాటుపై జనసేన అధ్యక్షుడు పవన్ కళ్యాణ్ తీవ్ర అసంతృప్తి వ్యక్తం చేశారు. ఈ మేరకు కీలక ప్రకటన విడుదల చేశారు.

ప్రజాభిప్రాయాన్ని పరిగణించకుండా జిల్లాల విభజన
రాష్ట్రంలో జిల్లాల పునర్ వ్యవస్థీకరణ ప్రక్రియలో ప్రజాభిప్రాయానికి ఏ మాత్రం విలువ ఇవ్వకుండా ఏపీ ప్రభుత్వం తమకు తోచినట్లుగా ముందుకు వెళ్లింది. లోపభూయిష్టంగా జిల్లాల విభజన జరిగింది. పార్లమెంట్ నియోజకవర్గమే ప్రామాణికం.. అదే హేతుబద్ధత అని చెప్పుకుంటున్న ఏపీ ప్రభుత్వం ప్రజల మనోగతాన్ని, కొత్త జిల్లాల ఏర్పాటుతో వారు ఎదుర్కొనే దూరాభారాలు, ఇబ్బందులను ఎందుకు పరిగణించలేదని పవన్ కళ్యాణ్ ప్రశ్నించారు. ఎప్పటినుంచో జిల్లా కోసం డిమాండ్ ఉన్న ప్రాంతాలపై అధ్యయనం కూడా చేయలేదు. పాడేరు కేంద్రంగా ఏర్పాటు చేసిన జిల్లాలో ముంపు మండలాల గిరిజనులకు అనేక ఇబ్బందులు ఎదురవుతాయి. ఎటపాక, కుకునూరు లాంటి మండలాల్లోని గ్రామాల నుంచి జిల్లా కేంద్రానికి వెళ్లాలంటే కనీసం 300 కిలోమీటర్ల మేర ప్రయాణం చేయాలి. సామాన్య, పేర గిరిజనులు జిల్లా కేంద్రంలో అధికారిని కలవాలంటే కనీసం రెండు రోజుల సమయం పడుతుందని పవన్ అభిప్రాయపడ్డారు.

04/04/2022 11:46:13

TRS MPs In Parliament: పీయూష్ గోయల్‌పై టీఆర్ఎస్ ఎంపీల సభా హక్కుల ఉల్లంఘన తీర్మానం

TRS MPs In Parliament: కేంద్ర మంత్రి పీయూష్ గోయల్ పై పార్లమెంట్ ఉభయ సభల్లో టిఆర్ఎస్ ఎంపీల సభాహక్కుల ఉల్లంఘన తీర్మానం.

రాజ్యసభలో ప్రశ్నోత్తరాల సమయంలో పీయూష్ గోయల్ సమాధానం పార్లమెంట్ ను తప్పుదోవ పట్టించేలా ఉందని పేర్కొన్న TRS ఎంపీలు.

డబ్ల్యూటివో నియమావళి నేపథ్యంలో పారా బాయిల్డ్ రైస్ విదేశాలకు ఎగుమతులు చేయలేమని కేంద్ర మంత్రి సభను తప్పుదోవ పట్టించారన్న ఎంపీలు

కానీ కేంద్ర ప్రభుత్వ వెబ్ సైట్ లో మిలియన్ టన్నుల పారా బాయిల్డ్ రైస్ విదేశాలకు ఎగుమతి చేసినట్లు ఉందని పేర్కొన్న ఎంపీలు.

04/04/2022 11:30:03

Telangana Farmers: కేంద్రం వరి కొనుగోలు చేయాలని టీఆర్ఎస్ శ్రేణుల పోరుబాట

Telangana Farmers and TRS Leaders Protest:  కేంద్రంలోని బీజేపీ ప్రభుత్వం వరి ధాన్యం కొనుగోలు చేయాలని డిమాండ్ చేస్తూ టీఆర్ఎస్ పోరుబాట చేపట్టింది. నేడు తెలంగాణ రాష్ట్రవ్యాప్తంగా క్షేత్రస్థాయిలో మండల కేంద్రాల్లో రైతులు, టీఆర్ఎస్ నేతలు నిరసన దీక్షలు చేస్తున్నారు

04/04/2022 11:12:08

CM Jagan Delhi Tour: రేపు ఢిల్లీకి వెళ్లనున్న సీఎం జగన్

ముఖ్యమంత్రి వైఎస్ జగన్ మంగళవారం ఢిల్లీకి వెళ్లనున్నారు. ప్రధాని భేటీ అవుతారు. రాష్ట్రానికి సంబంధించి కొన్ని అంశాలపై మోదీతో సీఎం మాట్లాడనున్నారు. కొత్త జిల్లాల పునర్విభజన తర్వాతి రోజే సీఎం జగన్ ఢిల్లీ పర్యటనకు వెళ్తుండడం ప్రాధాన్యం సంతరించుకుంది. మోదీతో భేటీలో భాగంగా పోలవరం, పెండింగ్ ప్రాజెక్టుల అంశాల్ని సీఎం ఆయనకు వివరించనున్నట్లు తెలుస్తోంది.

04/04/2022 10:21:45

New Districts In Andhra Pradesh: ఏపీలో కొత్తగా ఏర్పాటైన 13 జిల్లాలు ఇవే

13 New Districts In Andhra Pradesh: ఏపీలో కొత్తగా ఏర్పాటైన 13 జిల్లాలు
1) పార్వతీపురం మన్యం
2) అల్లూరి సీతారామరాజు
3) అనకాపల్లి
4) కాకినాడ
5) కోనసీమ
6) ఏలూరు
7) ఎన్టీఆర్‌
8) పల్నాడు
9) బాపట్ల
10) నంద్యాల
11) శ్రీసత్యసాయి
12) తిరుపతి
13) అన్నమయ్య

04/04/2022 10:17:26

AP New Districts: అతి పెద్ద జిల్లా ప్రకాశం - అతి చిన్న జిల్లా విశాఖపట్నం

నేటి నుంచి 26 జిల్లాలుగా ఆంధ్రప్రదేశ్

విస్తీర్ణంలో అతి పెద్ద జిల్లా ప్రకాశం

ప్రకాశం జిల్లా విస్తీర్ణం 14,322 చ.కి.మీ

విస్తీర్ణంలో అతి చిన్న జిల్లా విశాఖపట్నం

విశాఖ జిల్లా విస్తీర్ణం 1,048 చ.కి.మీ

04/04/2022 09:57:56

AP New Districts Inaguration: పరిపాలనా సౌలభ్యం కోసమే ఈ కొత్త జిల్లాలు: సీఎం జగన్

ఏపీలో కొత్త జిల్లాలను ముఖ్యమంత్రి జగన్మోహన్ రెడ్డి వర్చువల్‌గా ప్రారంభించారు. ఈ కొత్త జిల్లాలతో ఏపీలో కొత్త శకానికి నాంది అని అన్నారు. ఈ రోజు నుంచి 26 జిల్లాల ఆంధ్రాగా ఆంధ్రప్రదేశ్ మారిందని వైఎస్ జగన్ అన్నారు. ఈ సందర్భంగా కొత్త జిల్లాల్లోని ఉద్యోగులందరికీ సీఎం జగన్ అభినందనలు తెలిపారు. చివరగా1970 మార్చిలో ప్రకాశం, 1979లో జూన్‌లో విజయనగరం జిల్లా ఏర్పడిందని జగన్ గుర్తు చేశారు. ప్రస్తుతం పరిపాలనా సౌలభ్యం, వికేంద్రీకరణ కోసమే కొత్త జిల్లాలు ఏర్పాటు చేసుకున్నామని అన్నారు.

04/04/2022 09:14:25

Eluru District Fire Accident : నూజివీడు మండలం గొల్లపల్లి గ్రామంలో భారీ అగ్నిప్రమాదం

Krishna District Fire Accident : ఏలూరు జిల్లా : నూజివీడు మండలం గొల్లపల్లి గ్రామంలో భారీ అగ్నిప్రమాదం జరిగింది. విన్టేజ్ స్పిన్నర్స్ ప్రయివేట్ లిమిటెడ్ స్పిన్నింగ్ మిల్లులో భారీ అగ్నిప్రమాదం సంభవించి మంటలు ఎగసి పడుతున్నాయి. అగ్నిమాపక సిబ్బంది 4 ఫైర్ ఇంజన్లతో మంటలు ఆర్పేందుకు యత్నిస్తున్నారు. 5500 బ్లేడ్స్ అగ్నికి ఆహుతి కాగా, దాదాపు 30 కోట్ల రూపాయల ఆస్తి నష్టం జరిగిందని యాజమాన్యం చెబుతోంది.

04/04/2022 09:01:14

AP New Districts: ఆంధ్రప్రదేశ్ చరిత్రలో కీలక ఘట్టం

ఆంధ్రప్రదేశ్ చరిత్రలో కీలక ఘట్టం జరుగుతోంది. నిన్నటి వరకూ 13 జిల్లాలుగా ఉన్న ఆంధ్రప్రదేశ్‌ కొత్తగా మరో 13 జిల్లాలతో కలిపి 26 జిల్లాలతో పాలన సాగించనుంది. గతంలో ఎప్పుడూ లేని విధంగా ఒకేసారి 13 జిల్లాలను కొత్తగా ఏర్పాటు చేస్తున్నారు. ఉదయం 9.05 నుంచి 9.45 గంటల మధ్య ముహూర్తం పెట్టారు. ఈ కొత్త జిల్లాల ప్రారంభంపై ముఖ్యమంత్రి జగన్ వీడియో కాన్ఫరెన్స్ ద్వారా సందేశం ఇవ్వనున్నారు.