AP MLAs performance: అసెంబ్లీ బడ్జెట్ సమావేశాల చివరి రోజు ఆసక్తి ఉన్న ఎమ్మెల్యేలు, ఎమ్మెల్సీలు తమ కళా ప్రదర్శన చేసి అబ్బురపరిచారు. పలు సందర్భాల్లో చంద్రబాబు, పవన్ కల్యాణ్ నవ్వు ఆపుకోలేకపోయారు.చివరి రోజు సభ వాయిదా పడిన తర్వాత ఏ కన్వెన్షన్ సెంటర్‌లో సాంస్కృతిక కార్యక్రమాలు నిర్వహించారు.
చాలా మంది ముందుగానే రిహార్సల్స్ కూడా చేసుకుని సీరియస్ గా తమ ప్రతిభను ప్రదర్శించారు. కళాభిమానిగా పేరున్న డిప్యూటీ స్పీకర్ రఘురామకృష్ణరాజు "దాన వీర శూర కర్ణ" సినిమాలోని సూపర్ హిట్ డైలాగ్ ను ఏకపాత్రాభియం ద్వారా చెప్పారు. తర్వాత చంద్రబాబు, పవన్ తో ఫోటోలు దిగారు.
కందుల దుర్గేశ్ బాలచంద్ర పాత్ర వేసి ఆకట్టుకున్నారు.
జనసేన ఎమ్మెల్యేలు వేసిన పవన్ కల్యాణ్ పేరడీ స్కిట్ అందర్నీ ఆకట్టుకుంది. చంద్రబాబు, పవన్ తో పాటు అందరూ విపరీతంగా నవ్వారు.
రాజకీయంగా సైటైర్లు వేసుకుంటూ.. నాటకాలను ప్రదర్శించారు. ఆ తర్వాత ఆటల పోటీల్లో గెలుపొందిన వారికి బహుమతులను ప్రదానం చేశారు.
ఉమ్మడి రాష్ట్రం అసెంబ్లీ ఉన్నప్పుడు ఎంత వేడి..వాడి చర్చలు జరిగినా సభ్యుల మానసిక ఉల్లాసం కోసం ఇలాటి కార్యక్రమాలు నిర్వహించేవారు. తర్వాత తగ్గిపోయాయి. చాలా కాలం తర్వాత ప్రజాప్రతినిధులు ఉల్లాసంగా, ఉత్సాహంగా గడిపారు.
వైసీపీ సభ్యులు ఆటల పోటీలతో పాటు సాంస్కృతిక కార్యక్రమాలను మిస్సయ్యారు.