ఆంధ్రప్రదేశ్‌లో వ్యాక్సినేషన్‌ ప్రక్రియ వేగవంతంగా సాగుతోంది. రాష్ట్రంలో కోవిడ్ కేసులు క్రమంగా తగ్గుతున్నాయి. అయినా కోవిడ్ కొత్త వేరియంట్ ఒమిక్రాన్ భయాందోళనలు నెలకొన్నాయి. దీంతో రాష్ట్ర ప్రభుత్వం వ్యాక్సినేషన్ స్పీడప్ చేసింది. కరోనాపై పోరాటంలో భాగంగా వ్యాక్సినేషన్‌పై ప్రభుత్వం దృష్టిసారించింది. అధికారులను అప్రమత్తం చేస్తూ తగిన ఆదేశాలు జారీ చేస్తుంది. రాష్ట్రంలో ఇప్పటి వరకు 18 ఏళ్లు పైబడిన వారిలో 65 శాతం మందికి రెండు డోసుల టీకా వేసినట్టు అధికారులు చెబుతున్నారు. మొదటి డోసు కవరేజ్ దాదాపు 91 శాతం పూర్తైందని తెలిపారు. 


Also Read: ఈ కూరల్లో కొలెస్ట్రాల్ తక్కువ, బరువు తగ్గాలనుకునే వాళ్లకి ప్రత్యేకం


దేశ వ్యాప్తంగా 129 కోట్ల వ్యాక్సిన్ డోసులు పంపిణీ


రాష్ట్రాల‌ు, కేంద్రపాలిత ప్రాంతాల‌కు ఇప్పటివ‌ర‌కు 129 కోట్ల వ్యాక్సిన్ డోసులు స‌ర‌ఫ‌రా చేసినట్లు కేంద్ర ఆరోగ్య శాఖ‌ ప్రకటించింది. 2021 జ‌న‌వ‌రి 16న‌ దేశ వ్యాప్తంగా వ్యాక్సినేష‌న్ ప్రక్రియ మొద‌లైంది. వ్యాక్సిన్‌ల కొరత కారణంగా మొద‌ట్లో వ్యాక్సినేష‌న్ నత్తనడకగా కొన‌సాగింది. క్రమంగా టీకాల‌ ఉత్పత్తి పెరగడంతో వ్యాక్సినేష‌న్ ప్రక్కియ ఊపందుకుంది. 2021 జూన్ 21న దేశవ్యాప్తంగా వ్యాక్సినేష‌న్ డ్రైవ్‌లో ప్రారంభ‌మైంది. దేశంలో రోజువారి కరోనా కేసులు 558 రోజుల కనిష్ఠానికి చేరాయి. మంగళవారం కొత్తగా 6,822 కేసులు నమోదయ్యాయి. 220 మంది మృతి చెందారు. 10,004 మంది కరోనా నుంచి కోలుకున్నారు. యాక్టివ్ కేసుల సంఖ్య 95,014కు చేరింది. 554 రోజుల్లో ఇదే కనిష్ఠం. ఈ మేరకు కేంద్ర ఆరోగ్య శాఖ వెల్లడించింది. 


Also Read: క్యాన్సర్‌ను అడ్డుకునే ఆహార పదార్థాలివే... వారంలో ఓసారైనా తినండి



  • మొత్తం కేసులు: 3,46,48,383

  • ‬మరణాలు: 4,73,757

  • యాక్టివ్ కేసులు: 95,014

  • కోలుకున్నవారు: 3,40,79,612


మొత్తం కేసుల సంఖ్య 4,73,757కు పెరిగింది. రికవరీ రేటు 98.36%గా ఉంది. 2020 మార్చి నుంచి ఇదే అత్యధికం. గత 11 రోజులుగా కరోనా కేసులు 10 వేల కంటే తక్కువే నమోదవుతున్నాయి. గత 163 రోజులుగా 50 వేల కంటే తక్కువే ఉన్నాయి. మొత్తం కేసుల్లో యాక్టివ్ కేసుల శాతం 0.27గా ఉంది. 2020 మార్చి నుంచి ఇదే అత్యల్పం. దేశంలో టీకాల పంపిణీ వేగంగా కొనసాగుతోంది. మరో 79,39,038 మంది లబ్ధిదారులకు వ్యాక్సిన్ అందించినట్లు కేంద్ర వైద్య శాఖ వెల్లడించింది. ఇప్పటివరకు 128.76 కోట్ల వ్యాక్సిన్ డోసులను పంపిణీ చేశారు. 


Also Read: అబార్షన్ చేయించుకున్నాక ఎలా ఉంటుందో తెలుసా? ఈ బాధలన్నీ భరించాల్సిందే


ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి