Mahakumbh Viral Girl Monalisa: కాటుక కళ్ల చిన్నది.. కుంభమేళాను కట్టిపడేసింది.

ABP Desam Smart Ed Conclave 2026 : ఏబీపీ దేశం స్మార్ట్ ఎడ్ కాన్‌‌క్లేవ్లో జాహ్నవి దాంగేటి స్పేస్ టాక్.. పాలకొల్లు నుంచి అంతరిక్షం వరకు

Geddam Vijaya Madhuri — Sun, 8 Mar 2026 07:39:25 +0530

Analog Astronaut Jahnavi Dangeti : ఆంధ్రప్రదేశ్‌లోని పాలకొల్లు అనే చిన్న పట్టణం నుంచి వచ్చి.. అంతర్జాతీయ స్థాయిలో అనలాగ్ ఆస్ట్రోనాట్‌గా ఎదిగిన జాహ్నవి దాంగేటి (Jahnavi Dangeti) ప్రయాణం ఎంతో స్ఫూర్తిదాయకం. అంతర్జాతీయ మహిళా దినోత్సవం సందర్భంగా అనలాగ్ ఆస్ట్రోనాట్గా చేస్తోన్న జాహ్నవి గురించిన ఇంట్రెస్టింగ్ విషయాలు తెలుసుకుందాం. ఏబీపీ దేశం స్మార్ట్ ఎడ్ కాన్క్లేవ్ 2026 (ABP Desam Smart Ed Conclave 2026)లో పాల్గొన్న జాహ్నవి అంతరిక్ష విద్య, ఏఐ (AI) గురించి ఎన్నో విషయాలు పంచుకున్నారు. అవేంటో ఇప్పుడు చూసేద్దాం.

అంతరిక్షంపై ఆసక్తి ఎలా మొదలైంది?

జాహ్నవి : నేను పాలకొల్లు అనే చిన్న పట్టణం నుంచి వచ్చాను. అక్కడ ఖగోళ శాస్త్రాన్ని (Astronomy) జ్యోతిష్యంగా (Astrology) భావించేవారు. చిన్నప్పుడు మా నానమ్మ, తాతయ్యలు చాలా చందమామ కథలు చెప్పేవారు. ఆ కథల్లో చంద్రుడి మీద ఒక ఆవిడ ఉంటుందని చెప్పేవారు. అది నన్ను బాగా అట్రాక్ట్ చేసింది. ఆ చిన్ననాటి కథలే నన్ను అంతరిక్షం వైపు నడిపించాయి.

స్పేస్ రంగాన్ని కెరీర్‌గా ఎంచుకోవాలని ఎప్పుడు నిర్ణయించుకున్నారు?

జాహ్నవి : నాకు మూడు ఏళ్ల వయస్సు ఉన్నప్పుడే చంద్రుడి పైకి వెళ్లాలని కలలు కనేదాన్ని. ఎవరైనా ఎలా వెళ్తావు అని అడిగితే.. ఒక పెద్ద నిచ్చెన వేసి చంద్రుడి పైకి వెళ్తానని చెప్పేదాన్ని. తర్వాత వ్యోమగాముల గురించి తెలుసుకుంటున్నప్పుడు, చదివినప్పుడు దానిపై మరింత ఇంట్రెస్ట్ పెరిగింది. ఈ రంగంలో ఎవరి దారిని వారే నిర్మించుకోవచ్చని నాకు అర్థమైంది. అదే నన్ను ఈ రంగం వైపు స్థిరంగా నడిపించింది.

స్పేస్ ఎడ్యుకేషన్, అవకాశాల గురించి విద్యార్థులకు మీరు ఇచ్చే సూచనలు..

జాహ్నవి : ఒకప్పుడు అంతరిక్ష రంగం అంటే కేవలం ప్రభుత్వ సంస్థలకే పరిమితం అనుకునేవారు. కానీ ఇప్పుడు చాలా ప్రైవేట్ స్టార్టప్‌లు వస్తున్నాయి. ఈ రంగంలో పనిచేయడానికి మీరు కేవలం సైంటిస్ట్ లేదా ఇంజనీర్ మాత్రమే కానక్కర్లేదు, డేటా అనలిస్ట్‌గా కూడా కెరీర్ ప్రారంభించవచ్చు. ఇంటర్న్‌షిప్‌ల ద్వారా విద్యార్థులకు ఇప్పుడు బోలెడు అవకాశాలు ఉన్నాయి.

అంతరిక్ష పరిశోధనల్లో ఏఐ పాత్ర ఎలా ఉంది?

జాహ్నవి : ఏఐ చాలా కీలకమైన పాత్ర పోషిస్తోంది. నేను ఇటీవల చేసిన మిషన్ సిమ్యులేషన్లలో క్రూ సైంటిస్ట్‌గా వ్యవహరించాను. అప్పుడు ఏఐ ద్వారా భారీ డేటాను చాలా సులభంగా విశ్లేషించగలిగాను. అలాగే అంగారక గ్రహం (Mars) వంటి చోట్ల ఊహించని పరిస్థితులను అంచనా వేయడానికి.. అక్కడ ఉండే 15-20 నిమిషాల కమ్యూనికేషన్ ఆలస్యాన్ని మేనేజ్ చేయడానికి ఏఐ ఎంతో అవసరం.

ఇలా ఎన్నో అంశాలపై జాహ్నవి ఏబీపీ స్మార్ట్ ఎడ్ కాన్‌క్లేవ్‌లో షేర్ చేసుకున్నారు. అమ్మాయిలు స్పేస్ రంగంలోకి రావడానికి కూడా పలు సూచనలు ఇచ్చారు. దానికి సంబంధించిన పూర్తి వీడియో ఇక్కడ ఉంది. క్లిక్ చేసి చూసేయండి.

Valentine Day 2026: మీ పిల్లలు ప్రేమలో పడ్డారా? లేక డిప్రెషన్‌లో ఉన్నారా? తల్లిదండ్రులు తెలుసుకోవాల్సిన అసలు విషయాలు ఇవే!

Khagesh — Mon, 9 Feb 2026 16:34:32 +0530

Love vs Depression:ప్రతి ఇంట్లోనూ ఒకప్పుడు సందడిగా ఉండే పిల్లలు, కాలేజీలో అడుగుపెట్టిన కొన్ని నెలలకే అపరిచితుల్లా మారిపోవడం ఈ రోజుల్లో ఒక పెద్ద ఆందోళనగా మారింది. నిన్నటి వరకు వారు బయట చూసిన చేసిన ప్రతి విషయాన్ని పూస గుచ్చినట్టు చెప్పే అమ్మాయి అబ్బాయి ఇప్పుడు రూమ్‌ తలుపులు వేసుకొని మొబైల్‌తోనే గడుపుతున్నారా.. తిండి కూడా సరిగా తినకుండా అడిగితే విసుక్కుంటున్నారా వెంటనే మనందరికీ వచ్చే మొదటి ఆలోచన... ఎవరితోనైనా ప్రేమలో పడిందేమో అని అనుకుంటారు. కానీ సైకాలజిస్టులు చెబుతున్న మాట మరొకటి ఉంది. ఈ మార్పుల వెనుక కేవలం ప్రేమే కాదు, అంతకంటే లోతైనా మానసిక సంఘర్షణ ఉండవచ్చని వారు హెచ్చరిస్తున్నారు.

స్నేహ కథ ప్రతి ఇంట్లో కనిపించే దృశ్యం

స్నేహ చిన్నప్పటి నుంచి చాలా చురుగ్గా ఉండేది. స్కూల్ నుంచి రాగానే ఆ రోజు ఏం చేసిందో, స్కూల్‌లో టీచర్స్ ఏం చెప్పారు, ఫ్రెండ్స్ తినడానికి ఏం తీసుకొచ్చారు, స్కూల్‌లో టీచర్స్‌ ఎలాంటి శారీలు కట్టుకున్నారు, ఇలా ప్రతి విషయాన్ని చెప్పే వరకు ఆమెకు నిద్రపట్టేది కాదు. కానీ కాలేజీలో చేరిన రెండు నెలలకే సీన్ మారిపోయింది. సాయంత్రం ఇంటికి రాగానే డల్‌గా ఉంటోంది. కాలేజీ ఎలా ఉందని అడిగితే ఫైన్ అని ఒక్క మాటతో సరిపెట్టడం, ఎక్కువగా మొబైల్‌లోనే గడపడం వంటివి మొదలయ్యాయి. ఆమె ప్రవర్తనలో వచ్చిన మార్పులు తల్లిదండ్రుల్లో టెన్షన్ పెంచాయి. ఇలాంటి పరిస్థితి ఈ రోజుల్లో దాదాపు 70 శాతం మంది కాలేజీ విద్యార్థుల్లో కనిపిస్తోందని అమెరికన్ సైకాలజీ అసోసియేషన్ గణాంకాలు చెబుతున్నాయి. అంటే స్నేహ లాంటి పరిస్థితి చాలా మంది ఫేస్ చేస్తున్నట్టు అర్థమవుతోంది. ఈలాంటి పరిస్థితిలో ఏం చేయాలో చూద్దాం.

స్వేచ్ఛ కూడా సమస్యే

స్కూల్‌ వాతావరణం చాలా క్రమశిక్షణతో ఉంటుంది. కానీ కాలేజీకి వెళ్లగానే ఒక్కసారిగా స్వేచ్ఛ దొరుకుతుంది. కొత్త స్నేహితులు, సీనియర్లు, పార్టీలు, సోషల్ మీడియా ప్రపంచం ఇవన్నీ విద్యార్థులకు ఒక రకమైన ఎమోషనల్‌ షాక్ ఇస్తాయి. అప్పటి వరకు మెదు పూర్తిగా మెచ్యూరిటీ చెందదు. కాబట్టి భావోద్వేగాలను నియంత్రించుకోవడం వారికి కష్టమవుతుంది. దీనినే ఐడెంటిటీ ఫార్మేషన్ స్టేజ్ అంటారు.

ఇది ప్రేమేనా? ఎలా గుర్తించాలి?

తల్లిదండ్రులకు ఉండే పెద్ద అనుమానం ప్రేమ. ప్రేమలో పడినప్పుడు కొన్ని మార్పులు రావడం సహజం. నిత్యం ఫోన్ సైలెంట్‌ మోడ్‌లో ఉంచడం, లాక్ స్క్రీన్ మార్చడం, అర్థరాత్రి వరకు మెసేజ్‌లు చూడటం. ఫోన్ కాల్ వచ్చినప్పుడు బయటకు వెళ్లి మాట్లాడటం లేదా కుటుంబం నుంచి దూరంగా ఉంటారు. అకస్మాత్తుగా డ్రెస్సింగ్ స్టైల్ మార్చడం, అందంపై ఎక్కువ శ్రద్ధ చూపుతుంటారు. కొన్నిసార్లు విపరీతమైన ఆనందంగా, మరికొన్ని సార్లు చిరాగ్గా కనిపిస్తారు.

డిప్రెషన్ లక్షణాలు కావచ్చు!

చాలా సార్లు మనం ప్రేమ అని అనుకునే లక్షణాలు నిజానికి డిప్రెషన్‌ వల్ల కూడా రావచ్చు. బోస్టన్ యూనివర్శిటీ అధ్యయనం ప్రకారం 2013-201 మధ్య కాలేజీ విద్యార్థుల్లో డిప్రెషన్ 135 పెరిగింది. ఇలాంటి డిప్రెషన్‌లో ఉన్న వాళ్లు గతంలో ఇష్టంగా చేసిన పనులపై ఆసక్తి కోల్పోతారు. కొందరిలో ఆకలి తగ్గుతుంది. లేదా మరికొందరితో ఆకలి పెరుగుతుంది. కొందరికి నిద్ర పట్టదు. మరికొందరు నిత్యం పడుకునే ఉంటారు. చదువుపై ఏకాగ్రత పూర్తిగా తగ్గుతుంది. దేనికీ పనికి రామేమో అనే నిరాశాజనకమైన మాటలు మాట్లాడటం. ప్రేమలో ఉన్నప్పుడు లాంటి నెగెటివ్ ఎనర్జీ కనిపించదు.

చదువు ఒత్తిడి

కాలేజీలో సిలబస్ కఠినంగా ఉండటం, పోటీ పెరగడం, పరిస్థితులకు అడ్జెస్ట్ కాకపోవడం వల్ల కూడా పిల్లలు డల్‌గా మారిపోతారు. దీనిని బర్న్‌ అవుట్ అంటారు. అంటే పని ఒత్తిడి వల్ల మానసికంగా, శారీరకంగా అసిపోవడం ఇలాంటప్పుడు వారు మొబల్‌ను ఒక ఎస్కేప్‌లా వాడుకుంటారు.

తల్లిదండ్రులు ఏం చేయాలి?

ఇలాంటి లక్షణాలు మీ పిల్లల్లో ఉన్నట్టు కనిపిస్తే మీరు వెంటనే అరిచి గీ పెట్టడం, లేదా ఫోన్ లాక్కుంటే సమస్య మరింత తీవ్రం అవుతుంది. సైకాలజిస్టులు ఒక 3 వారాల ప్లాన్ సూచిస్తున్నారు.

మొదటి వారం ఏం చేయాలి

పిల్లలకు ఇష్టమైన ఫుడ్ వండి పెట్టి వారితో కలిసి కూర్చొని తినండి. ఏదైనా ఇబ్బంది ఉంటే చెప్పు, అండగా ఉంటామని భరోసా ఇవ్వండి. మొబైల్ గురించి గొడవ పడొద్దు.

మీ పిల్లలు చెప్పేది పూర్తిగా వినండి, వెంటనే సలహాలు ఇవ్వకండి. సమస్య ఏదైనా, పేరెంట్స్ నా పక్షాన ఉన్నారనే ధైర్యం వారికి కలగాలి. వాళ్ల ప్రైవసీకి భంగం కలిగించవద్దు

రెండో వారం ప్రణాళిక

బయటకు షాపింగ్‌కో సినిమాకో, లేదా స్నేహితుల ఇంటికో, టూర్‌లో తీసుకెళ్లండి, కాలేజీ ఫ్రెండ్స్ గురించి,కాలేజీలో ఉన్న ఇతర వివరాలపై సాఫ్ట్‌గా ఆరా తీయండి. ఫోన్, సోషల్ మీడియా ప్రొఫైల్స్‌ దొంగచాటుగా చూడకండి, అలా చేస్తే ఒక్కసారిగా నమ్మకం పోతుంది.

మూడో వారంలో ఏం చేయాలి

పరిస్థితి మారకపోతే కెరీర్ కౌన్సెలింగ్ అనే పేరుతో ఒక సైకాలజిస్ట్‌ను కలవండి. ప్రేమలో ఉన్నట్టు తెలిస్తే, ఆమెకు సేఫ్టీ గురించి, కెరీర్ ప్రాధాన్యత గురించి ఓపెన్‌గా మాట్లాడండి. ప్రేమ అనేది ఎదుగుదలలో ఒక భాగం. దాన్ని నేరంలా కాకుండా, బాధ్యతతో ఎలా డీల్ చేయాలో నేర్పండి.

మీ పిల్లలు మారిపోలేదు. వాళ్లు ఒక కొత్త దశలోకి ప్రవేశించారు. ఆ సమయంలో మీరు వారితో కలిసి ట్రావెల్ చేయాలి. దీంతో ఆ దశలో వారు ఎదుర్కొంటున్న సమస్య మీకు అర్థమవుతుంది. వారికి తోడుగా నిలవాలి. అప్పుడే దాన్ని పరిష్కరించే వీలు వారికి కలుగుతుంది.

Valentine's day 2026: ప్రేమను వ్యక్తం చేసే అందమైన క్షణంలో చేయకూడని 7 తప్పులు

RAMA — Sat, 7 Feb 2026 09:10:17 +0530

Valentine's day 2026: ప్రేమను వ్యక్తం చేసే అందమైన క్షణంలో చేయకూడని 7 తప్పులు

Valentine's day 2026: వాలెంటైన్స్ వీక్ లో మొదటి రోజు 'రోజ్ డే'! ప్రేమలో ఏ గులాబీ రంగుకి ఏంటి అర్థం?

RAMA — Sat, 7 Feb 2026 06:00:40 +0530

Valentine's day 2026: వాలెంటైన్స్ వీక్ లో మొదటి రోజు 'రోజ్ డే'! ప్రేమలో ఏ గులాబీ రంగుకి ఏంటి అర్థం?

FOMO: వేరే వాళ్ల స్టాటస్ చూసి వీళ్లకు సోకులు ఎక్కువయ్యాయని అనుకుంటున్నారా? అయితే మీరు ఫోమో బాధితులే!

Khagesh — Wed, 21 Jan 2026 16:06:36 +0530

FOMO: నేటి డిజిటల్ యుగంలో ఉదయం కళ్లు తెరిచినప్పటి నుంచి రాత్రి పడుకోబోయే వరకు మన చేతిలో స్మార్ట్ ఫోన్ ఉండాల్సిందే. ఎక్కడో ఒక చోట ఎవరో ఒకరు ఏదో ఒక అద్భుతమైన పని చేస్తున్నారని అది మనం చూడలేకపోతున్నామని, లేదా ఆ ఆనందంలో మనం భాగం కాలేకపోతున్నామనే ఒక తెలియని ఆందోళన మనల్ని వెంటాడుతోంది. దీనినే మానసిక పరిభాషలో FOMO అని పిలుస్తారు. ఫోమో అంటే ఫియర్ ఆఫ్‌ మిస్సింగ్ అవుట్. ఇతరులు మనకంటే మెరుగైన అనుభవాలను పొందుతున్నారని, మనం ఆ అవకాశాలను మిస్ అవుతున్నామనే ఒక రకమైన సామాజిక అసూయ లేదా అసంతృప్తి.

ఫోమో చరిత్ర ఏంటీ?

ఫోమో పదం మనకు ఈ మధ్య కాలంలో ఎక్కువగా వినిపిస్తున్నప్పటికీ, దీని గుర్తింపు 20004లోనే మొదలైంది సోషల్ మీడియా నెట్‌వర్కింగ్ సైట్ల ప్రాచుర్యం పెరిగే కొద్దీ ఈ భావన తీవ్రత కూడా పెరిగింది. దీని ప్రాముఖ్యతను గుర్తించిన ఆక్స్‌ఫర్డ్ యూనివర్శిటీ 2013లో దీన్ని డిక్షనరీలో చేర్చింది. నేడు ఫేస్‌బుక్, ఇన్‌స్టాగ్రామ్, ఎక్స్‌ వంటి ప్లాట్‌ఫామ్‌లు మన జీవితాల్లో అంతర్భాగం కావడంతో, ప్రతి క్షణం ఇంతరుల జీవితాలను మనల్ని పోల్చుకోవటం ఒక వ్యసనంగా మారింది.

అసలు ఫోమో ఎందుకు వస్తుంది?

సైకాలజిస్టుల ప్రకారం ఫోమో ప్రధానంగా రెండు ప్రక్రియలతో ముడిపడి ఉంటుంది. మొదటిది మనం దో కోల్పోతున్నామనే భావన కాగా, రెండోది సామాజిక సంబంధాలను కొనసాగించాలనే ఒక అనివార్యమైన ఒత్తిడి. సాధారణంగా సోషల్ మీడియాలో చాలా మంది వారి జీవితాల్లోని అద్భుతమైన క్షణాలను మాత్రమే పోస్టు చేస్తారు. అవి చూసినప్పుడు కొందరికి తమది సాధారణ జీవితంలా అనిపిస్తుంది. చాలా చిన్నతనంగా భావిస్తారు. ఇది వారిలో అసూయను కలిగిస్తుంది.

లోసెల్ఫ్‌- ఎస్టీమ్‌, యాంగ్జైటీ డిసార్డర్‌, డిప్రెషన్‌తో బాధపడేవారిలో ఈ ప్రభావం ఎక్కువా ఉంటుంది. మానవుడు అందరితో కలిసి ఉండాలని, సమూహంలో భాగమవ్వాలని కోరుకోవడం సహజం. అయితే ఇతరులు చేసే ఎంజాయ్‌మెంట్‌లో లేమని తెలిసినప్పుడు వారిలో ఆందోళన కలుగుతుంది.

ఫోమో బారిన పడిన వారి లక్షణాలు ఏంటీ?

ఈ ఫోమో బారిన పడిన వ్యక్తులు నిరంతరం నోటిఫికేషన్లు చెక్ చేస్తుంటారు. స్నేహితులు చెసే పోస్టులు చూసి అంసతృప్తి చెందడం, ముఖ్యమైన పనులు మానేసి సోషల్ ఈవెంట్స్‌కు వెళ్లాలని అనుకుంటారు. ఈ మానసిక ఒత్తిడి కారణంగా మెదడులోని అమిగ్డాలా అనే భాగం యాక్టివేట్ అవుతుంది. దీని వల్ల శారీరక స్ట్రెస్‌ పెరుగుతుంది.

ఫోమోతో నష్టాలు

ఫోమో వల్ల చాలా నష్టాలు ఉన్నాయి. ఇది కేవలం ఆందోళన, డిప్రెషన్, ఒంటరితనానికే పరిమితం కాకుండా శారీరక ఆరోగ్యంపై కూడా ప్రభావం చూపుతుంది. ఫోన్ చెక్ చేస్తూ కూర్చొని నిద్ర లేమితో బాధపడతారు. పనిపై దృష్టి పెట్టలేక సమయం వృథా చేస్తారు. ఇతరులు ఖర్చు పెడుతున్నారని భావించి అవగాహన లేకుండా ఖర్చు చేసి ఆర్థికంగా కూడా నష్టపోతారు. అసూయ, ఐసోలేషన్ వల్ల స్నేహితులతో సంబంధాలు దెబ్బతింటాయి.

ఫోమో వలయం నుంచి ఎలా బయటపడాలి

రోజులో కొంత సమయం ఫోన్‌కు దూరంగా ఉండండి.
సోషల్ మీడియా వినియోగాన్ని తగ్గించండి.
గతం లేదా భవిష్యత్ గురించి కాకుండా ప్రస్తుతం మీరు చేస్తున్న పనిపై దృష్టి పెట్టండి. మెడిటేషన్ దీనికి అద్భుతమైన పరిష్కారం
ఇతరుల వద్ద ఉన్న వాటిని చూసి బాధపడటం మానేసి, మీ వద్ద ఉన్న వాటితో కృతజ్ఞతగా ఉండండి. దీన్ని అలవాటు చేసుకుంటే మానసిక ప్రశాంతత ఉంటుంది.
ఆన్‌లైన్‌ లాక్‌ల కంటే, ఆఫ్‌లైన్‌లో స్నేహితులను కలవడం వారితో సమయం గడపడం వల్ల మానసిక ప్రశాంతత లభిస్తుంది.

గమనిక: ఈ వ్యాసం అందించిన సమాచారం కేవలం అవగాహన కోసం మాత్రమే. దీన్ని ఏబీపీ దేశం ధ్రువీకరించదు. మానసిక ఆరోగ్య సమస్యలు తీవ్రంగా ఉన్నప్పుడు నిపుణులను సంప్రదించడం ఉత్తమం.

మొబైల్స్ లో మునిగి చదువుకు దూరమవుతున్న పిల్లల్ని దార్లోకి తీసుకురావాలంటే ఇలా చేయండి!

RAMA — Fri, 16 Jan 2026 13:31:27 +0530

మొబైల్స్ లో మునిగి చదువుకు దూరమవుతున్న పిల్లల్ని దార్లోకి తీసుకురావాలంటే ఇలా చేయండి!

ABP Desam SmartEd Conclave 2025: పారిశ్రామికవేత్తలను తయారు చేసేలా పాలసీలు ఉండాలి: ఏబీపీ దేశం కాంక్లెవ్ 2025లో ఎమ్మెల్సీ దాసోజు శ్రవణ్

Yedla Sudhakar Rao — Sat, 24 May 2025 20:37:05 +0530

ABP Desam SmartEd Conclave 2025: 21వ శతాబ్ధంలో యువతను ఉద్యోగం సంపాదించే వారిగా కాక, వారిని ఉద్యోగాలు కల్పించే పారిశ్రామికవేత్తలు, వ్యాపారవేత్తలుగా తయారు చేసే పాలసీలను ప్రభుత్వాలు రూపొందించాలని తెలంగాణ ఎమ్మెల్సీ దాసోజు శ్రవణ్ చెప్పారు. ఏబీపీ దేశం నిర్వహించిన స్మార్ట్ ఎడ్యూ కాంక్లేవ్ -2025లో పాల్గొని పాలసీ విత్ పర్పస్ ఎంపవరింగ్ యూత్ విత్ టంట్వీ ఫస్ట్ సెంచరీ స్కిల్స్ అనే అంశంపై మాట్లాడారు.

విద్యారంగంలో మార్పులు తెచ్చే పాలసీలు కావాలి

ప్రస్తుత విద్యారంగంలో నేర్చుకుంటున్న విద్యకు, పరిశ్రమలు, ఐటీతోపాటు ఇతర రంగాల్లో ఉద్యోగాలకు అవసరమైన స్కిల్స్‌కు మధ్య చాలా గ్యాప్ ఉందని ఎమ్మెల్సీ దాసోజు శ్రవణ్ చెప్పారు. దీన్ని విద్యాసంస్థలు, ఉపాధ్యాయులు, ప్రభుత్వాలు పట్టించుకోవడం లేదన్నారు. ప్రస్తుతం కార్పోరెట్ వరల్డ్ ఎదుర్కొంటున్న ప్రధాన సమస్య తమ అవసరాలకు తగిన స్కిల్డ్ యువత దొరకకపోవడమే అన్నారు. కార్పోరేట్ స్థాయిలో మెయిల్ రాయడం, ఫోన్లకు తగిన రీతిలో మాట్లాడే కమ్యూనికేష్ స్కిల్క్స్ వంటివి కూడా కార్పోరేట్ సంస్థలు శిక్షణ ఇవ్వాల్సిన పరిస్థితి ఏర్పడుతుందని చెప్పారు. 20 ఏళ్ల క్రితం ఇదే సమస్యతో అప్పటి సంస్థలు ఇబ్బంది పడ్డాయని, ఇప్పుడు అదే సమస్యపై చర్చించాల్సి వస్తుందని శ్రవణ్ చెప్పారు. ప్రస్తుత యువతలో కమ్యూనికేషన్ , టీమ్ వర్క్, లీడర్ షిప్ స్కిల్క్ లోపం కనిపిస్తోందన్నారు. ఇది పెద్ద సమస్య కాదని, కాని వారికి సరైన దిశా నిర్దేశం చేయడంలో పాలసీ మేకర్లు, విద్యా సంస్థలు, అధ్యాపకులు విఫలమవుతున్నారని అభిప్రాయపడ్డారు.

తప్పు విద్యార్థులది కాదు.. ఉపాధ్యాయులు, అధ్యాపకులది కూడా..

ప్రస్తుతం నేటి యువత ఎదుర్కొంటోన్న స్కిల్ లోపాలకు కారణం వారు కాదని టీచర్లదేనని ఎమ్మెల్సీ శ్రవణ్ అన్నారు. ఓ అధ్యయనం ప్రకారం 50 మంది టీచర్లలో కమ్యూనికేష్, డిజిటల్, టెక్నాలజీ స్కిల్స్ లేవని తేలిందన్నారు. విద్యార్థులకు బోధించే విషయంలో ఈ స్కిల్స్ లేని పరిస్థితి ఉందని ఆ సర్వే ద్వారా తెలిసిందన్నారు. టీచర్లలోనే స్కిల్స్ లోపిస్తే వారు విద్యార్థులపై ఏం ప్రభావం చూపుతారని శ్రవణ్ ప్రశ్నించారు. టీచర్లు, విద్యార్థులు స్కిల్ లేని ఒకే నావలో ప్రయాణిస్తున్నట్లు పరిస్థితి ఉందని అభిప్రాయపడ్డారు. విద్యార్థులను స్కిల్డ్ పర్సన్ గా తీర్చిదిద్దే ముందు పాలసీ మేకర్లు, విద్యా సంస్థల యాజమాన్యాలు అధ్యాపకులను, ఉపాధ్యాయులకు సరైన ట్రైనింగ్ ఇవ్వాల్సి ఉందన్నారు. చైనా లాంటి దేశాల్లో మాండరిన్ భాషలో 150 పదాలు నేర్చుకుంటే తప్ప అక్షరాస్యుడిగా గుర్తించరని, కాని మన దేశంలో సొంత భాషలో పేరు రాయడం వస్తే వారిని అక్షరాస్యుడిగా గుర్తించే విధానం ఉందని శ్రవణ్ చెప్పారు. ఇలాంటి విధానాలు దేశానికి మేలు చేయవన్నారు. చైనా బడ్జెట్‌లో 4 శాతం విద్య కోసం ఖర్చు చేస్తే, మన దేశం 2.9 శాతం మాత్రమే ఖర్చు చేస్తోందని చెప్పారు. ఇలాంటి విధానాల వల్లే మన దేశం టెక్నాలజీ, ఐటీ పరంగా ముందున్నా అక్షరాస్యత 70 శాతం మాత్రమే ఉందని, చైనాలో అది 90 శాతంగా ఉందని చెప్పారు. విద్యా పాలసీ తయారు చేసే వారు కేవలం విద్యార్థులను దృష్టిలో పెట్టుకోకుండా టీచర్లను కూడా ట్రైన్ చేసేలా పాలసీలు తయారు చేయాలని సూచించారు.

విద్యార్థి, ఉపాధ్యాయుడు ఓ సైనికుడిలా ఉండాలి.

విద్యను బోధించే విషయంలో గాని, విద్యార్థులు విద్యను ఆర్థింజే విషయంలో ఓ సైనికుడిని పోలి ఉండాలని శ్రవణ్ ఉదహరించారు. ఓ సైనికుడికి తన జీవితంలో ఒక్కసారే యుద్దం చేసే అవకాశం రావచ్చు. కాని ఆ సైనికుడు ప్రతీ రోజు యుద్దం వస్తుందన్న రీతిలో సన్నద్ధతతో ఉంటారని చెప్పారు. అందుకు అవసరమైన శిక్షణ ఆ సైనికుడికి ప్రతీ రోజు ఉంటుందన్నారు. అలాగే విద్యార్థి, టీచర్లు కూడా ప్రతీ రోజు టెక్నాలజీ పరంగాను, స్కిల్స్ పెంచుకునే విషయంలో సైనికుడి వల్లే సన్నద్ధత, శిక్షణ కలిగి ఉండాలని సూచించారు. దురదృష్టవశాత్తు ఇది మన దేశంలో జరగడం లేదన్నారు. ప్రస్తుత యువత టెక్నాలజీని అర్థం చేసుకునే శక్తి ఉంది. వారికి మార్గనిర్దేశనం చేసే టీచర్ల వ్యవస్థ కావాలన్నారు. కమ్యూనికేషన్ స్కిల్స్, సాఫ్ట్ స్కిల్స్, లీడర్ షిప్ స్కిల్స్, లైఫ్ స్కిల్స్ నేర్పేరీతిలో ప్రభుత్వ పాలసీలు ఉండాలని సూచించారు.

స్కిల్ యూనివర్సిటీ ఉద్యోగులను తయారు చేసే కర్మాగారం కాకూడదు.

తెలంగాణ ప్రభుత్వం చెబుతున్న స్కిల్ యూనివర్సిటీ అనేది కేవలం నైపుణ్యం గర ఉద్యోగులను తయారు చేసేదిగా ఉండకూడదన్నారు. 2018లో కాంగ్రెస్ పార్టీలో ఉన్నానని అప్పుడు హైకమాండ్ ఆదేశాలతో నిపుణులైన వారితో కలిసి కాంగ్రెస్ మ్యానిెఫెస్టో పాలసీలు తయారు చేసినట్లు తెలిపారు. అందులో భాగంగానే తెలంగాణకు స్కిల్ యూనివర్సిటీ ఉండాలని తామంతా భావించి కాంగ్రెస్ మ్యానిఫెస్టోలో పెట్టినట్లు చెప్పారు. గతంలో వైఎస్ హయాంలో జవహర్ నాలెడ్జ్ సెంటర్ పెట్టారని, బీఆర్ఎస్ హయంలో టాస్క్ పేరుతో ఉందని, ఇప్పుడు దాన్ని రేవంత్ రెడ్డి ప్రభుత్వం స్కిల్ యూనివర్సిటీగా మార్చిందన్నారు. అయితే ఈ స్కిల్ యూనివర్సిటీ ద్వారా ఏం చేయదల్చుకున్నారని శ్రవణ్ ప్రశ్నించారు. నైపుణ్యం గల ఉద్యోగులను తయారు చేయడానికి ఇది అవసరం లేదన్నారు. ప్రస్తుతం పోటీ ప్రపంచం నైపుణ్యం ఉన్న ఉద్యోగుల కోసం చూడటం లేదని, నైపుణ్యం ఉన్న పారిశ్రామిక వేత్తలు, వ్యాపార వేత్తలు, ఉద్యోగాలు కల్పించే వారి కోసం ఎదురు చూస్తోందన్నారు. ఉద్యోగాలు కోరే వారి అవసరం లేదని, ఉద్యోగాలు ఇచ్చే వారిని తయారు చేయాల్సి ఉందన్నారు. స్కిల్ యూనివర్సిటీ నైపుణ్య లోపాలు, నైపుణ్యం ఉన్న యువత కొరత, కార్పోరేట్ సంస్థలు ఏం కోరుకుంటున్నాయన్న సర్వే నిర్వహించిందా అని శ్రవణ్ ప్రశ్నించారు. అలాంటి వివరాలు లేకుండా స్కిల్ యూనివర్సిటీ ఏం చేయనుందని ప్రశ్నించారు.

ప్రపంచ అవసరాలు తీర్చేలా పాలసీలు ఉండాలి.

మన విద్యావిధానం సమూలంగా మారాల్సిన అవసరం ఉందని ఎమ్మెల్సీ శ్రవణ్ చెప్పారు. ప్రాధమిక, హైస్కూల్, ఇంటర్, డిగ్రీ స్థాయి నుండే వారి స్కిల్స్ పెంచేలా విద్యా పాలసీలు ఉండాలన్నారు. కేవలం సర్టిఫికెట్స్ కోసం విద్యను బోధిస్తే ఆ విద్యార్థి పోటీ ప్రపంచంలో వెనుకబడటం ఖాయమని చెప్పారు. టెక్నాలజీ పరంగా నేటి యువత అంత వెనుకబడి లేరని కాని కమ్యూనికేషన్ స్కిల్స్, లైఫ్ స్కిల్స్, లీడర్ షిప్ స్కిల్స్ వంటి విషయాల్లో వెనుకబడి ఉన్నారని చెప్పారు. విద్యా సంస్థలు, ఐటీఐలు, పాలిటెక్నిక్ లు, పరిశ్రమలు, కార్పోరెట్ సంస్థలు, టెక్నాలజీ సంస్థలన్నింటిని ఓ గొడుగు కిందికి తెచ్చి నైపుణ్య విషయంలో యువతలో ఉన్న లోపాలను కనుక్కునే వ్యవస్థ లేదా పాలసీ తేవాలని సూచించారు. ప్రతీ ఆరు నెలలకు టెక్నాలజీ సంస్థలు తమ టెక్నాలజీని మార్చేస్తున్నాయని, కాని అధ్యాపకులు వాటిని అందిపుచ్చుకుని విద్యార్థులకు శిక్షణ ఇవ్వలేకపోతున్నారని చెప్పారు. విద్యా సంస్థల క్యరికులం కూడా మారుతున్న అవసరాలకు అనుగుణంగా ఎప్పటికప్పుడు తమ సిలబస్ ను మార్చుకునే పాలసీలు రావాలని ఆకాంక్షించారు.

టెక్నాలజీ మార్పుల వల్ల కొత్త అవకాశాలు

ఏఐ, రోబోట్ టెక్నాలజీ వల్ల ఉద్యోగాలు పోతాయని చాలా మంది భయపడుతున్నారని ఇది సరి కాదని శ్రవణ్ అభిప్రాయపడ్డారు. ప్రధానిగా రాజీవ్ గాంధీ ఉన్న సమయంలో ఆయన మన ప్రభుత్వ రంగ సంస్థల్లో కంప్యూటర్లను ప్రవేశపెట్టారని, అప్పుడు కార్మిక, ఉద్యోగ సంఘాలు తీవ్రంగా దాన్ని వ్యతిరేకించాయని చెప్పారు. కంప్యూటర్ల వల్ల ఉద్యోగాలు పోతాయని ఆందోళన వ్యక్తం చేశాయని గుర్తు చేశారు. కాని తర్వాతి తరం ఆ కంప్యూటర్లను నేర్చుకోవడం వల్ల ఇవాళ ఐటీ రంగంలో మన దేశం ముందు ఉందన్నారు. ప్రతీ విద్యార్థి, టీచర్ టెక్నాలజీని వేగంగా నేర్చుకోవాలన్నారు. బీకాం విద్యార్థి టాలీ నేర్చుకపోతే తన డిగ్రీతో ఉద్యోగం సంపాదించగలడా అని ప్రశ్నించారు. డిగ్రీ ఏదైనా టెక్నాలజీని అందిపుచ్చుకోవాలన్నారు. ఏఐ, చాట్ జీపీటీ, వంటి వాటిని ఉపయోగించాలని సూచించారు. రానున్న రోజుల్లో క్లాస్ రూంల తీరు మారిపోతాయన్నారు. టీచర్ల బదులు రోబోలు బోధించవచ్చని చెప్పారు. చాట్ జీపీటీ వంటి వాటితో అవసరమైన సమాచారం మనమే నేరుగా తెలుసుకోవచ్చన్నారు. అప్పుడు టీచర్లు కేవలం మెంటార్స్ గా, పరిశీలకులుగా మాత్రమే ఉండవచ్చన్నారు. క్లాస్ రూంలు కూడా అంతర్థానం కావచ్చని, జూమ్, గూగుల్ మీట్ వంటి ద్వారా కూడా ఆన్ లైన్ క్లాస్ లు జరగవచ్చన్నారు. క్లాస్ రూంలు చర్చించుకునే ఫోరంలుగా రూపాంతరం చెందవచ్చని శ్రవణ్ చెప్పారు. చేసే పనిలో టెక్నాలజీని వినియోగించుకునే నైపుణ్యం సంపాదిస్తే ఉద్యోగాలు పోయే అవకాశం లేదని, కొత్త అవకాశాలు లభిస్తాయని శ్రవణ్ చెప్పారు.

ABP Smart Ed Conclave : AI ని సునామీలా చూడొద్దు.. ఉపాధ్యాయుడి స్థానానికి AIతో ముప్పులేదన్న రూట్స్ కొలీజియం ఛైర్మన్‌ బీపీ పడాల

RAMA — Thu, 22 May 2025 11:15:30 +0530

BP Padala Chairman of Roots Collegium: టెక్నికల్‌గా ఎంత ఎత్తుకు ఎదిగినా గురువుకు ఎప్పుడూ ప్రత్యేక స్థానం ఉంటుందన్నారు రూట్స్ కొలీజియం ఛైర్మన్‌ బీపీ పడాల. ఏబీపీ దేశం నిర్వహించిన స్మార్ట్‌ ఎడ్యూ కాన్‌క్లేవ్‌లో అతిథిగా హాజరై మాట్లాడారు. యువతలో కొత్త ఉత్సాహాన్ని నింపారు. AIపై ఉన్న అపోహలను తొలగించే ప్రయత్నం చేశారు. కృత్రిమ మేధస్సు తరగతి గదిని ఎలా మారుస్తుందనే అంశంపై ప్రత్యేకంగా మాట్లాడారు. విద్య అనేది విద్యార్థి- ఉపాధ్యాయ సంబంధం, మార్గదర్శకత్వం, నిజాయితీ, బాధ్యత వంటి విలువలతో కూడినదని తెలిపారు. అయితే టెక్ దిగ్గజాల్లో తాను ఓ భిన్నమైన వ్యక్తిగా తనను తాను చెప్పుకొచ్చారు. సంప్రదాయ డొమైన్ నుంచి వచ్చిన వ్యక్తిగా తాను ఉపాధ్యాయుడి పక్షపాతిగానే ఉంటానన్నారు. ఇప్పుడు ఓవైపు రోజురోజుకు మరింత శక్తిమంతగా మారుతున్న టెక్నాలజీ, మరోవైపు సంప్రదాయ విధానాలు కలిపే జంక్షన్‌లో ఉన్నామని.. ఇలాంటి సమయంలో ఈ చర్చ అవసరం ఉందని పేర్కొన్నారు.

మార్గదర్శకత్వం, విలువలపై ఏఐ ప్రభావం

ఉపాధ్యాయుడి సంరక్షణ, సహ అభ్యాసనం, మనిషి విలువలు చెప్పే సంప్రదాయ తరగతి గదిపై ఇప్పుడు AI రాకతో ప్రభావం పడుతుందనే విషయంతో బీపీ పడాల విభేదించారు. చాట్‌జీపీటీ, జెమినీ వంటి టూల్స్‌ ఎలాంటి ఆలోచన లేకుండా అడిగినదానికి సమాధానాలు అందిస్తాయి. సమాచారాన్ని సేకరిస్తాయి. కానీ వీటన్నింటి కంటే విద్యార్థికి ఉపాధ్యాయుడు మార్గదర్శకత్వం అందిస్తాడు. కరుణ, హ్యూమానిటీతో సలహాలు ఇస్తాడు. మానవ విలువలు నేర్పిస్తాడు. ఇవన్నీ ఈ ఏఐలో లోపిస్తాయి. ఏఐ వల్ల నైతికత లోపిస్తుందా అనేది ఇప్పుడే కచ్చితంగా చెప్పలేం అన్నారు. రాబోయే ఐదు నుంచి పదేళ్లు కచ్చితంగా ఎలాంటి మార్పులు వస్తాయో తెలుస్తాయన్నారు. ఏఐ వల్ల మానవ విలువలు దెబ్బతింటాయనే వాదనను తోసిపుచ్చారు బీపీ పడాల . ఏఐ అనేది ఒక సాంకేతిక టూల్ మాత్రమే ...దీని వల్లే మానవ విలువలు, సంప్రదాయ విద్యాబోధనపై ప్రభావం పడబోదన్నారు. వాటిని ఎంత వరకు ప్రభావితం చేస్తుంది, కొత్త సమన్వయం చేస్తుందా అనేది చూడాలని అన్నారు. ఎప్పటికీ సంప్రదాయ ఉపాధ్యాయుడి స్థానాన్ని AI భర్తీ చేయబోదు అన్నది తన వ్యక్తిగత అభిప్రాయం అని స్పష్టం చేశారు

డిజిటల్‌ యుగంలో మానవ స్పర్శకు స్థానం లేదు

విద్యాసంస్థల్లో మార్పులు చాలా వచ్చాయి. డిజిటల్ క్లాస్‌రూమ్‌ల్లో పాఠాలు వింటున్నారు. ఇలాంటి సమయంలో విద్యాసంస్థలు పాత్ర ఏంటి అనే ప్రశ్నకు సమాధానంగా బీపీ పడాల కరోనా సమయంలో ఉన్న పరిస్థితులు గుర్తు చేశారు. కరోనా సోకిన మొదట్లో ఆన్‌లైన్ క్లాస్‌లు అంటే చాలా మంది కాస్త జాలీగా చూశారు. తర్వాత సీరియస్‌నెస్ పెరిగింది. ఆ తర్వాత విసుగు వచ్చింది. అప్పుడు నిజమైన తరగతి గదిని మిస్ అవుతున్నామనే భావన మొదలైంది. ఆన్‌లైన్‌లో విద్యాబోధన జరుగుతున్నప్పటికీ తరగతి గదిలో కూర్చొని వినే ఫీల్ కోల్పోయారు. విద్యార్థులతో కలిసి నేర్చుకోవడం లేదనే భావన మొదలైంది. మనిషి సంఘ జీవి. ఎప్పుడూ ఇంట్లోనే కూర్చుని అన్ని విషయాలు నేర్చుకోలేడు. పది మందిలో కూర్చుని నేర్చుకునే విషయాలు చాలా కాలం గుర్తు ఉంటాయి. కొత్త అనుభూతిని ఇస్తాయి. ఆ ఫీల్‌ ఒక్క రియల్‌ క్లాస్‌రూమ్‌లోనే వస్తుందన్నారు. ఆ ఫీల్‌ ఈ డిజిటల్ క్లాస్‌ రూమ్‌లో లభించదని అభిప్రాయపడ్డారు.

AI ఓ టూల్ మాత్రమే

ఏఐ అనేది కేవలం ఓ టూల్ మాత్రమే. దాని ఆధారంగా అధ్యాపకులు తమ బోధన విధానాలు మార్చుకుని పిల్లలకు విద్యను అందించాలి. టెక్నాలజీలో విలువలు, సింపతీ, హ్యుమానిటీని అంతర్భాగం చేయలేం. కాబట్టి అవి కళాశాలలు, అధ్యాపకులు, విద్యాసంస్థలు అందరూ కలిసి మాత్రమే చేయాలి.

AI కి పక్షపాతం

విద్యలో సాధనంగా భావిస్తున్న ఏఐకి కూడా పక్షపాతం ఉంటుందన్నారు బీపీపడాల. ఏఐ అనేది కూడా మానవుడిలానే చాలా బ్యాగేజీని మోస్తుంటుందన్నారు. దాన్ని ఎవరు తయారు చేస్తున్నారనే అంశంపై అది పని చేసే విధానం ఆధారపడి ఉంటుందని పేర్కొన్నారు. ఉపయోగించే వాళ్లును బట్టిగా మారుతుందన్నారు. ఈ సందర్భంగా ప్రాంతీయ భాషా శైలిని ఏఐ గుర్తించలేకపోవచ్చన్నారు. కోస్తాంధ్ర, తెలంగాణ, రాయలసీమకు భిన్నమైన భాషా శైలి ఉంటుందని అది ఏఐకి అర్థం కాకపోవచ్చని అభిప్రాయపడ్డారు. అదే విధంగా భిన్న ఆంగ్ల యాసలు లేదా వేరే భాషా శైలి ఉపయోగించే విద్యార్థి యాస ఈ క్వీన్ ఇంగ్లీష్ ఆధారిత ఏఐకు అర్థం కాకవచ్చన్నారు. గ్రామర్ తప్పు ఉందనో, లేదా సింటాక్స్ సరిగా లేదనో వేరే విషయాన్ని అందివ్వొచ్చన్నారు.

డిజిటల్ బాధ్యతలపై మార్గదర్శకత్వం అవసరం

చాట్‌ జీపీటీ వంటి ఏఐ సాధనాలతో విద్యార్థులు నిత్యం ట్రావెల్ అవుతున్నందున వారికి నీతి, నిజాయితీ, డిజిటల్ బాధ్యతలపై గైడెన్స్ అవసరం అన్నారు పడాల. ఈ విషయంలో విద్యాసంస్థలు, ఉపాధ్యాయులు ముఖ్యమైన పాత్ర పోషిస్తారు.. ఈ టూల్స్ ఎంత వరకు ఉపయోగించాలి, వాటిపై ఎంత వరకు ఆధారపడాలో కూడా తెలియజేయాలి. ఎక్కడ మొదలు పెట్టాలో తెలియడమే కాదు ఎక్కడ ఆపలో కూడా తెలుసుకోవడం చాలా ముఖ్యం అన్నారు. ఈ విషయంలో ఉపాధ్యాయులు, విద్యాసంస్థలు అప్రమత్తంగా ఉండాలని సూచించారు. జెనరేటివ్ ఏఐ యుగంలో సంప్రదాయాలు పాటించాలని చెప్పడం కూడా సవాల్‌గా మారిపోతుందన్నారు. ప్రస్తుతం ఇంకా ప్రారంభ దశలో ఉన్నందున ఐజాక్ అసిమోవ్‌ మూడు సూత్రాల మాదిరిగానే ఈ అడ్డంకులు ఏఐ మాదిరిగానే వృద్ధి చెందుతున్నాయని అన్నారు. ఏఐను న్యాబద్ధంగా వాడుకోవడం అంటే ఈ టూల్స్ ఉపయోగించే వేరే వాళ్ల డేటాను తస్కరించడం చాలా ప్రమాదకరమన్నారు. ఏఐ డిజైన్ చేసిన టూల్‌ను తమదిగా విద్యార్థులు చెప్పుకోవచ్చన్నారు. ఇప్పుడు కొత్త కొత్త టూల్స్‌ను ఉపయోగించి కొత్త మ్యూజిక్‌ను కూడా క్రియేట్ చేస్తోంది. ఇది ఏ స్థాయికి వెళ్తుంది దీనికి ఉన్న హద్దులు ఏంటో తెలుసుకోవాలి. అని అభిప్రాయపడ్డారు. ఈ సమయంలోనే విద్యార్థులకు డేటాను ఏ స్థాయి వరకు తీసుకోవాలి. వాటిని ఎంత న్యాయబద్ధంగా ఉపయోగించాలి లాంటి విషయాలపై సరిహద్దులు క్రియేట్ చేయాలి. వాటిని అధ్యాపకులు, విద్యాసంస్థలు బోధించాలి అని అన్నారు. అందుకే ఏఐ జనరేషన్‌లో నైతిక అక్షరాస్యత అవసరం అన్నారు.

ఏఐతో కూడిన శక్తిమంతమైన క్లాస్‌ రూమ్‌ చూస్తాం

రాబోయే ఐదు నుంచి పదేళ్లలో ఏఐతో కూడిన శక్తిమంతమైన తరగతి గది ఉంటుందని అన్నారు. అక్కడ కూడా సంప్రదాయ ఉపాధ్యాయుడే బోధిస్తాడని చెప్పుకొచ్చారు. ఎప్పటికీ ఈ సంప్రదాయ ఉపాధ్యాయుడి స్థానాన్ని ఎవరూ భర్తీ చేయలేరని స్ట్రాంగ్ గా చెప్పారు ఉపాధ్యాయులు ఎవరూ భయపడాల్సిన పని లేదని అన్నారు. ఎవరికైనా అలాంటి భయం ఉంటే ఏఐ నేర్చుకుని పాఠాలు బోధించాలని సూచించారు.

మార్పునకు వ్యతిరేకం కాదు

తాను మార్పునకు వ్యతిరేకం కాదన్న బీపీ పడాల..మార్పులో ఉన్న మంచిని గ్రహించి తమ వృత్తికి జోడించి ముందుకు సాగాలని సూచించారు. ఏఐ అనేది సునామీగా చూస్తున్నామని ఇప్పుడు భయపడాల్సిన పని లేదని అందులో మునిగిపోకుండా ఎలా ప్రయాణించాలో నేర్చుకోవాలని సూచించారు. విద్యాబోధనలో కూడా ఇదే వర్తిస్తుందని చెప్పారు. వాటిలో మంచిని గ్రహించి బోధనకు జోడించాలని తెలిపారు.

Mahakumbh Viral Girl Monalisa: కాటుక కళ్ల చిన్నది.. కుంభమేళాను కట్టిపడేసింది.

Nagesh GV — Mon, 20 Jan 2025 17:16:19 +0530

కుంభమేళాలో మెరిసిన ఓ చిన్నది.. దేశం మొత్తాన్ని తనవైపు తిప్పుకుంది. అయస్కాంత కళ్లతో ఆకట్టుకున్న ఆ అమ్మాయిని ఇప్పుడు బాలీవుడ్ స్టార్లతో పోలుస్తున్నారు. కుంభమేళాలో పూసలు, దండలు అమ్ముకునే ఆ అమ్మాయి ఇప్పుడు నేషనల్ న్యూస్ మేకర్. మెరిసే కళ్లతో చురుకైన చూపులతో ఆకట్టుకున్న ఆ టీనేజ్ అమ్మాయే.. ఇప్పుడు సోషల్ మీడియాలో సన్సేషన్. దేశం మొత్తం కుంభమేళలో తన గురించి చర్చ జరిగేలా చేసుకున్న ఆ సన్సేషన్ పేరు మోనాలిసా భోస్లే..

మధ్యప్రదేశ్ మోనాలీసా
లక్షలాదిమంది మనసు దోచుకున్న మోనాలీసాది మధ్యప్రదేశ్‌లో ఇండోర్ దగ్గరనున్న మహేశ్వర్ అనే ప్రాంతం. వీళ్లది పూసలు, రుద్రాక్షలు అమ్ముకునే వ్యాపారం. లక్షలాది మంది భక్తులు తరలివస్తున్న మహాకుంభ్‌లో పూసల దండలు అమ్మేందుకు ఈ అమ్మాయి ప్రయాగరాజ్ వచ్చింది. చూడటానికి ఆకర్షణీయంగా మాటల్లో ఆత్మవిశ్వాసం చూపిస్తున్న ఈ చిన్నది మీడియా కంట పడింది. రెండు రోజుల్లో ఈ అమ్మాయి.. సోషల్ మీడియా స్టార్ అయిపోయింది. తీర్చిదిద్దినట్లున్న ఆ అమ్మాయి కాటుక కళ్లకు అందరూ ఫ్యాన్స్ అయిపోయారు. అద్భుతమైన అందం ఉన్న తను మట్టిలో మాణిక్యం అంటూ సోషల్ మీడియాలో కామెంట్లు చేస్తున్నారు.

ఇంటికి పంపేసిన తండ్రి
ఎక్కడో మారమూల ప్రాంతం నుంచి ఎలాంటి మీడియా హడావుడి లేని చోట నుంచి వచ్చిన వీళ్ల ఫ్యామిలీ ఒక్కసారిగా వచ్చిన ఈ ఫేమ్‌ను సరిగ్గా తీసుకోలేకపోయింది. వందల మంది జనం, ఒక్కసారిగా పెరిగిపోయిన మీడియా తాకిడికి ఆ కుటంబం తట్టుకోలేకపోయింది. తన కూతురిపై వస్తున్న అటెన్షన్‌ తనకు ప్రమాదమని భావించి ఆ అమ్మాయి తండ్రి ఆమెను సొంతూరికి పంపించేశారు. ప్రస్తుతం ఆమె సోదరిలు మాత్రమే మహాకుంభ్‌లో వ్యాపారం చేస్తున్నారు. జనం ఎక్కడికి వెళ్లినా మోనాలిసా వెంట పడుతున్నారు. తను వ్యాపారం కూడా చేసుకోలేకపోతోంది. పూసల దండల అమ్మడమే నా జీవనాధారం. అది దెబ్బతింటోంది. అందుకే మా నాన్న తనను పంపిచేశాడు అని సోదరి విద్య చెప్పింది.

Also Read: చేతిలో ఆఫిల్ ఐఫోన్, ట్రైప్యాడ్ - 'డిజిటల్ బాబా' గా అవతారమెత్తి నెలకు రూ.1.5లక్షలు సంపాదిస్తోన్న సాధువు

మారుమోగుతున్న మోనాలిసా పేరు
మహాకుంభ్ నుంచి మోనాలీసా వెళ్లిపోయినా కానీ తన పేరు మాత్రం సోషల్ మీడియాలో హెరెత్తుతూనే ఉంది. #Mahakumbhmonalisa పేరుతో ఇంటర్నెట్‌లో కామెంట్లు వస్తున్నాయి.
ఆమె అందం అంతా ఆ కళ్లలోనే ఉంది. ఆమె కళ్లు మాటలకందని ఊసులేవో చెబుతున్నాయి. మహాకుంభ్ ఇంత మంచిస్టార్ ను ఇస్తుందని ఎవ్వరూ ఊహించలేదు అని ఓ నెటిజన్ ఇన్ స్టాగ్రామ్ లో కామెంట్ చేశాడు.
ఒకరి జీవితం ఇలా రాత్రికి రాత్రే మారడం సంతోషకరమే. అయితే ఈ ఫేమ్ ఆమెకు ఇబ్బంది కాకూడదు. ఇది రెండు వైపులా పదునున్న కత్తి లాంటిది. ఈ గందరగోళంలో ఆమెకు మనశ్శాంతి దక్కాలని కోరుకుంటున్నా.. అని దివ్యా రాజ్ పుత్ అనే ఇన్ స్టాగ్రామ్ యూజర్ రాసుకొచ్చారు.

సినిమా స్టార్లతో పోలిక
మోనాలీసాను అప్పుడే కొంతమంది సినిమా స్టార్లతో కూడా పోలుస్తున్నారు. మీమ్ పేజిలన్నీ అప్పుడే కొంతమంది స్టార్లతో పోలిక కూడా తెస్తున్నాయి. ప్రయాగరాజ్‌లో ABP NEWS ప్రతినిధితో మోనాలీసాతో మాట్లాడింది. తనకు వస్తున్న ఫేమ్ పై సంతోషం ఉన్నా.. కొద్దిగా భయం కూడా ఉందని ఆమె చెప్పింది. సినిమాల్లోకి రావడంపై ప్రశ్నించగా.. దేవుడు ఎలా రాసి పెడితే అలా ఉంటుందని వ్యాఖ్యానించింది. తనకు సినిమాల్లో ఐశ్వర్యారాయ్ అంటే ఇష్టం అని చెప్పింది.

Also Read: కుంభమేళాపై స్టీవ్ జాబ్స్ లేఖ ఖరీదు రూ.4.32 కోట్లు- సోషల్ మీడియాలో లెటర్‌ వైరల్

Also Read: అడ్డమైన ప్రశ్న అడిగాడని యూట్యూబర్‌ను చితబాదిన బాబా - మహాకుంభమేళాలో వైరల్ వీడియో